Pangasiwaan ng Palingkurang Atmosperiko, Heopisikal at Astronomiko ng Pilipinas
| Philippine Atmospheric, Geophysical and Astronomical Services Administration Pangasiwaan ng Palingkurang Atmosperiko, Heopisikal at Astronomiko ng Pilipinas |
|
 |
|
| Buod ng ahensya | |
|---|---|
| Binuo | December 8, 1972 |
| Pumalit na ahensiya | Kawanihan ng Panahon |
| Nasasakupan | The Philippine Area of Responsibility (PAR) |
| Punong-tanggapan | Science Garden Complex, Daang Agham, Diliman, Lungsod Quezon |
| Tagapagpaganap ng ahensiya | Dr. Nathaniel T. Servando, Tagapangasiwa |
| Pinanggalingang ahensiya | Department of Science and Technology |
| Websayt | |
| http://www.pagasa.dost.gov.ph | |
Ang Pangasiwaan ng Palingkurang Atmosperiko, Heopisikal at Astronomiko ng Pilipinas (Ingles: Philippine Atmospheric, Geophysical and Astronomical Services Administration, pinaikli bilang PAGASA) ay isang pambansang institusyon sa Pilipinas na linikha upang magbigay ng mga babala tungkol sa baha at sa mga bagyo, pampublikong taya ng panahon, meteorolohiya, astronomikal at iba pang impormasyon at serbisyo na ang layunin ay ang maproteksyonan ang buhay at ari-arian at para suportahan ang paglago at patuloy na pagbabago sa ekonomiya ng bansa. Ibinuo ang ahensiya noong 8 Disyembre 1972 sa ilalim ng Atas ng Pangulo Blg. 78 (Presidential Decree No. 78), na nagsaayos ng Kawanihan ng Panahon (Weather Bureau) upang maging PAGASA.[1]
Ang PAGASA ay nagbabantay sa mga namumuong sama ng panahon at nagbibigay ng babala para sa mga bagyo. Ang mga sumusunod na coordinates ay ang hangganan na sakop ng PAGASA.
- 25°N 120°E, 25°N 135°E, 5°N 135°E, 5°N 115°E, 15°N 115°E, 21°N 120°E at bumalik sa umpisa.[2]
Ang PAGASA ay naglalabas ng kanilang ulat kada anim na oras sa lahat ng bagyo para sa mga lugar na maaring maapektuhan nito at tuwing ika-labingdalawang oras naman kung walang bagyo makakaapekto sa Pilipinas. Noong Agosto 27, 2007, sinabi ng PAGASA na ang ahensya ay maglalagay ng tornado warning system, pagkatapos ng sunod-sunod na malalakas at mapaminsalang buhawi ang sumira ng mga kabahayan sa Gitnang Luzon. Nagbigay din ng babala ang PAGASA sa mga nakatira sa Kanlurang bahagi ng Luzon na asahan ang pagdating ng iba pang buhawi simula Hulyo hanggang Septyembre dahil sa hindi wastong weather patterns at pagbabago sa klima. Noong Agosto 23, 2007, ang pangalawang buhawi ay sinira ang tatlumpung (30) kabahayan sa apat na lugar sa San Miguel, Bulacan, ang una ay sinira ang dalawampung-pito (27) sa San Rafael noong Agosto 8, 2007.[3]
References [baguhin]
- ↑ "A BRIEF HISTORY OF THE PHILIPPINE METEOROLOGICAL SERVICE". Philippine Atmospheric, Geophysical and Astronomical Services Administration. 2004. http://www.pagasa.dost.gov.ph/history.shtml. Nakuha noong 2008-12-12.
- ↑ http://www.wmo.ch/web/www/TCP/OperationPlans/TCP-232005.pdf
- ↑ GMA NEWS.TV, PAGASA to put up tornado warning system
