Ron Paul

Ron Paul
Miyembro ng Kapulungan ng mga Kinatawan ng Estados Unidos mula sa ika-14 na distrito ng Texas
Panunungkulan Enero 3, 1997 – Enero 3, 2013
Sinundan si	Greg Laughlin
Sinundan ni	Randy Weber
Miyembro ng Kapulungan ng mga Kinatawan ng Estados Unidos mula sa ika-22 na distrito ng Texas
Panunungkulan Enero 3, 1979 – Enero 3, 1985
Sinundan si	Robert Gammage
Sinundan ni	Tom DeLay
Panunungkulan Abril 3, 1976 – Enero 3, 1977
Sinundan si	Robert R. Casey
Sinundan ni	Robert Gammage
Kapanganakan	Agosto 20, 1935 (1935-08-20) Pittsburgh, Pennsylvania
Tunay na pangalan	Ronald Ernest Paul
Partidong politikal	Republican (1976–1988) Libertarian (1988) Republican (1988–kasalukuyan)
Asawa	Carolyn "Carol" Paul
Mga anak	Ronald "Ronnie" Paul, Jr. Lori Paul Pyeatt Randal "Rand" Paul Robert Paul Joy Paul-LeBlanc
Tirahan	Lake Jackson, Texas
Alma mater	Gettysburg College (B.S.) Duke University (M.D.)
Propesyon	Doktor, Pulitiko
Relihiyon	Kristyano (Baptist)
Lagda
Websayt	Tanggapan ni Ron Paul
Paglilingkod sa Militar
Service/branch	United States Air Force United States Air National Guard
Taon sa serbisyo	1963–1965 1965–1968

Si Ronald Ernest "Ron" Paul (ipinanganak noong Agosto 20, 1935) ay isang Amerikanong manggagamot at dating kongresista mula sa partidong Republican na kumatawan sa ika-14 na distrito ng Texas mula 1997 hanggang 2013. Bilang isang mambabatas, siya ay naging miyembro ng House Foreign Affairs Committee, ng Joint Economic Committee, at ng Committee on Financial Services. Nagsilbi rin siya bilang pinuno ng House Financial Services Subcommittee on Domestic Monetary Policy, kung saan siya ay isang kilalang kritiko sa kasalukuyang pamamalakad sa ekonomiya at sa ugnayang panlabas ng Estados Unidos.

Si Paul ay isang gradwado sa Gettysburg College at sa Duke University School of Medicine, kung saan nakamit niya ang digri para sa medisina. Si Paul ay naging flight surgeon para sa Hukbong Himpapawid ng Estados Unidos mula 1963 hanggang 1968, sa kalagitnaang ng Digmaang Biyetnam. Siya ay nagtrabaho bilang manggagamot para sa obstetriks at hinekolohiya sa dekadang 1960s at 1970s, at nagpaanak ng halos 4,000 sanggol, bago pumasok sa pulitika noong 1976.

Si Paul ang nagtatag ng grupong Campaign for Liberty at ang kanyang mga ideya ay inilahad sa di mabilang na mga artikulo at libro, kabilang ang Liberty Defined: 50 Essential Issues That Affect Our Freedom (2011), End The Fed (2009), The Revolution: A Manifesto (2008), Pillars of Prosperity (2008), A Foreign Policy of Freedom: Peace, Commerce, and Honest Friendship (2007), at The Case for Gold (1982). Ayon kay Keith Poole, isang siyentipikong pampulitikal mula sa University of Georgia, si Paul ang may pinakakonserbatibong voting record ng kahit sinong miyembro ng Kongreso ng Estados Unidos mula 1937. Ang kanyang anak na si Rand Paul ay inihalal bilang Senador ng Estados Unidos para sa estado ng Kentucky noong 2011, at bilang resulta ay ang nakatatandang Paul ang naging kauna-unahang mambabatas sa Kapulungan ng mga Kinatawan ng Estados Unidos na nanunungkulan kasabay ang kanyang anak sa Senado ng Estado Unidos.

Si Paul ay binansagang "intellectual godfather" ng kilusang Tea Party. Siya ay naging kilala sa kanyang mga posisyong libertaryan sa ilang isyung pulitikal, at madalas siyang nagkakabanggaan sa mga pinuno ng mga partidong Republican at Democratic dahil sa mga posisyong ito. Minsang tumakbo si Paul para sa pagka-Pangulo ng Estados Unidos noong 1988 bilang nominado ng partidong Libertarian, at noong 2008 at 2012 bilang kandidato para sa nominasyon ng partidong Republican.

Mga Kawing Panlabas

• Personal na websayt ni Ron Paul
• Tanggapan ni Ron Paul para sa Kapulungan ng mga Kinatawan ng Estados Unidos
• Websayt para sa kampanya ni Ron Paul para sa pagkapangulo ng Estados Unidos para sa 2012
• Websayt para sa grupong Campaign for Liberty