Tagagamit:Al Ace Balatico/burador

Fetish

Ang “sexual fetishism” o “erotic fetishism” ay ang libog na nakukuha ng isang tao mula sa isang bagay. Fetish ang tawag sa bagay o sitwasyon na nagbibigay nito at fetishist naman ang tawag sa taong may fetish sa mga nasabing bagay o sitwasyon. Ito ay maaring ituring na elementong nakakapagpalago ng isang romantiko o sekswal na relasyon sa ordinaryong pamamaraan (hal. pagpapasuot ng isang uri ng damit) o isang sakit sa utak ng sekswal na kagustuhan kung ito ay nagdudulot ng sikososyal na hirap sa isang tao o masamang epekto sa ibang aspekto ng kanyang buhay. Ang sekswal na libog na mula sa isang parte ng katawan ay itinuturing na “partialism.”

Ang salitang fetish ay galing sa salitang Pranses na fétiche, na galing naman sa salitang Portuges na feitiço (“salitang mahika”) na nagmula sa Latino na factitious (“likhang tao”) at facere (“gawin”). Ang fetish ay isang bagay na pinapaniwalaan na may kapangyarihan o isang tiyak na likha ng tao na may kapangyarihan na lamang sa iba. Samakatwid, ang fetish ay ang nag-uugnay ng taglay na halaga o kapangyarihan sa isang bagay. Ang mga salitang “erotic fetish” at “sexual fetish” ay unang ipinakilala ni Alfred Binet. Ang salitang fetish ay minsan maaaring pagkamalan na rin bilang “sexual fetish”.

Kung ang isang “sexual fetish” ay nagdudulot ng sikososyal na hirap sa isang tao o masamang epekto sa mga importanteng aspekto ng kanilang buhay, ito ay kinikilala na hindi magandang gawi na sekswal sa Diagnostic and Statistical Manual of Mental Disorders (DCM) at sa International Statistical Classification of Diseases and Related Health Problems (ICD). Marami ang may tanggap ng kanilang fetish kaysa sa subukan itong alisin, lalo na sa panahon ngayon na madaling makahanap ng mga taong katulad nila sa internet.

Sa isang pag-aaral sa isang ospital sa loob ng 20 na taon, 48 na kaso ang natukoy at kabilang sa kanilang mga fetish na bagay ang damit (58.3%), mga bagay na goma (22.9%), kasuotang pangyapak (14.6%), kasuotang gawa sa leather (10.4%) at mga malalambot na bagay o tela (6.3%).