Asian Kung Fu Generation

Asian Kung Fu Generation
Genre	Indie rock Alternative rock Power pop
Mga tatak	Ki/oon, Tofu, Okami
Sityo	asiankung-fu.com

Ang Asian Kung-Fu Generation (アジアン・カンフー・ジェネレーション, Ajian Kanfū Jenerēshon), o ASIAN KUNG-FU GENERATION, ay isang Hapones na banda ng rock na nabuo sa Yokohama, Hapon noong 1996. Sa halos kabuuan na kanilang larangan, binubuo ng kanilang bokalistang si Masafumi Gotō, ng gitaristang si Kensuke Kita, ng bahistang si Takahiro Yamada, at mananambol na si Kiyoshi Ijichi. May impluwensiya ng Kanluraning punk at alternatibong rock ang istilong musikal ng banda, at maging ng mga bandang indie sa Hapon, kaya naman nagtataglay ang kanilang mga kanta ng balanse ng iba't ibang elementong nagmula sa iba't ibang mga henero, lalo na ang mga emosyonal na mga liriko at mabilis na pagtugtog ng gitara. Bagaman nagsimula sila bilang isang bandang indie, nakilala nang husto ang banda sa Hapon at maging sa ibang mga bansa.