Daniel Burnham

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Daniel Hudson Burnham
D H Burnham-Men of Illinois-1902.png
Litrato ni Daniel Burnham
Sariling impormasyon
Pangalan Daniel Hudson Burnham
Nasyonalidad Amerikano
Kapanganakan 4 Setyembre 1846(1846-09-04)
Pook ng pagsilang Henderson, New York
Kamatayan 1 Hunyo 1912 (edad 65)
Pook ng kamatayan Heidelberg, Alemanya
Hanap-buhay
Ngalan ng kumpanya Burnham at Root
Mahahalagang gusali Gusaling Flatiron
Mahahalagang proyekto Kolumbyanong Eksposisyon ng Daigdig

Si Daniel Hudson Burnham, FAIA (4 Setyembre 1846 – 1 Hunyo 1912) ay isang Amerikanong arkitekto at tagaplano ng lungsod. Isa siya sa mga arkitektong naging responsable sa pagbabago ng abot-tanaw o guhit-tagpuan (skyline sa Ingles) ng mundo. Siya ang nagpanimula ng mga Amerikanong tukudlangit.[1] Siya ang dating Direktor ng mga Pagawain para sa Kolumbyanong Eksposisyon ng Daigdig at nagdisenyo ng ilang mga kilalang mga gusali, kabilang ang Gusaling Flatiron sa Lungsod ng New York at Estasyong Unyon sa Washington D.C., pati na ang Kolumbiyanong Eksposisyon ng Daigdig sa Tsikago ng 1893.[1][2] Sa Pilipinas, muli niyang dinisenyo ang Maynila at siyang lumikha ng resort sa Lungsod ng Baguio, kabilang ang Liwasang Burnham.[2]

Hindi nagkaroon ng plano sa pagiging arkitekto si Burnham, bagkus bumagsak siya sa mga pagsusulit na pangpagpasok sa Harvard at sa Yale. Sumubok muna rin siyang magkaroon ng karera sa politika, bago magbalik sa Tsikago upang maging katulong na mangguguhit ng plano o draftsman. Pagdaka, naging kasama niya sa pagka-arkitekto si John Wellborn Root. Nakilalang lalo si Burnham dahil sa Plano ng Tsikago o Planong Pang-Tsikago (kilala sa Ingles bilang Plan of Chicago) na pinaunlad noong 1909.[1]

Mga sanggunian[baguhin]

  1. 1.0 1.1 1.2 The Christophers. (2004). "Daniel H. Burnham, Aim High and... Tall?". Three Minutes a Day, Tomo 39. The Christophers, Lungsod ng Bagong York, ISBN 0939055384., pahina para sa Setyembre 21.
  2. 2.0 2.1 "Daniel Burnham". Karnow, Stanley., "In Our Image, America's Empire in the Philippines", Random House, Inc., New York, ISBN 0394594759. (1989).