Estasyon ng Vito Cruz (PNR)

Tungkol sa estasyon ng PNR ang artikulo na ito. Para sa estasyon ng LRT-1, tingnan ang Estasyong Vito Cruz ng LRT.

Vito Cruz
Pambansang Daambakal ng Pilipinas
Labas ng estasyong Vito Cruz
Pangkalahatang Impormasyon
Lokasyon	South Luzon Expressway pgt. Karugtong ng Pablo Ocampo Street San Andres, Maynila
Koordinato	14°34′1.56″N 121°0′10.14″E
Pagmamayari ni/ng	Pambansang Daambakal ng Pilipinas
Linya	█ Linyang Patimog
Plataporma	Mga platapormang pagilid
Riles	2
Konstruksiyon
Uri ng estruktura	Nasa lupa
Akses ng may kapansanan	Oo
Ibang impormasyon
Kodigo	VTC
Kasaysayan
Nagbukas	1975
Muling itinayo	1990, 2009
Serbisyo
Huling station   PNR   Susunod station San Andres patungong Tutuban Metro Commuter Dela Rosa patungong Alabang o Calamba

Ang Vito Cruz ay isang estasyon ng Pangunahing Linyang Patimog o South Main Line (na tinatawag ding "Linyang Patimog" o "Southrail") ng Pambansang Daambakal ng Pilipinas. Tulad ng lahat ng mga estasyon ng PNR, ang estasyon na ito ay nasa lupa (at grade). Matatagpuan ang estasyon sa kanto ng Karugtong ng Kalye Pablo Ocampo (dating Karugtong ng Vito Cruz) at South Luzon Expressway sa San Andres, Maynila, malapit sa hangganan ng lungsod at Makati.

Ang Vito Cruz ay ang ikawalong estasyon patimog mula sa Tutuban at ang huling estasyon na pisikal na matatagpuan sa loob ng Maynila.

Kasaysayan

Labas ng Estasyong Vito Cruz noong 2006, bago ang pagsasaayos.

Kasama ang Buendia, ang Vito Cruz ay binuksan noong Nobyembre 24, 1975 bilang bahagi ng ikawalumpu't-tatlong Anibersaryo ng Pambansang Daambakal ng Pilipinas.

Mga kalapit na pook-palatandaan

Malapit ang estasyon sa mga institusyong pangedukasyon tulad ng pangunahing kampus ng Pamantasang Arellano, Pamantasang De La Salle Maynila, De La Salle–College of Saint Benilde at Dalubhasaan ng Santa Escolastica. Di-kalayuan mula sa estasyon ay ang Sementeryong Timog ng Maynila at ang dating Santa Ana race track na ngayon ay kinalalagyan ng inuusbong na Circuit Makati.

Mga kawing pantransportasyon

Mapupuntahan ang estasyong Vito Cruz gamit ang mga dyipning dumadaan sa ruta ng Kalye Zobel Roxas, gayundin ang mga bus sa South Luzon Expressway. Matatagpuan sa tapat ng estasyon sa Kalye Zobek Roxas ang isang himpilan para sa mga traysikel ng Barangay San Antonio, habang ipinabababa rin ng mga sasakyang de-padyak na nakabase sa Barangay Palanan at Maynila ang kanilang mga mananakay sa estasyon.

Pagkakaayos ng Estasyon

Isang paparating na 2540 + 4 EMU 203 sa estasyong Vito Cruz.

L1 Mga plataporma	Platapormang pagilid, magbubukas ang mga pinto sa kanan
	Plataporma A	PNR Metro Commuter patungong Tutuban (←)
	Plataporma B	PNR Metro Commuter patungong Alabang (→)
	Platapormang pagilid, magbubukas ang mga pinto sa kanan
L1	Lipumpon/ Daanan	Takilya, sentro ng estasyon, mga tindahan, Pamantasang Arellano, Pamantasang De La Salle Maynila, De La Salle-College of Saint Benilde, Dalubhasaan ng Santa Escolastica

Tingnan din

• Talaan ng mga estasyon ng Pambansang Daambakal ng Pilipinas