Gustavus Franklin Swift

Si Gustavus Franklin Swift (Hunyo 24, 1839 – Marso 29, 1903) ay isang Amerikanong mangangalakal ng kawan ng baka at tagapagbalot ng mga karne. Isinilang siyang malapit sa Sandwich, Masatsusets. Noong bata pa siya, naghanap-buhay siya sa tindahan o gawaan ng kanyang kapatid na lalaking tagakatay, bago siya magbukas ng sariling mga tindahan noong 1859. Nanirahan at tumigil siya sa Tsikago, ang lugar kung saan niya itinatag ang kumpanyang Swift & Company. Isa siyang tagapanimula sa pagpapakilala ng mga inobasyong katulad ng pagpapadala sa pamamagitan ng mga tren ng mga karne ng baka, ng paggamit ng mga sekondaryong produkto o sangkap na nabuo o nagawa pangalawa sa pangunahing produkto (mga by-product sa Ingles), at ng paglulunsad ng mga dayuhang palengke o tindahan.