Mahabang Muog ng Tsina
| Mahabang Muog ng Tsina Dakilang Pader ng Tsina* |
|
|---|---|
| Pandaigdigang Pamanang Pook ng UNESCO | |
 |
|
| Partidong Estado |  Tsina |
| Uri | Pangkalinangan |
| Pamantayan | i, ii, iii, iv, vi |
| Sanggunian | 438 |
| Rehiyon† | Asya-Pasipiko |
| Kasaysayan ng Pagtatala | |
| Pagtatala | 1987 (ika-11 Sesyon) |
| * Pangalan ayon sa pagkakatala sa Talaan ng mga Pamanang Pandaigdig. † Rehiyon ayon sa pagtatalaga ng UNESCO. |
|
Ang Mahabang Muog ng Tsina o Dakila't Maringal[1][2] na Tabiki ng Tsina [literal na salin] (Tsinong payak: 长城; Tsinong tradisyunal: 長城; pinyin: Chángchéng; literal na kahulugan: "mahabang dinding") o (Tsinong payak: 万里长城; Tsinong tradisyunal: 萬里長城; pinyin: Wànlǐ Chángchéng; literal na kahulugan: "Ang mahabang pader na may 10,000 Li (里)"[3]), Great Wall of China sa Ingles, ay isang kahanayan ng mga bato at harang sa Republikang Popular ng Tsina, itinayo, muling ipinaayos, at pinanatili sa pagitan ng ika-5 at ika-6 na dantaon upang ipananggalang ang mga paligid na nasasakupan ng Imperyong Tsina noong nanunungkulan ang mga nagpapalitang mga dinastiya. Maraming mga tabiki, na tinaguriang Magiting na Tabiki ng Tsina, ay itinayo mula pa noong ika-5 dantaon BK. Ang pinakatanyag ay ang dinding na itinayo sa pagitan ng 200 BK - 220 BK na ipinasagawa ng unang Emperador ng Tsina, si Qin Shi Huang; kaunti na lamang nito ang natitira; higit na malayo ang abot nito pahilaga kaysa sa pangkasalukuyang dinding, at itinayo noong kapanuhan ng Dinastiyang Ming noong ika-15 siglo.[4]
Umaabot ang haba ng Mahabang Muog[1][2] ng Tsina ng higit sa may 6,508 km (4,000 milya)[5] mula Shanhaiguan sa silangang hanggang Lop Nur sa kanluran, sa may kahabaan ng isang arkong magaspang na humahati sa katimugang gilid ng Panloob na Mongolya, subalit umaabot ng higit sa 6,700 km (4,160 milya) ang kabuuan.[6] Sa panahon ng katanyagan nito, ang Tabiking Ming ay tinatanuran ng higit sa isang milyong mga tauhan.[7] Tinatayang may 2 hanggang 3 milyong Tsino ang namatay sa loob ng panahon ng daan-daantaong proyekto ng pagtatayo ng tabiki.[8]
May kawikaan ang mga turista na "ang hindi makarating sa Great Wall ay hindi isang tunay na lalaki."[1][2]
Mga sanggunian [baguhin]
- ↑ 1.0 1.1 1.2 "Dakila't maringal na Great Wall" at "Mahabang Muog" ng Tsina, Great Wall, ABC ng Tsina, Pamanang Pandaigdig, nasa wikang Tagalog, China Radio International, Filipino.cri.cn, kinuha noong: Marso 10, 2008
- ↑ 2.0 2.1 2.2 "Dakila't maringal na Great Wall" at "Mahabang Muog" ng Tsina, Ang Great Wall, nasa wikang Tagalog, China Radio International, Filipino.cri.cn, kinuha noong:Marso 10, 2008
- ↑ 10,000 li = 5,760 km (3,580 milya). Sa wikang Tsino, at mapandiwang pananalita, ang 10,000 ay nangangahulugang "walang hangganan", at ang bilang ay hindi dapat ipaliwanag sa pamamagitan ng tiyak nitong halaga, kundi may kahulugang "walang katapusang dinding".
- ↑ Pagtatayo ng Dakilang Tabiki
- ↑ Damian Zimmerman, ICE Case Studies: The Great Wall of China, Disyembre 1997
- ↑ "Encyclopedia Brittanica online - Great wall of China". http://www.britannica.com/eb/article-9037891/Great-Wall-of-China.
- ↑ The Great Wall Of China
- ↑ Great Wall of China
|
|||||||||||
|
|||||||||||||||||
