Manny Pacquiao
| Manny Pacquiao | |
 |
|
| Estadistika | |
|---|---|
| Tunay na pangalan | Emmanuel Dapidran Pacquiao |
| Palayaw | Pac-Man Fighting Pride of the Philippines The Mexicutioner Pambansang Kamao (National Fist) |
| Bigat | Welterweight Light Welterweight Lightweight Super Featherweight Featherweight Super Bantamweight Flyweight |
| Nasyonalidad |  Filipino |
| Petsa ng kapanganakan | Disyembre 17, 1978 |
| Lugar ng kapanganakan | Kibawe, Bukidnon, Philippines |
| Istilo | Southpaw[1] |
| Rekord sa boksing | |
| Bilang ng mga laban | 56 |
| Panalo | 51 |
| Panalo sa KO | 38 |
| Pagkatalo | 3 |
| Tabla | 2 |
Si Emmanuel "Manny" Dapidran Pacquiao, (isinilang noong Disyembre 17, 1978), ay isang Filipino na boksingero at pulitiko. Siya ay kilala sa palayaw na "Pacman", "Fighting Pride of the Philippines", at "Ang Pambansang Kamao". Siya ang kauna-unahang boksingero sa kasaysayan ng boksing na naging kampiyon sa walong pangunahing titulo sa pitong iba't-ibang klase ng timbang — Flyweight, Super Bantamweight, Featherweight, Super Featherweight, Lightweight, Light Welterweight and Welterweight.[2] Siya din ang kauna-unahang boksingero na linyal na kampiyon sa apat na iba't-ibang klase ng timbang — Linyal na Kampiyon sa Flyweight, Linyal na Kampiyon sa Featherweight, Linyal na Kampiyon sa Super Featherweight at Linyal na Kampiyon sa Light Welterweight.[3] Mayroong siyang nakakasirang kaliwang buntal na may kakayahang matapos ang isang laban sa isang iglap.
Si Pacquiao ang kasalukuyang Kampiyon ng WBO World Welterweight (Super Champion) at Kampiyon ng The Ring Junior Welterweight. Siya din ay naitala sa listahan ng The Ring,[4] ESPN,[5] Sports Illustrated,[6] NBC Sports,[7] at About.com[8] bilang pinakamahusay at pinakamagaling na boksingero sa buong mundo.
Si Pacquiao ang dating Kampiyon ng IBO World Junior Welterweight, Kampiyon ng WBC World Lightweight, Kampiyon ng The Ring World Junior Lightweight, Kampiyon ng WBC World Super Featherweight, Kampiyon ng The Ring World Featherweight, Kampiyon ng IBF World Junior Featherweight at Kampiyon ng WBC World Flyweight. Siya din ay isang WBC Emeritus Champion, WBC Diamond Champion at WBO Super Champion.
Tinalo at pinatumba na ni Pacquiao ang mga boksingero na sina Chatchai Sasakul, Lehlohonolo Ledwaba, Marco Antonio Barrera, Juan Manuel Márquez, Érik Morales, Óscar Larios, Jorge Solís, David Díaz, Oscar De La Hoya, Ricky Hatton, Miguel Cotto, Joshua Clottey at Antonio Margarito.
[baguhin] Mga sanggunian
- ↑ "Manny Pacquiao". PhilBoxing.com. http://philboxing.com/boxers/boxer.php?boxer_id=9. Nakuha noong 2007-09-04.
- ↑ Greg Bishop (2009-11-15). "In Punishing Fashion, Pacquiao Makes History". The New York Times. http://www.nytimes.com/2009/11/15/sports/15fight.html. Nakuha noong July 2, 2010.
- ↑ Bryan Armen Graham (2009-05-04). "Beatdown of Hatton lifts Pacquiao into pantheon of all-time greats". CNN Sports Illustrated. http://sportsillustrated.cnn.com/2009/writers/bryan_armen_graham/05/04/hatton.pacquiao/index.html. Nakuha noong 15 March 2010.
- ↑ The Ring Pound For Pound Ratings
- ↑ ESPN Boxing Pound-For-Pound Fighters
- ↑ 2000s: Top 10 Boxers
- ↑ Boxing vs. MMA: Top pound-for-pound fighters in the world
- ↑ About.com: Boxing — The Pound-for-Pound Top Fifty
[baguhin] Mga panlabas na kawing
- Manny Pacquiao, bidyo at balita.
- Youtube, bidyo at balita.
- Ang workout o ehersisyong pangsanay ni Manny Pacquiao (Ingles), inilathala ng Men'sHealth UK
Ang lathalaing ito na tungkol sa Tao, Pilipinas at Palakasan ay isang usbong. Makatutulong ka sa Wikipedia sa pagpapalawig nito.
