Philippine Basketball Association
Mula sa Tagalog na Wikipedia, ang malayang ensiklopedya
| Philippine Basketball Association | |
|---|---|
| Kasalukuyang panahon o paligsahan: Panahong PBA 2008-09 |
|
 |
|
| Palakasan | Basketbol |
| Itinatag | 1975 |
| Tanda ng kasikatan | Ang pinakamatandang propesyunal na liga ng basketbol sa Asya. |
| Sawikain | "Laban ng mga Bida." |
| Bilang ng mga koponan | 10 |
| Bansa |  Pilipinas |
| Kasalukuyang kampeon |
Talk 'N Text Tropang Texters (Philippine) at Barangay Ginebra Kings (Fiesta) |
| Pinakamaraming kampeonato | San Miguel Beermen (17) |
| Kaparehang istasyon | C/S 9 at Basketball TV (local) The Filipino Channel (international) |
| Opisyal na kawing | PBA.ph |
Ang Philippine Basketball Association ay isang propesyunal na liga ng basketbol sa Pilipinas na nagsimula noong 1975. Ang PBA ang pinakamatandang propesyonal na liga ng basketbol sa Asya at pangalawang pinakamatandang propesyunal na liga ng basketbol sa mundo, matapos ang National Basketball Association ng Estados Unidos. Itinulad ang mga patakaran nito doon sa FIBA at National Basketball Association.
Mga nilalaman |
[baguhin] Kasaysayan
Ang Philippine Basketball Association ay itinatag bilang isang "himagsikan" ng ilang mga koponan mula sa ngayong sarado na Manila Industrial and Commercial Athletic Association na mahigpit na kontrolado ng Basketball Association of the Philippines (na ngayo'y lipas na), ang dating pambansang kapisanan na kininilala ng FIBA. Siyam na koponan mula sa MICAA ang lumahok sa liga noong unang panahon na binuksan noong Abril 9, 1975.
[baguhin] Mga kasalukuyang koponan
Ang lahat ng mga franchise ay pag-aari ng mga korporasyon, at hindi sila nakabase sa geographic locale, kaya hindi sila naglalaro sa isang "home istadyum" at ang liga ay nanghihiram ng iba't ibang istadyum para sa mga laro.
Ang pangalan ng koponan ay madalas na hinahati sa tatlong bahagi; ang una ay ang pangalan ng kumpanya, pagkatapos ay ang produkto (maaaring tinanggal o isinama sa susunod na bahagi), at isang palayaw - karaniwan ay may kaugnayan sa negosyo ng kumpanya. Halimbawa, ang San Miguel Beermen ay isang koponan sa pag-aari ng San Miguel Corporation, kasama ang palayaw na "beermen" na nagsasaad ng produktong San Miguel Beer.
Ang pangalan ng kumpanya bihira ang mga pagbabago - ito ay maaari lamang baguhin kung ang franchise ay nabili ng ibang kumpanya o kung ang operasyon ng franchise ay nilipat ng inang kumpanya sa isang subsidiary. Ang pangalan ng produkto at ang palayaw ang madalas na binabago, para ng mga kumpanya ay makapagpakinabangan ng husto sa publisidad na bibibigay ng liga sa kanilang mga produkto.
| Pangalan | Taon ng Pagsali | Kulay | Kumpanya |
|---|---|---|---|
| Alaska Aces | 1986 | Pula, itim, at puti | Alaska Milk Corporation |
| Barako Bull Energy Boosters | 2000 | Pula, dilaw, at puti | Photokina Marketing Corporation |
| Barangay Ginebra Kings | 1979 | Pula at puti | Ginebra San Miguel, Inc.* |
| Burger King Whoppers | 2002 | Itim, pula at puti | Linaheim Corporation |
| Coca-Cola Tigers | 2002 | Pula at puti | Coca-Cola Bottlers Philippines, Inc. |
| Purefoods Tender Juicy Giants | 1988 | Pula, asul-marino, at puti | San Miguel-Purefoods Co., Inc.* |
| Rain or Shine Elasto Painters | 2006-07 | Bughaw, pula, at puti | Asian Coatings Philippines |
| San Miguel Beermen | 1975** | Pula, itim at puti | San Miguel Brewery, Inc.* |
| Sta. Lucia Realtors | 1993 | Luntian at puti | Sta. Lucia Realty & Development, Inc. |
| Talk 'N Text Tropang Texters | 1990 | Dilaw, bughaw, at puti | Pilipino Telephone Coropration |
*Pagmamay-ari ng San Miguel Corporation
**Umalis noong 1985, at bumalik ng 1986
[baguhin] Mga patakaran
Ang mga patakaran ng PBA ay itinulad sa mga patakaran ng FIBA at NBA:
- Ang isang laro ay binubuo ng apat na mga kapat na may habang 12-minuto, na gamit ng NBA.
- Ang sukat ng kalayuan ng three-point line mula sa basket ay 20 feet, 6 inches, na gamit ng FIBA. 22 feet lamang ang sukat ng kalayuan nito dati.
- Hindi pa alam sa ngayon kung gagamitin ng PBA ang bagong patakaran ng FIBA ukol sa three-point line, na ngayo'y may layo na 20 feet, 9 inches mula sa basket.
- Ang "susi" ("key") ay hugis trapezoid, na gamit ng FIBA. Ang gamit noong nakaraan ay ang parihabang "susi" na gamit ng NBA.
- Hindi pa alam sa ngayon kung gagamitin ng PBA ang bagong patakaran ng FIBA ukol sa susi, na ngayo'y kapareho ng parihaba na gamit ng NBA.
- Ang zone defense ay maaring gamitin sa laro, tulad sa FIBA, kahit na illegal defense ang ipinatupad dati.
- Ang koponan ay papasok sa kalagayang penalty matapos ang ikalimang pagkalabag (foul) nila sa isang kapat, at ang bawat kasunod na pagkalabag noon ay makakapagbigay ng dalawang libreng tira (free-throws) sa kabilang koponan. Gayunman, sa huling dalawang minuto ng mga laro, ang parehong koponan ay pinahihintulutan na gumamit ng isang pagkalabag lamang (kung sakaling wala pa sa kalagayang penalty ang koponan), bago bigyan ng libreng tira ang kabilang koponan. Sa naangkop na kalagayan, ang mga team foul at penalty situation ay ipapatupad rin sa pinahabang laro (overtime).
- Papasok ang mga bagong dating sa PBA sa pamamagitan ng isang "pagkalap ng mga baguhan" o "rookie draft"
- Mga Pilipino lamang ang maaring maglaro sa PBA, at sa mga piling kumperensya, maaring maglaro ang mga hindi Pilipino bilang "import".
May iba ring patakaran ang PBA:
- Ipinatutupad ng PBA ang "Trent Tucker Rule".
- Sa PBA, may tinatawag na advantage foul. Tinatawag ito kapag ang isang manlalaro ay lumabag laban sa katunggaling manlalaro sa isang fastbreak situation. Sa maliwanag na ulat, ang manlalaro ay lumabag na walang balak na tamaan ang bola (at sa gayon, ang balak niyang tamaan ay ang manlalaro). Ang katunggaaling manlalaro ay bibigyan ng dalawang libreng tira, at mapupunta muli sa kanila ang bola.
[baguhin] Mga mahalagang personalidad
[baguhin] Mga Komisyonado
- Leopoldo Prieto (1975-1983)
- Col. Mariano Yenko (1983-1987)
- Atty. Rodrigo Salud (1988-1992)
- Reynaldo Marquez (1992-1993)
- Emilio Bernardino, Jr. (1993-2002)
- Jose Emmanuel Eala (2003-2007)
- Renauld Barrios (2008-ngayon, officer-in-charge mula 2007-08)[1][2]
[baguhin] Mga manlalaro
- Pangunahing lathalain: Talaan ng mga manlalaro ng Philippine Basketball Association
- Pangunahing lathalain: Talaan ng mga kasalukuyang manlalaro ng mga koponan ng PBA
[baguhin] Mga kampeon
- Pangunahing lathalain: Talaan ng mga kampeon ng Philippine Basketball Association
[baguhin] Media coverage
Ang PBA ay ipinapalabas sa telebisyon, kasama na ang ibang media, mula noong nagbukas ang liga. Ang Radio Philippines Network at Sports Radio 918 ang kanilang kasalukuyang kaparehang istasyon sa telebisyon at radyo. Ang dating kaparehang istasyon ng PBA sa radyo ay ang DZRH 666. Napapanood ang PBA sa kahit anong sulok ng mundo sa pamamagitan ng The Filipino Channel. Ang palabas ng PBA sa TFC ay malilipat sa GMA Pinoy TV sa nalalapit na panahon.[3]
- PBA sa KBS (1975; 1977)
- PBA sa BBC (1976)
- PBA sa MBS (1978-1981)
- PBA sa Vintage Sports (1982-1999)
- PBA sa Viva TV (2000-2002)
- PBA sa NBN at IBC (2003)
- PBA sa ABC/TV5 (2004-August 20, 2008)
- PBA sa C/S9 (2008-2010)
[baguhin] Mga Talasanggunian
[baguhin] Kasalukuyang panahon ng PBA
| <<Panahong PBA 2007-08 | Panahong PBA 2008-09 | Panahong PBA 2009-10>> | |||
|
2008-09 PBA Philippine Cup |
2009 PBA Fiesta Conference |
||||
[baguhin] Panlabas na kawing
- (Ingles) Official website
- (Ingles) PBA Store - Official
- (Ingles) MYPBA.com
- (Ingles) PBA-Online!
- (Ingles) Pinoy Basketball Addicts
|
|||||||||||
