ABS-CBN Corporation
 |
|
| Uri | Pampubliko (PSE: ABS) |
|---|---|
| Pagkakatatag | Hunyo 13, 1946 |
| Pangunahing lokasyon | Lungsod Quezon, Pilipinas |
| Mahahalagang tao | Eugenio Lopez III, Chairman, CEO Charo Santos-Concio,Pangulo James Lindenberg, Tagapagtatag (ng Bolinao Electronics Corporation) |
| Industriya | Broadcast television and radio network |
| Kita | PHP24.8 billion ( ) 7% (YoY)(2008)[1] |
| Pumapasok na kita | PHP532 million ( 38%) (1Q07) |
| Pumapasok na tubo | PHP1.71 billion () 9% (YoY)(2009) |
| Mga Manggagawa | 7,000+ (sa taong 2008) |
| Websayt | www.abs-cbn.com |
Ang ABS–CBN Corporation (ABS-CBN: "Alto Broadcasting System-Chronicle Broadcasting Network"), ay isa sa mga nangungunang network na pantelebisyon sa Pilipinas. Ito ay itinatag noong Oktubre 23, 1953, at naging pinaka-unang komersyal na himpilan ng telebisyon sa Asya. Ito ay bahagi ng Lopez Group of Companies.
Ang kanilang punong tanggapan ay matatagpuan sa ABS-CBN Broadcast Center sa Sargent Esguerra Ave, Diliman, Lungsod Quezon. Sa Kalakhang Maynila, ang kanilang mga himpilan ay DWWX-TV Channel 2, at DWAC-TV Channel 23. (Kasalukuyang pinapalakad ng Studio 23).
Mga nilalaman |
Kasaysayan [baguhin]
Pinanggalingan [baguhin]
Matatahak ang pagsisimula ng ABS-CBN noong Hunyo 13, 1946 nang itinatag ni James Lindenberg, isang Amerikanong inhinyero, na nakilala rin bilang Ama ng Telebisyon sa Pilipinas, ang Bolinao Electronics Corporation (BEC), na gumagawa at bumubuo ng mga transmitter. Nang makita niya ang potensyal ng telebisyon sa bansa, isa siya sa mga unang humingi ng pahintulot sa Kongreso para magtatag ng isang himpilan ng telebisyon noong 1949 na pinayagan naman makalipas ng isang taon. Dahil sa kakulangan ng mga hilaw na materyal at mahigpit na pag-aangkat ng mga dayuhang produkto, sila ay nagbigay-atensyon na lamang sa pagsasahimpapawid sa radyo.
Noong 1952, si Antonio "Tony" Quirino, ang nakakabatang kapatid ni dating pangulong Elpidio Quirino, na naghahangad din na magtatag ng isang himpilan ng telebisyon ay binili ang 70% ng BEC at binago ang pangalan nito bilang Alto Broadcasting System (ABS). Si Lindenberg naman ay naging general manager ng himpilan. Noong 1953, ang DZAQ-TV 3 (ang "AQ" ay galing sa mga unang letra ng pangalan ni Antonio Quirino) ay ipinakilala bilang ang kauna-unahang himpilan ng telebisyon at ito'y unang sumahimpapawid noong Oktubre 23, 1953.
Pormal na pagsasanib [baguhin]
Noong Abril 1958, ang Chronicle Broadcasting Network (CBN), isang radio network na itinatag noong 1956 ng magkapatid na negosyante na sina Eugenio Lopez, Sr. at dating pangalawang pangulong Fernando Lopez, ay sumanga sa pagsasahimpapawid sa telebisyon at binili ang ABS kay Quirino sa parehong taon. Sila ay lumagda sa isang Memorandum of Agreement (MOA) sa isang table napkin. Sa parehong napkin, ay iginuhit ang magiging markang pagakakakilanlan ng kumpanya.
Ang network ay lumaki at noong 1961, ang kanilang mga himpilang DZAQ-TV 3 at DZXL-TV 9 ay maaaring mapanood saan man sa buong bansa sa pamamagitan ng ilang mga himpilan ka-affiliate. Noong Pebrero 1, 1967 ay pormal nang nagsanib ang ABS at CBN bilang ABS-CBN Broadcasting Corporation. Makalipas ng isang taon, binuksan nila ang kanilang Broadcast Center sa Diliman, Lungsod Quezon na mayroong walong sound stage/production studios at control rooms, isang master control room, editing at technical terminal areas, kasama na rin ang mga tanggapan at pasilidad para sa kanilang television network at probinsyal na himpilan ng radyo sa AM at FM.
Ang network ay naghandog ng madaming mga kauna-unahan sa Pilipinas, kasama na rito ang pagsasahimpapawid ng mga palabas na may kulay (ipinapaalam nila ito sa mga manonood sa pamamagitan ng pagpapakita ng Sarimanok na logo) tulad ng Guide To Urban Living, Buhay Artista, Wild Wild West, The Nida-Nestor Show, Tawag ng Tanghalan, Cine Filipino at ang Your Evening With Pilita, nagpalabas ng tuluyang pagtutok sa halalan ng bansa sa pamamagitan ng Halalan '67, ang unang "live" na pagsasahimpapawid ng isang pangdaigdig na pangyayari (Man on The Moon noong 1969) at ang pagtutok sa pagbagsak ng Ruby Towr sa Maynila sa pamamagitan ng microwave transmission galing sa isang multi-camera outside broadcast van (OB Van). Noong kalagitnaan ng Dekada 70, dinamihan ng ABS-CBN ang kanilang mga palabas na may kulay sa walong oras.
Panahon ng Batas Militar [baguhin]
Noong Setyembre 21, 1972 pinasara ni dating pangulong Ferdinand Marcos ang mga himpilan na hindi pagmamay-ari ng pamahalaan. Ang ABS-CBN ay nawala sa ere at ang kanilang mga studio ay kinupkop ng mga network na pinapatakbo ni Roberto Benedicto. Ang kanilang Broadcast Center ay naging punong tanggapan ng mga himpilan ng telebisyon na pagmamay-ari ng pamahalaan na kinabibilangan ng Banahaw Broadcasting Corporation (BBC Channel 2), Government Television (GTV Channel 4, dating kilala bilang DZXL-TV 9 ng CBN) at Kanlaon Broadcasting System (KBS Channel 9). Makalipas ng ilang panahon, ang kumpanya ay tinangay sa kamay ng pamilya Lopez at ang kanilang Chairman at Pangulo na si Eugenio Lopez, Jr. ay ikinulong. Noong 1980, ang BBC, kasama ang RPN at IBC ay lumipat sa bagong-gawang "Broadcast City" sa Diliman, Lungsod Quezon.
The Star Network [baguhin]
Nang matanggal si Pangulong Marcos sa kapangyarihan noong 1986, ang network ay kinuha at ibinalik sa pamilya Lopez. Sila ay bumalik sa himpapawid noong Setyembre 14 ng nasabing taon. Noong Marso 1987, mula sa pagiging pinakahuli sa mga nangungunang himpilan sa Metro Manila at nagdusa sa mga malalaking lugi, ang ABS-CBN ay muling nilunsad bilang "The Star Network: Ang Pagbabalik ng Bituin". Kinuha ni Eugenio Lopez, Jr. ang serbisyo nina Charo Santos-Concio at Freddie Garcia, na nagtatrabaho noon sa GMA Network noong magsara ang ABS-CBN noong Batas Militar.
Ang kanilang Broadcast Center ay hindi man lamang nagkaroon ng malawakang pagsasa-ayos at pagkakaroon ng bagong gamit sa loob ng labingtatlong taon. Kahit na nagkaroon na muli ng demokrasya noong 1986, ang prayoridad ng ABS-CBN ay ang kanilang mga programa kahit na tuluyang nasisira na ang kanilang mga gamit.
Noong Agusto 1987, makalipas ng anim na buwan ng pinabagong pagpapatakbo ng kumpanya at ang pagbabalik ng mga dating punong opisyal ng ABS-CBN, sila na ang pinakapinapanood na TV network at nanguna sa loob ng labing anim na taon. Sa sumunod na taon, ang network ay naglunsad ng pagsasahimpapawid sa pamamagitan ng satellite, para mapalawak ang kanilang maabot na mga manonood.
Noong 1990, ang kumpanya ay tuluyan nang nakabangon. Ang kanilang mga palatuntunan ay nakakakuha ng audience shares mula 40 hanggang 50% sa Kalakhang Maynila.
Mga palabas [baguhin]
Pangunahing lathalain: Islogan [baguhin]
| Branding | Slogan | Years Active |
|---|---|---|
| ABS | The Alto Broadcasting System | Oktubre 23, 1953-1967 |
| CBN | The Chronice Broadcasting Network | Abril 9, 1958-1967 |
| ABS-CBN | The Philippines' Largest Network | Pebrero 1, 1967-Setyembre 21, 1972 Seytembre 14, 1986-1990 |
| ABS-CBN | ABS-CBN. Watch Us...Do It Again! | Seytembre 14-Disyembre 1986 |
| ABS-CBN | Sharing A New Life With You | Disyembre 1986-Marso 1, 1987 |
| ABS-CBN | The Star Network | Marso 1, 1987-1992 |
| ABS-CBN | In The Service of the Filipino | 1989-kasalukuyan |
| ABS-CBN | In The Service of the Filipino Worldwide | 1992-kasalukuyan |
Kawing panlabas [baguhin]
Talasanggunian [baguhin]
- ↑ Charles Gamo, Head of Investor Relations (31 December 2008). "ABS-CBN 2009 Net Income Hits P1.71 billion," (PDF). ABS-CBN IR. http://www.pse.com.ph/html/ListedCompanies/pdf/2009/BPC_17A_Dec2008.pdf. Nakuha noong 2008-18-21.
|
|||||||||||||||||||||||||||||
