Wikipedia:Sampung taon ng Wikipediang Tagalog/Pagtitipon
Inaanyayahan ang lahat ng mga Wikipedista sa Pilipinas na makisama sa isang pagtitipon para sa ika-10 anibersaryo ng Wikipediang Tagalog ngayong Linggo, 1 Disyembre, sa Meridian Lounge, Herald Suites Makati, Abenida Chino Roces (Pasong Tamo) blg. 2168, Brgy. Pio del Pilar, Lungsod ng Makati. Magsisimula ang pagtitipon ng 6:00 n.g.
Nagpapasalamat ang pamayanan ng Wikipediang Tagalog sa tulong ng Wikimedia Pilipinas, ang opisyal na sangay ng Pundasyong Wikimedia sa Pilipinas, upang matuloy ang pagtitipong ito.
Nasaan ang Herald Suites?
Katapat ng Herald Suites ang Little Tokyo na katabi ng Makati Cinema Square. Isa itong malaking gusali na may logo ng hotel sa gilid. (Mapa: 14°33′14″N 121°00′50″E / 14.55393°N 121.01392°E)
Kung sasakay ng tren, ang pinakamalapit na estasyon ay ang estasyong daangbakal ng Daang Pasay (Pasay Road railway station) ng PNR. Mula rito, kumaliwa sa Kalye Estacion hanggang sa dulo, tapos kumanan sa Abenida Arnaiz (Daang Pasay) hanggang sa panulukan nito at ng Abenida Chino Roces. Kumaliwa dito, tapos dumeretso hanggang sa makita mo ang Herald Suites.
Kung sasakay ng LRT o MRT, maaaring bumaba sa Magallanes, tapos sumakay ng dyipni sa Abenida Chino Roces patungong Kalye Washington o Philippine Racing Club (PRC) sa tapat ng San Lorenzo Place. Bumaba sa tapat ng Waltermart Makati, at lakarin ang natitirang bahagi ng Abenida Chino Roces hanggang sa makita mo ang Herald Suites.
Sa mga sasakay ng panlalawigang bus galing ng Laguna, Batangas o Quezon (hal. JAC Liner, Ceres, Five Star, atbp.), siguraduhing bumabiyahe ito patungong Buendia (Abenida Gil Puyat), at maaaring bumaba sa tapat ng estasyong daangbakal ng Daang Pasay. Kung sasakay ng panlungsod na bus, siguraduhing bumabiyahe ito sa EDSA, at maaaring bumaba sa Magallanes. Tapos, sundin ang direksiyon sa itaas.
Ano ang programa?
Magsisimula ang pagtitipon ng 6:00 n.g. Isa itong impormal na pagtitipon, kaya wala tayong programa, ngunit may inilaang oras para pag-usapan ang kasaysayan ng Wikipediang Tagalog, ang maaaring maging kinabukasan nito, mga suliraning maaari nating maranasan, at ano pang kailangang pag-usapan. Tuluy-tuloy din ang pamamatnugot ng Wikipediang Tagalog sa oras ng pagtitipon.
Ipapahayag din dito ang mga proyekto ng Wikimedia Pilipinas sa susunod na taon para sa Wikipediang Tagalog.
May handaan ba?
Opo, may mga pagkaing pulutan at inuming nakahanda para sa mga sasama sa pagtitipon.
Sama ako!
Kung sasama ka sa pagtitipon, inaanyayahan po namin kayo na magpatala rito sa Wikipedia. Maaari rin kayong magpatala sa Facebook.
Magpapatala ako sa Wikipedia Magpapatala ako sa Facebook
Kung hindi kayo makakasama sa pagtitipon ngunit nais niyo pa ring sumama sa pagdiriwang, maaari rin kayong magtipon sa inyong bayan o lungsod para sa inyong sariling pagdiriwang ng ika-10 anibersaryo ng Wikipediang Tagalog!