Anggulo

Pagsukat ng anggulo

Ang anggulo ay hango sa salitang Latin na angulus o "sulok". Ito ay nabubuo kapag ang dalawang linya ay may parehong dulo. Kung gaano kalaki ang sulok ng pinagsalubungan ng mga linya, ganoon na rin ang sukat ng anggulo.

Ang dalawang karaniwang sukat o unidad ng anggulo ay grado (deg) at radyan (rad).

• Ang isang grado o grado seksadyesimal ay katumbas ng 1/360° ng isang rotasyon. Ang isang buong rotasyon o bilog ay may sukat na 360°. Karagdagan, ang iba pang sukat sa sistema na seksadyesimal ay ang arkominuto at arkosegundo, na makikita rin sa pagbasa ng oras.

Ang sistemang seksadyesimal

unidad	halaga	simbolo	radyan
grado	1/360 ikot	°	17.4532925 mrad
arkominuto	1/60 grado	′	290.8882087 µrad
arkosegundo	1/60 arkominuto		4.8481368 µrad
miliarkosegundo	1/1000 arkosegundo		4.8481368 nrad
mikroarkosegundo	1 × 10−6 miliarkosegundo		4.8481368 prad

• Ang radyan ay ang anggulo na maisasalarawang bilang parte ng kabuuan ng isang bilog. Para masukat ang isang anggulo, θ, maaring gumuhit ng isang arko na sentro ang sulok. Ang haba nitong arko, s, ay inihahayag bilang proporsyon ng radio.

$\theta = \frac{s}{r}.$

Ang isang buong ikot ay may radyan na sukat na 2Π.

Mga sanggunian

1. Anggulo mula sa Wolfram MathWorld
2. Talaan ng mga sukat