Astrolohiya
Mula sa Tagalog na Wikipedia, ang malayang ensiklopedya
Ang astrolohiya[1] ay ang pag-aaral ng mga bituin upang makita at malaman ang maaaring mangyari o magaganap sa hinaharap. Tumutukoy ito sa ilang mga sistema, tradisyon o paniniwala na ang kaalaman ng maliwanag na posisyon ng mga bagay sa kalangitan ay pinanghahawakang makabuluhan sa pag-unawa, pagkahulugan, at pag-ayos ng kaalaman tungkol sa mga gawaing pantao at mga pangyayari sa daigdig. Tinatawag ang nagsasanay sa astrolohiya bilang astrologo[1] (nagiging astrologa kung babae) o, hindi gaanong madalas na ginagamit, astrolohista.
Nagmula ang salitang "astrolohiya" mula sa salitang Griyego na αστρολογία, hinango mula sa άστρον, astron, "bituin" at λόγος, logos, na may iba't ibang kahulugan - pangkalahatang may kaugnayan sa "sistematikong pag-iisip o pananalita". Para sa iba,ang astrolohiya ay makaagham na pag-aaral ng mga bituin,planeta at iba pang buntala upang matukoy ang natatagong lihim ng buhay,kapalaran,at katangian ng tao.
Mga nilalaman |
[baguhin] Impluwensiya ng mga planeta, araw at buwan
Bawat signo ay may katumbas na planeta upang matukoy ang natatagong kapalaran ng tao,kaugalian at katangian ng tao na iniuugnay sa planeta.
| Signo | Planetang nakaiimpluwensiya |
|---|---|
| Aries | Marte |
| Taurus | Veno |
| Gemini | Merkuryo |
| Cancer | Buwan |
| Leo | Araw |
| Virgo | Merkuryo |
| Libra | Beno |
| Scorpio | Pluto at Marte |
| Sagitarius | Hupiter |
| Capricorn | Saturno |
| Aquarius | Urano at Saturno |
| Pisces | Neptuno at Hupiter |
[baguhin] Kaugnayan sa numerolohiya
Hindi lamang mga zodiako ang may katumbas na planeta, kahit ang mga numero at petsa ng kaarawan may katapat ding planeta.
| Numero o petsa ng Kaarawan | Katapat na Zodiako | Planetang o buntalang naghahari |
|---|---|---|
| 1,10,19 at 28 | Leo | Araw |
| 2,11,20 at 29 | Cancer | Buwan |
| 3,12,21 at 30 | Sagitarius | Jupiter |
| 4,13,22 at 31 | Aquarius | Uranus |
| 5,14 at 23 | Gemini at Virgo | Mercury |
| 6,15 at 24 | Taurus at Libra | Venus |
| 7,16 at 25 | Pisces | Neptune |
| 8,17 at 26 | Capricorn | Saturn |
| 9,18 at 27 | Aries at Scorpio | Mars |
[baguhin] Mga elementong taglay
Nahahati sa apat na elemento ang bawat zodiako.
| Apoy | Lupa | Hangin | Tubig |
|---|---|---|---|
| Aries | Taurus | Gemini | Cancer |
| Leo | Virgo | Libra | Scorpio |
| Sagitarius | Capricorn | Aquarius | Pisces |
[baguhin] Kaugnayan sa astronomiya
- Pangunahing lathalain: Astronomiya
Pinaniniwalaan ng sinaunang mga astrologo ang galaw ng araw, buwan, at mga planeta sa kalangitan. Binubuo ang mga unang astrologo ng mga pinunong-pari, na naniniwalang makapagsasabi ng mga maaaring maganap sa hinaharap ng mundo ang mga kilos ng araw, buwan, at mga planeta. Bagaman mali, sinasamba ng mga mamamayan ang mga bituin at mga planeta bilang mga diyos, na nagbunga sa maingat na pag-aaral ng kalangitan at kalawakan. Gumamit ang mga astrologo ng mga tablang pang-astronomiya kaya't nahuhulaan nila kung kailan magaganap ang mga eklipse o paglalaho o paglamlam ng liwanag. Isang bagay ito kung bakit naging mahahalagang kasapi ng pamayanan ang mga astrologo, na nagaangkin din na mayroong silang kapangyarihang masalamangka. Naniniwala rin noon na masamang hudyat ang pagharang ng buwan sa liwanag ng araw, at ang paglagak ng daigdig sa pagitan ng araw at ng buwan. Dahil sa mga sinaunang astrologo, natutunan ng mga tao ang mga tunay na mapaggagamitan ng astronomiya.[2]
[baguhin] Sanggunian
- ↑ 1.0 1.1 "Astrolohiya, astrolohia, astrology, astrologo, astrologer". English, Leo James. Tagalog-English Dictionary (Talahulugang Tagalog-Ingles). (1990).
- ↑ "Origins of Astronomy, History of Astronomy". The New Book of Knowledge (Ang Bagong Aklat ng Kaalaman), Grolier Incorporated. (1977).
Ang lathalaing ito na tungkol sa Astrolohiya ay isang usbong. Makakatulong ka sa Wikipedia sa pagpapalawig nito.
