Basilika ni San Juan sa Laterano

Mula sa Tagalog na Wikipedia, ang malayang ensiklopedya

Makakatulong po kayo sa pagpapaunlad ng artikulong ito sa pamamagitan ng pagdaragdag dito. Para sa karagdagang impormasyon, tingnan lamang po ang pahina ng usapan. (Hulyo 2008)

Ang Basilika ni San Juan sa Laterano, na mas kilala sa wikang Italyano bilang Basilica di San Giovanni in Laterano ay ang Katolikong katedral ng Roma at ang katedral ng Papa bilang Obispo ng Roma. Archibasilica Sanctissimi Salvatoris (Ingles: Archbasilica of the Most Holy Savior) ang opisyal nitong pangalan, at ito ang pinakamatanda at nangunguna (bilang nag-iisang katedral sa Roma) sa apat na pinakamataas na basilika sa Roma. Pinamumunuhan ito ni Camillo Ruini, kardinal at bikar-heneral ng diosesis ng Roma. Narito rin ang trono ng Papa (Cathedra Romana). Nangingibabaw ito sa lahat ng simbahan sa buong Simbahang Katolika, kahit na sa Basilika ni San Pedro sa Batikano.

[baguhin] Palasyo ng Laterano

Noong panahon ng imperyo ng Roma, ang lupa na kinatatayuan ng naturang simbahan ay kinakatayuan ng palasyo ng pamilyang Laterani, isang maykayang pamilya sa Roma. Napunta kay Emperador Konstantino I ang palasyo ng Laterano nang pakasalan niya ang kanyang pangalawang asawang si Fausta, na nagmamay-ari noon ng palasyo. Nang lumaon, ibinigay niya ito sa Santo Papa. Ginawang simbahan ang basilika ng palasyo at naging katedral ng Roma. Ginanap noong taong 324 ang opisyal na pagpapangalan ng simbahan na pinangunahan ni Santo Papa Silbestro I. Pinangalanan itong "Tirahan ng Panginoon" (Dominus Deus) ni Silbestro I. Inilagay ang trono ng Papa sa altar nito, bagkus pinangalanan ito bilang Katedral ng Roma. Nasa ibabaw ng pintuan nito ang mga salitang Sacrosancta Lateranensis ecclesia omnium urbis et orbis eclesiarum mater et caput o "Ang Kabanalbanalang Simbahan ng Laterano, sa lahat ng simbahan sa lungsod at ng buong daigdig, ang ina at ang pinakamataas".

Ang lathalaing ito ay isang usbong. Makakatulong ka sa Wikipedia sa pagpapalawig nito.