Papa
Mula sa Tagalog na Wikipedia, ang malayang ensiklopedya
- Para sa ibang gamit, tingnan ang Papa (paglilinaw).
Ang Papa o Pontipise[1] ay ang Obispong Katoliko at patriyarka (lalaking pinuno) ng Roma, at ang namamahala ng Simbahang Katoliko Romano at ng Silangang Simbahang Katoliko. Isang titulo ng pinunong relihiyoso ang Pontipise o Pontipikado (Ingles: Pontiff, Pontificate), partikular na para sa Santo Papa.
Mga nilalaman |
[baguhin] Viva il Papa!
Nangangahulugan ang pariralang Italyanong Viva il Papa! ng “Mabuhay ang Papa!” Ito ay ang karaniwang sigaw ng mga debotong Katoliko matapos na makalabas ang papa sa ospital o kapag nagpapakita ito sa madla.
[baguhin] Etimolohiya
Nagmula ang terminong ito sa pontife ng Pranses, na mula naman sa pontifex ng Latin, isang titulong gamit para sa paring nasa itaas ng kahanayan ng Imperyong Romano. May mga nagssasabing hinango ang salitang pontifex mula sa mga pinag-ugatang salitang Latin na pons, "tulay" at facere, "gawin", na may literal na kahulugang "tagapagtayo ng tulay." Ngunit may mga dalubhasang nagsasabing "salitang pambayan" lamang ito.[2]
[baguhin] Sa Simbahang Katoliko
Dating katawagan para sa mga hepe o "mataas na pari" ng anumang relihiyon ang pontipise; kaya't ginamit din ito ng mga manunulat noong ika-16 dantaon hanggang ika-18 dantaon bilang katawagan para sa mga pontipiko ng mga Kristiyano (tulad ng obispo), sa mga pinunong Mahometan o Muslim (tulad ng mga caliph), at sa Swami ng mga Hindu. Subalit sa paglipas ng panahon, naging katangi-tangi na lamang ito bilang katawagan para sa may pinakamataas na katungkulang pampananampalataya sa Simbahang Katoliko: ang Papa. Karaniwan itong dinaragdagan ng mga pandiwa, halimbawa: "Supremong Pontipise" (Supreme Pontiff), "Soberanong Pontipise" (Sovereign Pontiff), "Romanong Pontipise" (Roman Pontiff), para itangi ang Papa mula sa ibang mga "ordinaryong" pontipise.[2]
Sa makabagong panahon, ginagamit na panawag ang pontipise para sa kasalukuyang namumunong Santo Papa.
[baguhin] Sanggunian
- ↑ "Pontipise, pontiff, pope". English, Leo James. Tagalog-English Dictionary (Talahulugang Tagalog-Ingles). (1990).
- ↑ 2.0 2.1 "Pontifex". "Oxford English Dictionary", Marso 2007
[baguhin] Tingnan din
Ang lathalaing ito ay isang usbong. Makakatulong ka sa Wikipedia sa pagpapalawig nito.
