Simbahang Katoliko Romano
Mula sa Tagalog na Wikipedia, ang malayang ensiklopedya
- Para sa ibang mga gamit ng kataga, tingnan ang Katolisismo.
Ang Simbahang Katoliko Romano o Simbahang Katoliko (o Simbahang Katolika)[1] ay isang Kristiyanong simbahan na nasa buong kapisanan kasabay ng Obispo ng Roma, na kasalukuyan ay ang Santo Papa, si Benedicto XVI. Binabakas ang pinagmulan nito sa orihinal na pamayanang Kristiyano na itinatag ni Hesus at ipinalaganap ng mga Labindalawang Apostol, partikular na si San Pedro.[2][3]
Ang Simbahang Katoliko ay ang pinakamalaking simbahang Kristiyano, na nagkakatawan sa kalahati ng lahat ng mga Kristiyano, at ay ang pinakamalaking organisadong yunit ng anumang pananampalataya sa mundo.[4] Ayon sa Statistical Yearbook of the Church, ang bilang ng nakatalang pandaigdigang kasapi ng Simbahang Katoliko sa katapusan ng 2005 ay 1,114,966,000, na malapit sa ika-anim na bahagi ng populasyon ng mundo.[5][6][7]
Ang pandaigdigang Simbahang Katoliko ay binubuo ng isang Latin o Kanluranin at 22 Silanganing Katolikong nagsasariling simbahang partikular, kung saan lahat ay tumitingala sa Papa, na mag-isa o kasama ng Kolehiyo ng mga Obispo, bilang kanilang pinakamataas na autoridad sa daigdig sa mga paksa ng paniniwala, mga asal at ng pansimbahang pamamahala.[8] Nakahati ito sa mga nasasakupang pook, karaniwan sa batayang teritoryal. Ang pamantayang teritoryal na yunit ay itinatawag na diyosesis sa simbahang Latin at eparkiya sa mga Silanganing simbahan. Ang bawat diyosesis o eparkiya ay nasa pamumuno ng isang obispo, patriyarka o eparko. Sa katapusan ng 2006, ang buong bilang ng lahat ng itong mga nasasakupang pook ay 2,782.[9]
[baguhin] Pagtuturong pampananampalataya
Noong Marso 10, 2008, nagtala ang Vatican ng pitong bagong mortal na kasalanang dapat iwasan. Kabilang sa mga nadagdag na ito ang mga may kaugnayan sa pagsuway sa mga pundamental na karapatang pantao katulad ng mga pakikialam na panghenetiko, polusyon, paggamit ng mga ipinagbabawal na gamut, at maging ang lumalaking gawak sa antas panlipunan at pangkabuhayan ng mga mayayaman at mahihirap. Nadagdag ang mga nabanggit sa mga dati nang naitalang mga mortal na kasalanang dapat iwasan ng isang tao: ang pagkamahalay, katakawan, pagiimbot, katamaran, lubhang pagkaingit sa ibang tao, pagdadala ng poot sa ibang tao, at lubhang pagpapahalaga sa pansariling karangalan. Idinagdag ang mga bagong kasalanang dapat iwasan upang makasunod sa makabagong takbo ng kasalukuyang panahon ang Simbahang Katoliko.[10]
[baguhin] Mga sanggunian
- ↑ Ang mga terminolohiyang "Simbahang Katoliko" at "Simbahang Katoliko Romano" ay ginagamit dito bilang mga alternatibong pangalan para sa buong simbahan na naglalarawan ng sarili bilang "sa pamamahala ng kahalili ni San Pedro at ng mga obispong na sa kapisanan kasabay niya." Lumen Gentium (Dogmatikong Saligang Batas sa Simbahan), 8
- ↑ Mateo 16:17-18
- ↑ "St. Peter - Founder of the Catholic Church" (MSN encarta Encyclopedia, 2007).
- ↑ Major Branches of Religions. adherents.com. Hinango noong Setyembre 14, 2006.
- ↑ Central Statistics Office (2007). Statistical Yearbook of the Church 2005. Libreria Editrice Vaticana.
- ↑ "Number of Catholics and Priests Rises, Pontifical Yearbook of 2007 Releases Data", Zenit News Agency, February 12, 2007. Retrieved on November 9, 2007.
- ↑ The Catholic Church in the United States At A Glance. United States Conference of Catholic Bishops. Hinango noong Nobyembre 9, 2007.
- ↑ Lumen gentium, chapter III
- ↑ Central Statistics Office (February 2007). Annuario Pontificio (Pontifical Yearbook). Libreria Editrice Vaticana. pp. p. 1172. ISBN 978-88-209-7908-9.
- ↑ Vatican lists new sinful behaviors, CNN/Living, CNN.com, Marso 10, 2008
