Impiyerno

Isang paglalarawan ng isang kaganapan sa impiyerno.

Sa maraming mga tradisyong pangrelihiyon, ang impiyerno (Ingles: hell, inferno; Kastila: infierno) ay isang lugar ng paghihirap at kaparusahang nasa kabilang buhay, kalimitang nasa mundong ilalim. Kalimitang nilalarawan ng mga pananampalatayang may tuwirang kasaysayan ng kabanalan ang impiyerno bilang walang kawakasan. Sa mga relihiyong may reinkarnasyon o kasaysayang painug-inog, pabalik-balik, o paulit-ulit, kalimitang nilalarawan ang impiyerno bilang isang panahong pansamantala na nasa pagitan ng mga muling pagsilang ng kaluluwa sa ibang katauhan.

Bibliya

"Impiyerno": Gehenna, 2007

Sa Bagong Tipan ng Bibliya, katulad ng nasa Ebanghelyo ni Lukas (Lukas 16:23), tumutukoy ang impiyerno sa "walang hanggang tirahan ng mga patay" na may dalawang dako, na nakikilala rin bilang Mundong Ilalim o Seol. Kasama sa dalawang bahagi ng impiyernong ito ang Limbo at ang talagang Impiyerno. Tinatawag din ang Limbo bilang ang sinapupunan ni Abraham, ang pook para sa mga banal na may katahimikan at kasayahan ang pamumuhay. Samantala, lugar naman para sa mga masasama ang Impiyerno, ang lugar ng pagdurusa ng mga masasama. Nasa pagitan ng dalawang mga bahaging ito ang isang malaking bangin.

Impiyerno sa Lumang Tipan:

• Seol: Henesis 37:35, at iba pa.

Impiyerno sa Bagong Tipan:

• Hades: Ebanghelyo ni Mateo 11:23 16:18. Ebanghelyo ni Lukas 10:15. Mga Gawa ng mga Alagad 2:27,31. 1 Corinto 15:55. Apocalipsis 1:18 6:8 20:13,14.
• Gehenna: Ebanghelyo ni Mateo 5:22,29,30, 10:28, 18:9, 23:15,33. Ebanghelyo ni Marcos 9:43,45,47, Ebanghelyo ni Lukas 12:5, Sulat ni Santiago 3:6.

Tingnan din

• Purgatoryo

Mga sanggunian

Ang lathalaing ito na tungkol sa Bibliya at Pananampalataya ay isang usbong. Makatutulong ka sa Wikipedia sa pagpapalawig nito.