Sulat ni Pablo
Mula sa Tagalog na Wikipedia, ang malayang ensiklopedya
| Bagong Tipan ng Bibliya |
|---|
|
|
Ang mga sulat ni Pablo ay mga liham na inakdaan ni San Pablo ng Tarso, isa sa mga naging unang apostol ng Kristiyanismo. Tinatawag din itong mga Paulinong Sulat (mula sa Ingles na Pauline Letters o Pauline Epistles) o mga Epistolaryong Paulino.[1] Unang naisulat ang mga liham ni Pablo bago pa man maisatitik ang mga Ebanghelyo nina San Mateo, San Marcos, San Lucas, at San Juan. Naglalaman ang mga liham na ito ng mga kapansin-pansin at naging bantog na mga pangungusap sa panitikan ng daigdig.[2]
Mga nilalaman |
[baguhin] Paglalarawan at katangian
Nakaaakit ng pansin ang mga sulat na ito sapagkat - katulad ng ibang mga tunay na sulat sa araw-araw na pamumuhay ng tao, at maging ng iba ring mga sulat sa Bagong Tipan ng Bibliya - naglalaman ang mga ito ng pagtalakay sa mga pangaraw-araw na mga suliraning lumilitaw na lamang basta. Isa pang katangian nito ang pagiging mga liham na hindi nasusulat bilang mga pormal na mga sanaysay. Karamihan sa mga sulat na ito ang hinggil sa mga tiyak na suliraning inibig talakayin ni Pablo habang nakikipagugnayan sa partikular na mga parokya o pangkat ng mga tao. Ginamit din ni Pablo ang mga sulat na ito para sagutin ang mga katanungan ng mga mamamayang ito.[1]
[baguhin] Mga pinadalan at nakatanggap
Nakatakda ang mga Sulat na Paulino para sa bawat isang parokya o simbahan ng mga sinaunang Kristiyano. Kabilang sa mga liham na ito ang para sa mga Kristiyanong Romano, Corintio, Galata, Efesio, Filipense, Colosense, at Tesalonicense. Kasama rin sa pangkat na ito ang mga sulat para sa mga pastor o pinuno ng parokyang sina Timoteo at Tito ang Alagad (o Titus ang Alagad).[1]
[baguhin] Pagkakasunud-sunod at kahanayan
Naririto ang mga sulat ni Pablo ayon sa pagkakahanay nila sa Bagong Tipan ng Bibliya:
-
- Sulat sa mga Romano
- Unang Sulat sa mga Corintio
- Ikalawang Sulat sa mga Corintio
- Sulat sa mga Galata
- Sulat sa mga Efesio
- Sulat sa mga Filipense
- Sulat sa mga Colosense
- Unang Sulat sa mga Tesalonicense
- Ikalawang Sulat sa mga Tesalonicense
- Unang Sulat kay Timoteo
- Ikalawang Sulat kay Timoteo
- Sulat kay Tito
- Sulat kay Filemon
[baguhin] Tingnan din
[baguhin] Sanggunian
- ↑ 1.0 1.1 1.2 "(a) History of Christianity, pahina 280; (b) New Testament, pahina 161-162". The New Book of Knowledge (Ang Bagong Aklat ng Kaalaman), Grolier Incorporated. (1977).
- ↑ Reader's Digest. (1995). "Introduction to the Old and New Testaments, pahina 16". The Reader's Digest Bible, Illustrated Edition (Condensed from the Revised Standard Version: Old and New Testaments). The Reader's Digest Association, Inc., Pleasantville, London/New York/Montreal/Sydney/Auckland/Cape Town, ISBN 0276420136.
[baguhin] Mga kawing panlabas
- Ang Biblia, Buong Bibliya sa wikang Tagalog, mula sa AngBiblia.net
- Ang Dating Bibliya (1905), Buong Bibliya sa wikang Tagalog - mula Henesis hanggang Pahayag
