Sulat ni Hudas

Mula sa Tagalog na Wikipedia, ang malayang ensiklopedya

Tumalon sa: nabigasyon, hanapin
Tungkol ito sa sinulat ni Hudas Tadeo, para sa akdang ukol kay Hudas Iskariote tingnan ang Ebanghelyo ni Hudas.
Bagong Tipan ng Bibliya
Ang kahong ito: tingnan • pag-usapan • baguhin

Ang Sulat ni Hudas[1] o Sulat ni Judas[2][3] ay aklat sa Bagong Tipan na isinulat ni Hudas Tadeo (tinatawag ding Tadeo lamang o Hudas na kapatid ni Santiago.[2] Bagaman isa lamang napakaikling akdang may dalawampu't limang taludtod at siyang pinakamaiksing sulatin at aklat na nasa Bagong Tipan ng Bibliya, nilalarawan itong natatangi dahil sa angkin nitong katatagan at karangalan. Naaangkop ang halos lahat ng nilalaman nito sa pangkasalukuyang panahon sapagkat may pagkakatulad sa kapanahunan ni San Hudas Tadeo, isang panahong laganap ang imoralidad at erehiya. Laban si San Hudas Tadeo sa ganitong mga bagay.[4]

Mga nilalaman

[baguhin] May-akda

Pangunahing lathalain: Hudas ang Alagad

Nangaral hinggil sa Ebanghelyo o Mabuting Balita sa Siria si Hudas Tadeo. Namatay siya't naging isang martir sa Beirut.[2]

[baguhin] Panahon ng pagsulat

Inakdaan ni Hudas ang Alagad ang Sulat ni Hudas noong mga 62 hanggang 67 A.D.[2][4] Ito ang pinaniniwalaang petsa dahil hindi nabanggit sa kasulatang ito ang pagkaguho ng Jerusalem.[2]

[baguhin] Layunin

Sa pagkasulat ng liham na ito, nilayon ni Hudas Tadeong sugpuin at labanan ang mga maling pangaral na ginagawa ng mga ereheng hindi kumikilala kay Hesus bilang Panginoon at Guro. Hindi ayon ang mga erehe sa "lahat ng Batas, kapangyarihan, at kalayaang Kristiyano."[2] Kabilang sa loob ng Simbahan o parokya ang mga nabanggit na erehe dito, at nagsilbing babala ang Sulat ni Hudas para sa mga taong ito.[4]

[baguhin] Mga bahagi

Binubuo ng tatlong bahagi ang Sulat ni Hudas: Una, mayroon itong isang Pambungad. Nagsisilbing isang babala para sa mga Kristiyano ang hinggil sa mga bulaang tagapagturo[2] o mga huwad na mga mangangaral. Nagtatapos ito sa isang Paglalagom o konklusyon, ang ikatlong bahagi ng liham.[4]

[baguhin] Paglalarawan

Ang Sulat ni Hudas ay sumangguni sa 2 aklat na hindi kasama sa Kanon ng Biblia. Isa rito ay ang aklat na pinamagatang Ang Pag-akyat ni Moises (o Asunsiyon ni Moises) na tinukoy sa bersikulo 9 ng Sulat ni Hudas ukol sa pagtatalo ni Arkanghel Miguel at ng Diablo tungkol sa katawan ni Moises. Ang ikalawang aklat na pinagsanggunian ni Hudas ay ang Aklat ni Enoch (o Aklat ni Enoc) ukol sa hula na mababasa sa I Enok bersikulo 9. Bagama't ang Aklat ni Enoch ay hindi kasama sa kanon ng makabagong biblia, ito ay tinuturing na kanonikal ng Ortodoksiyang Iglesia ng Etiopia. Bilang karagdagan, ikinukumpara ang paghalaw na ito ni Hudas Tadeo sa ginawang paghalaw ni San Pablo mula sa Mga Orakulo ni Epimenides. Ginawa ni Judas Tadeo ang paghalaw na ito upang patunayang totoo ang mga hula ni Enoc.[2] Nagwawakas ang aklat na may mga payo o pangaral para sa mga Kristiyano.[4]

[baguhin] Mga sanggunian

  1. ↑ "Hudas, Judas". English, Leo James. Tagalog-English Dictionary (Talahulugang Tagalog-Ingles). (1990).
  2. ↑ 2.0 2.1 2.2 2.3 2.4 2.5 2.6 2.7 Abriol, Jose C.. (2000). "Sulat ni Judas". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077.
  3. ↑ "Ang Sulat ni Judas". Ang Biblia/Bagong Magandang Balita Biblia (Lumang Tipan, Deuterocanonico at Bagong Tipan). (2008). Philippine Bible Society, AngBiblia.net, Lungsod ng Batangas, Pilipinas.
  4. ↑ 4.0 4.1 4.2 4.3 4.4 "St. Jude Thaddeus." Devotional Exercises and Novena Prayers, Archdiocesan Shrine of St. Jude Thaddeus, Divine Word Missionaries, Gerard Kloesters, S.V.D. (nihil obstat), Alphonse Lesage (imprimi potest), Msgr. Jose N. Jovellanos, P.A., V.G. (imprimatur), Catholic Trade (Manila) Inc. (tagapaglathala), Hinglimco Enterprises, Inc. (tagapaglimbag) Maynila, Pilipinas, 1977.

[baguhin] Mga panlabas na kawing

  • Sulat ni Judas (Jude), mula sa Ang Dating Biblia (1905)
  • Sulat ni Judas, Buong Bibliya sa wikang Tagalog, mula sa AngBiblia.net
  • Judas, Ang Salita ng Diyos (SND, 1998), Bibliyang Tagalog sa Internet (Bagong Tipan), BiblesInternational, BibleGateway.com
Kinuha mula sa "http://tl.wikipedia.org/wiki/Sulat_ni_Hudas"
Mga pansariling kagamitan