Aklat ni Ester
| Lumang Tipan ng Bibliya |
|---|
|
| Ketuvim |
|---|
| Tatlong Poetikong Aklat |
| 1. Tehillim (Mga Awit) |
| 2. Mishle (Mga Kawikaan) |
| 3. Iyyov (Job) |
| Limang Megilla |
| 4. Shir haShirim (Awit ng mga Awit) |
| 5. Rut |
| 6. Ekha (Mga Panaghoy) |
| 7. Kohelet (Mangangaral) |
| 8. Ester |
| Mga Ibang Aklat |
| 9. Daniyyel (Daniel) |
| 10. Ezra-Neẖemya (Esdras-Nehemias) |
| 11. Divre haYamim (Mga Kronika) |
Ang Aklat ni Ester[1] o Aklat ni Esther ay isang aklat sa Lumang Tipan ng Bibliya. Isa rin ito sa mga aklat na isinalin ni San Jeronimo at kabilang sa mga deuterokaniko.[1] Ito ang batayan ng Purim, isang pagdiriwang ng mga Hudyo.
Mga nilalaman |
Pamagat[baguhin]
Hinango ang pangalan ng aklat mula kay Ester, isang bayaning babae ng mga Israelita. Iniligtas ni Ester ang mga taga-Israel mula sa tiyak na kamatayan, isang masamang balak ni Aman (o Haman), isang punong ministro ng Persya. Nilinlang ni Aman ang hari ng Persyang si Jerjes I (kilala rin bilang Xerxes I o Ahasuerus sa Ingles, Asuero sa Ebreo, at Artajerjes sa Griyego) upang makalikha ng batas para patayin ang lahat ng mga Hudyo. Sinasabing malaki ang tulong na nagawa ni Ester para sa kaniyang mga kababayang sakop sa ilalim ng kaharian ng mga Persa (ang mga mamamayan ng Persya). Isa sa mga dahilan ang pagkakapili kay Ester na maging reyna ni Jerjes I Napili siyang reyna ni Jerjes I noong mga 485 hanggang 465.[1]
Paglalarawan[baguhin]
Nilalahad ng aklat na nagkaroon ng pagbabanta sa buhay ng haring si Jerjes I. Napag-alaman ito ni Mardoqueo, isang amain ni Ester. Isinumbong ito ni Mardoqueo sa reynang si Ester kaya't napigilan ang panganib na nakaabang sa hari. Ipinaalam ni Ester kay Jerjes I ang pagbabanta at panganib. Nataas ng katungkulan ni Mardoqueo sa kaharian ni Jerjes I.[1]
Layunin[baguhin]
Naging layunin ng nilalamang kasaysayan ng Aklat ni Ester ang patotohanan ang pangangalaga at paglingong may pagkalinga ng Diyos sa Israel.[1]
Mga sanggunian[baguhin]
- ↑ 1.0 1.1 1.2 1.3 1.4 Abriol, Jose C.. (2000). "Ester". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077.
Panlabas na kawing[baguhin]
- Aklat ni Ester/Esther, mula sa Ang Dating Biblia (1905)
- Aklat ni Ester, mula sa Ang Biblia, AngBiblia.net
