Bautismo

Mula sa Wikipediang Tagalog, ang malayang ensiklopedya
(Idinirekta mula sa Binyag)
Tumalon sa: nabigasyon, hanapin
Para sa ibang gamit, tingnan ang Binyag (paglilinaw).
Isang pagbabautismo.

Ang bautismo[1] ay isang sakramento o ritwal ng mga Kristiyano na ginagawaran ng paglulubog sa tubig o pagbubuhos ng banal na tubig sa may ulunan ng sanggol o maging nasa-edad na, bilang tanda ng pagiging bahagi niya sa pamayanang Kristiyano. Sa pamamagitan nito, inaasahang magiging mabuting Kristiyano ang binibinyagan. Tinatawag itong binyag sa Simbahang Katoliko Romano, subalit ginagamit ang salitang buhos kapag hindi pari ang nagsasagawa ng pagbibinyag. Isang pagdadalisay na pang-pananampalataya ang pagbabautismo sa pamamagitan ng banal na tubig. Ginagawa ang seremonyas na ito ilan pang mga relihiyon, bukod sa Katolisismo at Kristiyanismo, katulad ng Mandaenismo, Sikhismo at ilang mga sekta ng Hudaismo. Sa wikang Griyego.[2] Bukod sa paglulubog, isa ring paghuhugas sa pamamagitan ng tubig ang pagbabautismo na sumasagisag sa pagkakatanggal ng mga kasalanan ng isang tao, at sa pagsapi ng taong ito sa mag-anak ng Diyos, at sa kaniyang pagiging kaisa sa pagkamatay ni Hesus (dahil sa kasalanan ng tao) at sa muling pagkabuhay ni Hesus (sumasagisag sa bagong buhay).[3]

Binyag sa Simbahang Katoliko Romano[baguhin]

Tumutukoy ang salitang binyagan sa Romano Katoliko sa okasyon ng pagbibinyag ng mga sanggol. Ginagamit din itong katawagan para sa mga Katoliko o "ang mga nabinyagan na".[1]

Karaniwan na ang pagkakaroon ng mga panauhing-pandangal sa pagdaraos ng binyag, kabilang dito ang mga amang-binyag o ninong sa binyag at mga inang-binyag o ninang sa binyag.[1] Sa prosesong ito nagiging inaanak ng mga ninong at ninang ang taong bininyagan, at nagiging mga magkaka-kumpadre (kumpare, pare) at magkaka-kumadre (kumare, mare) ang mga magulang at ang nag-anak na ninong at ninang. Sa Pilipinas, nagbibigay din ang mga ninong at ninang ng regalong pakimkim, na maaaring salapi o bagay.[4]

Sa iba pang pananaw, katumbas din ng salitang binyag ang pagsusunat, kung kaya't ang isang binyagan, sa kasong ito, ay isang taong "bagong-tuli".

Mga sanggunian[baguhin]

  1. 1.0 1.1 1.2 "Binyag". English, Leo James. Tagalog-English Dictionary (Talahulugang Tagalog-Ingles). (1990).
  2. Abriol, Jose C.. (2000). "Binyag, paglulubog, mula sa tala bilang 39 para sa Marcos 10:39, pahina 1,497". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077.
  3. The Committee on Bible Translation. (1984). "Baptize, Dictionary/Concordance, pahina B1". The New Testament, God's Word, The Holy Bible, New International Version (NIV). International Bible Society, Colorado, USA.
  4. "Teksto tungkol sa binyag, compadre, atbp., pahina 76-78". Flavier, Juan M., "Doctor to the Barrios" (New Day Publishers). (1970/2007).