Francis Bacon

Mula sa Tagalog na Wikipedia, ang malayang ensiklopedya

Francis Bacon
Francis Bacon
Kapanganakan	Enero 22, 1561
Kamatayan	Abril 9, 1626

Si Gat Francis Bacon o Sir Francis Bacon, KC, (22 Enero 1561 – 9 Abril 1626) ay isang Ingles na pilosopo, politiko, at may-akda. Naging kabalyero siya noong 1603. Naging Baron Verulam siya noong 1618, at Biskonde San Albano noong 1621. Dahil wala siyang mga anak, nagwakas ang mga titulo o pamagat na ito sa kanyang kamatayan.

Unang niyang hanapbuhay ang pagiging isang abugado. Naging pinakakilala siya sa pagiging pangunahing tagapag-isip ng mga bagong kaparaanan sa pagtingin sa daigdig. Dahil sa kanyang mga sulatin, nagsimula at naging bantog ang isang paraan ng pag-iisip ukol sa agham, na kilala sa kasalukuyan bilang metodong Baconiano. Nakabatay ang pamamaraang ito sa pagtanaw sa mundo sa pamamagitan ng pagsasagawa ng mga eksperimento. Pagkaraan ng pagpanood o pagtingin sa mga kinalabasan, nagkakaroon ang mga siyentipiko ng isang ideya upang maipaliwanag ang kung ano ang naganap. Ang ideyang ito o hipotesis ay mas ginagawan pa ng karagdagang mga pagsusubok. Tinatawag ang ganitong paraan ng pag-iisip hinggil sa siyensiya bilang metodolohiyang induktibo. Noong kapanahunan ni Bacon, kaugnay ang mga metodong ito sa salamangka, pati na ang hermetisismo at alkemiya.

[baguhin] Mga sanggunian

Ang lathalaing ito na tungkol sa Biyolohiya at Tao ay isang usbong. Makakatulong ka sa Wikipedia sa pagpapalawig nito.