Isotope
Ang isotope (bigkas /aysotowp/; mula sa Ingles), isotopo (mula sa Espanyol) o kahasi[1] ay dalawa o mahigit pang atomo ng iisang elemento na may parehong atomikong bilang ngunit may magkakaibang atomikong timbang. Magkakatulad ang bilang ng kanilang proton at elektron. Gayumpaman, ang kanilang neutron ay magkakaiba. Halimbawa: ang Karbon-12, Karbon-13 at Karbon-14 ay pare-parehong isotope ng Karbon, pare-parehong may numerong atomikong 6, gayumpaman iba-iba ang kanilang atomikong timbang sapagkat ang kanilang mga neutron ay iba-iba ang bilang. Anim sa Karbon-12, pito sa Karbon-13 samantalang walo naman sa Karbon-14.
Nanggaling ang salitang isotope, nangangahulugang sa kaparehong lugar, mula sa katotohanan na matatagpuan ang mga isotopo sa kaparehong lugar sa talaang peryodiko.
[baguhin] Sanggunian
- ↑ Gaboy, Luciano L.. "Isotope". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
