Pancho Villa

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Si Pancho Villa noong 1910.

Si José Doroteo Arango Arámbula (5 Hunyo 1878 – 20 Hulyo 1923), na mas nakikilala sa palayaw niyang Pancho Villa o Francisco Villa, ay isang Mehikanong pinuno ng Rebolusyong Mehikano na tagapagtangkilik ng mga mahihirap, at nagnais ng repormang agraryo. Bagaman isa siyang mamamatay, mandarambong, at isang pinuno ng panghihimagsik,[1] maraming mga tao ang umaalala sa kaniya bilang isang bayani ng bayan. Siya ang namuno sa mga panghihimagsik laban kina Venustiano Carranza, pinuno ng Rebolusyong Mehikano at Victoriano Huerta, na noon ay Pangulo ng Mehiko.[1] Si Francisco "Pancho" Villa rin ang may pananagutan para sa isang pagsalakay na naganap sa Columbus, New Mexico, Estados Unidos noong 1916, na unang paglusob sa lupain ng Estados Unidos magmula noong 1812. Tinugis si Villa ng mga sundalo ng Estados Unidos, ngunit natililisan (naiwasan) niya si Heneral John J. Pershing.

Mga sanggunian[baguhin]

  1. 1.0 1.1 Deverell, William at Deborah Gray White. United States History and New York History: Post-Civil War to the Present (Holt McDougal:2010), pahina R116.



Talambuhay Ang lathalaing ito na tungkol sa Talambuhay ay isang usbong. Makatutulong ka sa Wikipedia sa pagpapalawig nito.