Pitong mga Hiwaga ng Sinaunang Mundo

Ang Pitong mga Hiwaga ng Sinaunang Mundo (o Pitong mga Hiwaga ng Mundo) ay isang kilalang talaan ng kamangha-manghang mga gusali o mga pagtatayo noong klasikong panahong sinauna. Ininatay ito sa ilang mga panggabay na aklat na sikat sa sinaunang mga turistang Heleniko (Sinaunang Gresya). Ilan sa panggabay na mga aklat na ito ang mga bersyong inakdaan nina Antipater ng Sidon at isang tagapagmasid na kinikilala bilang si Philon ng Bisantyum, na binubuo ng pitong mga gawang nakalagay sa paligid ng tagiliran ng Mediteraneo. Sa paglaon, nakapagbigay ng inspirasyon ang orihinal na talaang ito sa hindi mabilang na mga bersyon sa paglipas ng mga panahon, kadalasang nakatuon lamang sa may hangganang bilang ng pitong mga pagbanggit. Sa pitong orihinal na Pitong Mga Hiwaga, isa lang  – ang Dakilang Piramide ng Gisa  – ang nananatiling buo pa hanggang sa kasulukuyang panahon.

Ang Pitong mga Hiwaga ng Sinaunang Mundo ay ang:

• Dakilang Piramide ng Gisa
• Nakabiting mga Hardin ng Babilonya
• Templo ni Artemis sa Epeso
• Estatuwa ni Zeus sa Olimpya
• Musoleo ni Halikarnasus
• Kolosus ng Rhodes
• Parola ng Alejandria