Santa Elena (emperatris)

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Si Santa Elena ng Konstantinopla o Santa Elena ng Konstantinople ay isang emperatris at santa na ina ni Emperador Constantino I (306-337). Siya ang nagwakas ng pag-uusig sa mga Kristiyano ng Imperyong Romano. 63 taong gulang siya noong maging isa siyang Kristiyano. Bukod sa pakikisalamuha sa ordinaryong mga mamamayan ng Sinaunang Roma, ginamit ni Santa Elena ang kanyang kayamanan sa pagtatayo ng mga simbahan at ibsan ang pagdurusa ng mga mahihirap. Sa edad na 80, nagtungo siya sa Palestina upang hanapin ang banal na mga pook sa buhay ni Hesukristo, at upang hanapin ang totoong krus na natagpuan sa isang sisterna o tangkeng panahod ng tubig-ulan na malapit sa Kalbaryo. Pinamunuan ni Santa Elena ang pagtatatag ng Simbahan ng Banal na Sepulkro. Siya rin ang nagpatayo ng Simbahan ng Natibidad sa Betlehem, pati na ng mga pagpapalamuti sa iba pang mga simbahan sa Lupaing Banal, ang lugar kung saan siya sumakabilang-buhay.[1]

Mga sanggunian[baguhin | baguhin ang batayan]

  1. Saint Helen, Widow ([kamatayan] c. 329), Magnificat, Saints of Today and Yesterday, Agosto 2009, Tomo 11, Blg. 6, pahina 273.


Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.