Klase (biyolohiya)

Mula sa Tagalog na Wikipedia, ang malayang ensiklopedya

---

Ang pagkakasunud-sunod (hirarkiya) ng walong pangunahing hanay pang-taksonomiya sa katipunang biyolohikal. Hindi ipinakikita ang mga ranggong panggitna.

Ang klase^[1] ay isang kahanayang pang-taksonomiya sa pagtitipun-tipong pang-agham ng mga organismo sa larangan ng biyolohiya, na nasa ilalim ng lapi (kalapian) at nasa ibabaw ng orden.

Halimbawa, ang pangalang Mammalia ang klase na ginagamit sa katipunan ng mga aso na ang lapi ay Chordata (mga hahop na may mga notokurdon) at ang orden ng mga ito ay Carnivora (mga mamalyang kumakain ng karne).

[baguhin] Kasaysayan

Ang klase ay isang natatanging ranggo ng klasipikasyong pang-biyolohiya, na may sarili at natatanging pangalan (na hindi tinatawag lamang na mataas na sari (Ingles: higher genus; Latin: genus summum). Ipinakilala ito ni Joseph Pitton de Tournefort, isang botanistang Pranses, sa kaniyang Eléments de botanique (Mga Sangkap ng Botanika) noong 1694. Si Carolus Linnaeus ang unang tahasang gumamit ng klase para sa mga hati ng lahat ng tatlong mga kaharian ng Kalikasan (kinabibilangan ng mga mineral, halaman, at hayop) sa kaniyang akdang Systema Naturae (Likas na Pamamaraan) (1735, unang labas). Mula noon, itinuring na ang klase bilang pinakamataas na antas pang-taksonomiya hanggang sa dumating ang mga pagsasanga-sanga (Pranses: embranchements), na sa ngayon ay tinatawag na kalapian (phylum [isahan], o phyla [maramihan]). Pinakilala naman ang mga kahatian noong ika-19 na dantaon.

[baguhin] Tingnan din

• Taksonomiya
• Klasipikasyong siyentipiko

[baguhin] Mga talasanggunian

Ang artikulong ito o mga bahagi nito ay hinango o isinalin mula sa English Wikipedia. Sa wikang Ingles, ang katumbas na artikulo ay pinamagatang:

Class (biology)

Ang lathalaing ito na tungkol sa Agham ay isang usbong. Makakatulong ka sa Wikipedia sa pagpapalawig nito.