Pagbuburo

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin
Ang nagaganap na pagbuburo o permentasyon: ang mga linab ay nabuo dahil sa mga bula ng "hangin" o gas ng CO2 at ng mga materyal na binuburo.

Ang permentasyon, pagpapahilab,[1] o pagbuburo[2] ay ang proseso ng paggamit ng isang selula (sihay) ng asukal para sa enerhiya na hindi gumagamit ng oksiheno sa loob ng iisang panahon. Ang pampaalsa (lebadura) ay isang organismong nakapagbuburo. Kapag binuburo ng lebadura ang asukal, kinakain ng pampaalsa ang asukal at nakakalikha ng alkohol. Ang ibang mga selula ay nakakalikha ng suka o asidong laktiko kapag binuburo nila ang asukal. Ang permentasyon ay ginagamit sa paggawa ng serbesa, ng ilang mga uri ng panggatong, at ginagamit din upang umalsa ang tinapay, pati na sa paggawa ng mga pagkaing binuro katulad ng mga atsara.

Mga uri ng permentasyon[baguhin]

Kapag nagbuburo ang lebadura, binubuwag nito ang glukosa (C6H12O6) upang maging ethanol (CH3CH2OH) at karbong dioksido (CO2).

  • Ang permentasyon ng ethanol ay palaging nakakagawa ng ethanol at ng carbon dioxide. Mahalaga ito sa paggawa ng tinapay, paggawa ng serbesa, paggawa ng alak.
  • Ang permentasyon ng asidong laktiko ay nakakagawa ng asidong laktiko. Nagaganap ito sa mga kalamnan ng mga hayop kapag mabilisan ang pangangailangan nila ng maraming enerhiya o lakas.

Mga sanggunian[baguhin]

  1. fermentation, paghilab, bansa.org
  2. fermentation, pagbuburo, lingvozone.com

Mga kawing na panlabas[baguhin]