Pakikipagkamay

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang pakikipagkamay o pakikipagdaup-palad[1] ay isang maikling ritwal kung saan naghahawak ng kanan o kaliwang kamay ang dalawang tao, na kalimitang may kasamang maiksing paitaas at pababang galaw ng magkahawak na mga kamay. Ginagamit ito sa pakikipagkilala, bilang pagbati sa dati nang kakilala, sa pakikipagbati sa dating kaalitan o pakikipagkasundo sa negosyo, at maging sa pamamaalam.

Kaiba sa pakikipagkamay o pakikipagdaup-palad, maaari ring tumukoy ang daup-kamay o magdaup-kamay sa pagdirikit ng mga kamay na magkaharap ang mga palad ng iisang tao o indibiduwal lamang, katulad ng ginagawa sa pagdarasal.[2]

Kaugnay ng pakikipagkamay, may isang tagpuan ang Sulat sa mga Galata (nasa Galata 2:9) sa Bagong Tipan ng Bibliya kung saan "nag-abot ng kanang kamay" kay San Pablo at Bernabe sina Santiagong anak ni Alfeo, Cefas (ibang tawag para kay San Pedro ito), at Juan bilang tanda ng pagtanggap sa pakikiisa ni San Pablo sa ibang mga apostol.[3]

Tingnan din[baguhin]

Sanggunian[baguhin]

  1. Gaboy, Luciano L.. "Handshake, pakikipagkamay; pagdadauppalad". Gabby's Dictionary, Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  2. "daop, magdaop, pagdaupin, magdaup-kamay". English, Leo James. Tagalog-English Dictionary (Talahulugang Tagalog-Ingles). (1990)., pahina 415.
  3. Abriol, Jose C.. (2000). "Pag-abot ng kanang kamay". Ang Banal na Biblia, Natatanging Edisyon, Jubileo A.D. Paulines Publishing House/Daughters of St. Paul (Lungsod ng Pasay) ISBN 9715901077., pahina 1700.