Abelardo Aguilar

Mula sa Wikipediang Tagalog, ang malayang ensiklopedya
Jump to navigation Jump to search

Si Abelardo Aguilar (namatay 1993) ay isang doktor at siyentipikong Pilipino mula sa Iloilo na naka-diskubre (datapwat siya ay itinuturing na kasamang nakadiskubre) ng antibiyotikong erythromycin. Ipinadala niya sa kanyang amo na si Eli Lily noong 1949 ang mga sample mula sa Iloilo at nagawang maihiwalay ng mga tagasaliksik ni Eli Lily ang erythromycin mula sa mga metabolikong produkto ng Streptomyces erytheus na natagpuan sa mga sample na ipinadala ni Aguilar. Noong 1952, inilabas sa mga parmasiya sa Estados Unidos ang gamot bilang Ilosone, alang-alang sa lugar kung saan ito nagmula — sa Ilo-ilo. Ang erythromycin ay dati ring kilala bilang Ilotycin.