Pumunta sa nilalaman

Abatar (termino)

Mula sa Wikipedia, ang malayang ensiklopedya
(Idinirekta mula sa Avatar (termino))
Sampung pangunahing anyo (abatar) ng bathala o diyos na Hindu na si Vishnu (bersyon nina Balarama-Krishna), Dasavatara shrine, garing mula ika-18 siglo, Pambansang Museo, New Delhi

Sa Hinduismo, ang Abatar o "avatar" (mula sa Sanskrit na "avatāra", na nangangahulugang pagbaba) ay tumutukoy sa inkarnasyon o pagsasakatawang-tao ng isang diwata,bathala o diyos, lalo na ng diyos na si Vishnu, sa daigdig upang magligtas ng sanlibutan mula sa kasamaan o upang ibalik ang kaayusan (dharma).[1] Ang bagbaba ng isang diyos o bathala sa lupa mula sa langit. [2][3] Ang abatar[4], mula sa Sanskrit na nangangahulugang "Ang nagmula sa itaas" (literal : "nanaog") ay ginagamit bilang katawagan sa mga Diyos (deva), partikular na sa Hinduismo, na nananaog sa lupa na may partikular na anyo, o di kaya nama'y ipinanganganak na mistulang ordinaryong nilalang, para sa isang misyon o upang ibalik ang Dharma.

Pinakakilala sa mga Diyos na maraming mga abatar si Vishnu (marami siyang abatar, ngunit may 10 pinakakilala). Sa bawat abatar niya, nagpapamalas siya ng iba't-ibang anyo. Ipinapalagay ng mga Vaishnava (mga tagasunod ni Vishnu) na si Vishnu ang pinakamataas sa lahat ng Diyos.

Entimolohiya - Pinangalingan ng ngalan at ibigsabihin nito

[baguhin | baguhin ang wikitext]

Ang pangngalang Sanskrit (avatāra, Hindustani: [əʋˈtaːr]) ay nagmula sa Sanskrit na panlapi na ava- 'pababa' at sa ugat na tṛ 'tumawid'.[5] Ang mga ugat na ito ay may pinagmulan, ayon kay Monier-Williams, sa -taritum, -tarati, -rītum. [2]

Ang "Avatar" ay nangangahulugang 'pagbaba, paglitaw, pagpapakita ng sarili',[2] at tumutukoy sa pagkakabuo ng diwa ng isang makalangit o banal na nilalang sa ibang anyo.[5] Sinasabi rin ng salita ang ibig sabihing “mapagtagumpayan, alisin, pababain, o tumawid sa isang bagay”.[2] Sa mga tradisyon ng Hinduismo, ang “pagtawid o pagbaba” ay simbolo, ayon kay Daniel Bassuk, ng banal na pagbaba mula sa “walang hanggan patungong panandalian, mula sa walang kundisyon patungo sa may kundisyon, mula sa kawalang-hanggan patungong hangganan.”[6] Ayon kay Justin Edwards Abbott, ang avatar ay isang saguna (may anyo, katangian) na pagbabalik na katawan ng nirguna Brahman o Atman (kaluluwa).[7] Ayon kay Bhaktisiddhanta Sarasvati, ang “avatar” ay nangangahulugang 'banal na pagbaba' sa kaniyang mga komentaryo sa The Shrimad Bhagavatam at The Brahma Samhita (na binanggit sa Brahmavaivarta Purana).

  1. ↑ Geoffrey Parrinder (1997). Avatar and Incarnation: The Divine in Human Form in the World's Religions. Oneworld. pp. 19–20. ISBN 978-1-85168-130-3.
  2. 1 2 3 4 Monier Monier-Williams (1923). A Sanskrit-English Dictionary. Oxford University Press. p. 90.
  3. ↑ Sheth 2002, pp. 98–99.
  4. ↑ Gaboy, Luciano L. Avatar, abatar - Gabby's Dictionary: Praktikal na Talahuluganang Ingles-Filipino ni Gabby/Gabby's Practical English-Filipino Dictionary, GabbyDictionary.com.
  5. 1 2 Sheth 2002, p. 98.
  6. ↑ Bassuk, Daniel E. (1987). Incarnation in Hinduism and Christianity: The Myth of the God-Man. Library of Philosophy and Religion (ika-1st ed. 1987 (na) labas). London: Palgrave Macmillan UK. ISBN 978-1-349-08642-9.
  7. ↑ Justin Edwards Abbott (1980). Life of Tukaram: Translation from Mahipati's Bhaktalilamrita. Motilal Banarsidass. pp. 335–336. ISBN 978-81-208-0170-7.

Usbong Ang lathalaing ito ay isang usbong. Makatutulong ka sa Wikipedia sa pagpapalawig nito.

Nagmula sa "https://tl.wikipedia.org/w/index.php?title=Abatar_(termino)&oldid=2159166"