Pumunta sa nilalaman

Fenty Beauty

Mula sa Wikipedia, ang malayang ensiklopedya
Fenty Beauty LLC
FEИTY BEAUTY
IndustriyaPampaganda
Itinatag8 Setyembre 2017; 8 taon na'ng nakalipas (2017-09-08)
NagtatagRobyn Rihanna Fenty
Punong-tanggapan425 Market Street, 19th Floor,
San Francisco
,
California, Estados unidos
Pinaglilingkuran
Worldwide
Pangunahing tauhan
Rihanna (Founder, CEO, Owner),
Jahleel Weaver (Creative Director)
ProduktoCosmetics
May-ariRobyn Fenty (50%)
LVMH (50%)
Dami ng empleyado
200
MagulangKendo Holdings
LVMH
Fenty Corp
Websaytfentybeauty.com

Ang Fenty Beauty (isinaysay bilang FEИTY BEAUTY) ay isang tatak ng kosmetiko ni Rihanna, na inilunsad noong 8 Setyembre 2017. Ang Pro Filt'R foundation nito ay naging high-demand sa unang paglabas dahil sa malawak nitong saklaw para sa iba't-ibang kulay ng balat. Apatnapung klase ng kulay ang kasama sa orihinal na paglunsad ng foundation, at mula noon ay lumawak ito sa limampu. Kasabay rin sa dami ng klase ng kulay ang Fenty Beauty concealer, na nag-aalok ng malawak na shade range para sa lahat ng uri ng balat.

Kaligiran

[baguhin | baguhin ang wikitext]

Noong Hunyo 2013, naitaták ni Rihanna ang kaniyang apelyidong Fenty, upang magamit sa iba't-ibang mga produkto. Ito ay humantong sa haka-hakang magsisimula siyang gumawa o maglunsad ng iba't-ibang mga produkto maliban sa musika. Kabilang sa mga bagong taták na ito ay ang Fenty Beauty.[1]

Inilunsad ni Rihanna ang Fenty Beauty noong 2017 noong siya ay dalawampu't-siyam na taong gulang. Dati na siyang nakipagsosyo sa MAC Cosmetics,[2][3] at naglabas na rin ito ng sampung pabango sa pamamagitan ng Parlux Ltd.,[4][5][6] ngunit ang kaniyang unang solong cosmetics brand ay ang Fenty Beauty.[7] Binuo ni Rihanna ang linya kasama ang luxury conglomerate na Louis Vuitton Moët Hennessey (LVMH), na pumirma ng kasunduan noong 2016 para gawin ang Fenty Beauty sa pamamagitan ng Kendo division ng LVMH.[4] Isang "incubator company" ang Kendo Holdings Inc. na gumagawa ng mga kosmetiko bilang mga produktong may white-label na ibinebenta sa pamamagitan ng tingian ng mga kosmetiko na Sephora, isa ring subsidiary ng LVMH, pati na rin sa iba pang mga palabasan.[4][8] Iniulat ng Women's Wear Daily na maaaring nagbayad ang LVMH ng $10 milyon (USD) para sa kasunduan.[4]

Nilikha ni Rihanna ang Fenty Beauty para magbigay ng inklusibong hanay para sa lahat ng kulay ng balat, kabilang ang mga malawak na handog na lilim para sa mga taong may mas malalim ang kulay ng balat.[9]

Kasaysayan

[baguhin | baguhin ang wikitext]

Paglunsad

[baguhin | baguhin ang wikitext]

Unang inilunsad at ibinenta ang mga produkto ng Fenty Beauty noong 8 Setyembre 2017, na siyang kasabay ng paglunsad ng kolaborasyon ni Rihanna sa Puma sa kasagsagan ng New York Fashion Week.[10] Sa Estados Unidos, inilunsad ang linya sa mga tindahan ng Sephora, sa websayt ng Sephora, at sa websayt ng Fenty Beauty. Sa Reyno Unido, eksklusibo ang Fenty Beauty sa mga almasen ng Harvey Nichols hanggang 2019 noong sinimulan na ring ibenta ang tatak sa high street chemist na Boots UK.[11][12] Sa kasalukuyan, mayroon ang Fenty Beauty sa labimpitong mga bansa.[13][14]

Rihanna sa isang promotional campaign ng Fenty noong 2018

2017–2019

[baguhin | baguhin ang wikitext]

Nakakuha ng pangkalahatang pagbubunyi ang mga produkto ng Fenty Beauty para sa hanay ng apatnapung mga lilim na inaalok nito, lalo na para sa pagsama ng mga mas maiitim na lilim para sa Pro Filt'R foundation nito,[15][16][17] na tinutugunan ang isang matagal nang pinupunang puwang sa mga handog ng industriya ng kosmetiko para sa mga kababaihang itim at iba pang mga babaeng may kulay.[18][19] Maraming mga tatak ang sumunod sa halimbawa ng Fenty Beauty pagkatapos ng kanilang unang paglabas ng mga produkto at nagdagdag ng higit pang mga inklusibong lilim sa kanilang sariling mga koleksyon.[20][21] Kasabay ng paglunsad ng Pro Filt'R foundation ay ang Pro Filt’r Retouch Primer, Match Stix Skinstick (na maaaring gamitin bilang concealer, highlighter, countour, at iba pa), Killawatt Freestyle Highlighter, at ang Gloss Bomb Universal Lip Luminizer.[22][23]

Ang Stunna Lip Paint

Noong 23 Nobyembre 2017, inilabas ang unang Stunna Lip Paint, isang matingkad na pulang long-wear liquid lipstick, na gumuhit ng malawak na sigasig mula sa publiko.[24][25][26] Sa pagrepaso sa produkto sa BuzzFeed News, binanggit ni Leticia Miranda ang kasaysayan ng kontrobersya sa paligid ng pulang kolorete para sa mga babaeng may kulay, na nagsasaad na ang konteksto sa pagpili ng kulay para sa Stunna ay "assertive, confrontational, unapologetic".[27] Kasunod ng pagpapalabas ng orihinal na pulang Stunna Lip Paint, naglabas ang Fenty Beauty ng apat pang lip paint sa kulay na baby pink, peach nude, chocolate brown, at itim.[28]

Noong 23 Marso 2018, naglunsad ang tatak ng limited-edition na highlighter na tinatawag na "Dirty Thirty", para sa ika-30 kaarawan ni Rihanna.[29] Kinuha mula sa Killawatt Freestyle Highlighter na "Trophy Wife" (metalikong ginto), nakabalot ang "Dirty Thirty" na may kasamang XXX (ang Romanong numero para sa 30) sa halip na logo ng tatak na may "FB".[30][31]

Noong 6 Abril 2018, naglabas ang Fenty Beauty ng tatlong produkto sa koleksyon nitong Beach, Please.[32] Ang unang produkto ay ang Body Lava, isang likidong produkto na maaaring kuskusin sa anumang bahagi ng katawan para lumiwanag.[33] Upang ilapat ang Body Lava, maaaring bilhin ang Kabuki Brush nang hiwalay. Inilabas rin ang Fairy Bomb Glittering Pom Pom na parehong aplikator at produkto. Naglabas rin ang Fenty Beauty ng mga highlighter, eye shimmer, at lip gloss sa nasabing koleksyon.[34] Di-nagtagal at inilunsad din ang Fenty Beauty sa Arabyang Saudi.[35] Kalaunan ay inilunsad ang Flyliner Longwear Liquid Eyeliner kasabay ang kanilang pangalawang paleta ng mga pangkulay sa mata na Moroccan Spice noong Hulyo 2018.[36]

Noong 4 Oktubre 2018, inilunsad ng Fenty Beauty ang kanilang kolesyon para sa taglamig na ChillOwt, na kinabibilangan ng iba't-ibang mga produkto na may temang taglamig at malamig na tono.[37] Kasama sa koleksyong ito ang Killawatt Foil Palette (highlighter palette na may pitong metalikong lilim), "Snow Daze" at "Snow Nights" (dalawang lipstick set), set ng mga krayola para sa labi at mata, at "Avalanche Powders" (loose pigmented powder).[38][39]

Noong 11 Enero 2019, inilunsad ng Fenty Beauty ang Pro Filt’r Instant Retouch Concealer na may limampung lilim.[40] Bukod pa rito, sampung bagong lilim ang dinagdag sa Pro Filt'r Foundation, na may lilim ng concealer at foundation na katumbas ng parehong numero.[41] Inilabas din ang Pro Filt'r Instant Retouch Setting Powder sa walong lilim, pati na rin ang isang serye ng mga kagamitan sa pagpapaganda, kabilang ang Powder Puff Setting Brush 170, Precision Concealer Brush 180, at Lil Precision Makeup Sponge Duo 105.[42]

Noong 29 Marso 2019 inilunsad ang Sun Stalk'r Instant Warmth Bronzer na mayroon ding walong lilim.[43] Sa kaparehong buwan ay naitaták ni Rihanna ang "Fenty Skin", para sa isang hanay ng mga produkto ng pangangalaga sa balat.[44] Noong 3 Agosto 2019, inilunsad ang Pro Filt’r Hydrating Longwear Foundation na may kaparehong limampung lilim sa Pro Filt'R foundation, kasabay ng Pro Filt’r Hydrating Primer para sa mga taong may tuyong balat.[45]

Noong 26 Disyembre 2019, inilunsad ng Fenty Beauty ang Snap Shadows, isang koleksyon ng walong maliliit at mix-and-match na mga paleta ng mga pangkulay sa mata na idinisenyo upang madaling bitbitin, at upang kumabit ang dalawang paleta sa isa't-isa.[46][47] Sa bawat isang paleta ng mga pangkulay sa mata ay mayroong anim na kulay na mula sa mala-milokotong uri ng kulay, mula sa mala-rosas na uri ng kulay, hanggang sa mga pastel na kulay at mga niyutral na uri ng kulay.[48][49]

2020-2021

[baguhin | baguhin ang wikitext]

Noong 17 Abril 2020, inilunsad ang Cheeks Out Collection na kinabibilangan ng mga cream blush at cream bronzer.[50] Noong 31 Hulyo 2020, inilunsad ni Rihanna ang Fenty Skin, isang tatak ng mga produkto sa pangangalaga sa balat para sa lahat ng kulay, uri, at mga aalahanin sa balat. Tatlong produkto ang unang inilunsad sa Fenty Skin: panlinis ng pampaganda, toning serum, at moisturizer-sunscreen.[51][52] Eksklusibong inilunsad ang Fenty Skin sa opisyal na websayt nito.[53][54] Sinimulan ang pagbenta ng mga produkto ng Fenty Skin sa Sephora, Boots, at Harvey Nichols noong 26 Disyembre 2020.[55]

2022-kasalukuyan

[baguhin | baguhin ang wikitext]

Noong 17 Pebrero 2022, inanunsyo ni Rihanna na magsisimulang magdala ng mga produkto ng Fenty Beauty ang mga tindahan ng Ulta Beauty simula 6 Marso 2022.[56] Noong 10 Mayo 2022, inanunsyo ni Rihanna na maaari nang bilhin ang mga produkto ng Fenty Beauty sa walong bansa sa Aprika: Gana, Kenya, Botswana, Timog Aprika, Namibya, Niherya, Sambia, at Simbabwe, sa 27 Mayo 2022.[57]

Noong Agosto 2022, inanunsyo si Madison Beer bilang ang pinakabagong kinatawan ng Fenty Beauty, at sumali kina Madison Bailey, Kane Lim, at Nikita Kering.[58]

Noong 1 Oktubre 2023, nagsimulang ibenta ang mga produkto ng Fenty Beauty sa mga tindahan ng Ulta Beauty sa loob ng mga tindahan ng Target.[59] Noong 1 Abril 2024, inihayag ni Rihanna na ilulunsad ang Fenty Beauty sa kalupaang Tsina.

Pamimili at pagpepresyo

[baguhin | baguhin ang wikitext]
Si Rihanna sa isang promotional video para sa Fenty Beauty noong 2018

Sa unang buwan ng tatak, nagtala ang Fenty Beauty ng $72.0 milyon sa kinitang media value, na nangunguna sa iba pang mga tatak na high-profile.[60] Nakatanggap rin ang tatak ng 132 milyon na mga view sa kanilang YouTube account.[61] Ang mga unang produkto na inilabas ng Fenty Beauty ay nakitaang may makatuwirang presyo (kumpara sa iba pang mga prestige brand) at nakakayanan ng malawak na hanay ng mga mamimili, kasunod ng diskarte ni Rihanna sa kaniyang mga inilabas na pabango.[62][63][64]

Noong Pebrero 2018, naglabas ng isang patalastas ang Fenty Beauty na tinatampok ang rapper na si Saweetie na nagpakita ng isang grupo ng mga kababaihan na naghahanda para dumalo sa Super Bowl.[65] Nakakuha ito ng kasiglahan para sa pagbalik nito ng ad campaign ng Budweiser noong 1990s na "Whassup" (kung saan ang isang grupo ng mga lalaki ay kinilala ang isa't isa lamang sa pamamagitan ng pag-uulit ng pariralang "What's up?" nang lasing) ngunit ang bersyon ng Fenty ay nakakuha din ng ilang kritisismo habang binabati ng mga babae ang isa't-isa sa estilong "Whassup" gamit ang salitang "bitch".[66]

Nagtanghal si Rihanna sa 2023 Super Bowl Halftime Show kung saan itinampok niya ang Fenty Beauty para ayusin ang kaniyang kolorete sa mukha.[67] Naiulat na kumita ang tatak ng $5.6 milyon sa loob ng labindalawang oras dulot ng pagtampok na ito.[68]

Pagkakaiba-iba

[baguhin | baguhin ang wikitext]

Tulad ng linya ng mga produkto, umani rin ang Fenty Beauty ng papuri sa buong mundo para sa pagpapakita ng pagkakaiba-iba sa mga kampanyang pagpapatalastas nito, kung saan itinatampok sa mga kampanya ang maraming mga modelong itim at iba pang mga modelong may kulay.[69] Kasama sa mga mukha ng unang kampanya ng Fenty Beauty ay sina Slick Woods, Halima Aden, Leomie Anderson, Indyamarie Jean, Paloma Elsesser, Selena Forrest, Camila Costa, at Duckie Thot.[70]

Tinanggap ng Fenty Beauty ang paggamit ng iba't-inang kasarian ng kolorete sa mukha, kung saan gumawa sila ng patalastas noong Marso 2018, na tinatawag na "My Fenty, My Mood", kung saan gumanap ang tanyag na tao sa Instagram na si Kway bilang kaniyang karakter na si Titi na isinusulong ang tatak.[71] Sa kaparehong buwan, lumitaw sa red carpet si Daniel Kaluuya, na noo'y nominado para sa Gawad Academy para sa Pinakamahusay na Aktor sa kaniyang pagganap sa pelikulang Get Out, gamit-gamit ang Pro Filt'R Foundation ng Fenty Beauty sa lilim na 480 at 490.[72] Inilarawan siya ng Time magazine na mukhang "nagniningning"; at sa edisyon ng The Huffington Post sa Reyno Unido, inihayag ni Patricia Ekall na dinala ng kaniyang mahamog na kinang ang "no-makeup-makeup look" sa mas mataas na antas.[73] Ilan sa mga labasan ng balit ang nagsabi na ang paggamit ng mga lalaki ng kolorete sa mukha ay "hindi pangkaraniwan", ngunit sinabi ng balita na "kawili-wiling nagulat" ang mga tagahanga.[73][74]

Umani ng ilang pagbatikos si Rihanna dahil sa hindi pagsali ng mga modelong transgender sa mga kampanya ng Fenty Beauty.[75] Bilang tugon, hinihimok niya ang pagnanais na maiwasan ang pagsali ng mga modelong transgender para pang-representasyon lamang at igalang ang kapribaduhan. Gumawa ng sponsored post ang Fenty Beauty sa Instagram kasama ang modelong transgender na si Rose Montoya. Kalaunan ay nakipagsosyo sila sa modelong transgender at influencer sa hatirang pangmadla na si Emira D'Spain.[76]

Mga benta

[baguhin | baguhin ang wikitext]

Sa loob ng isang buwan ng paglabas, nagkakahalaga ng $72 milyon ang mga benta ng Fenty Beauty, at malawakang naiulat ang pagkaubos ng mga produkto.[77][78] Sa Reyno Unido, ang linya ang naging pinakamalaking beauty launch sa Harvey Nichols, at noong Setyembre, isang foundation kada isang minuto at isang lipstick kada tatlong minuto ang nabebenta sa mga almasen.[79] Nakatulong din ang paglulunsad na mapataas ang benta ng kosmetiko at pabango ng LVMH para sa ikatlong sangkapat ng 2017 ng 17%.[80]

Ayon kay Bernard Arnault, tagapangulo at punong ehekutibo ng LVMH, umabot sa halos 500 million euros ($573 milyon) ang benta ng Fenty Beauty sa pagtatapos ng 2018.[81][82] Iniulat ng Forbes na pagkatapos ng labinlimang buwang operasyon, noong 2018, nakaipon ang Fenty Beauty ng US$570 milyon na kita.[83] Ang buong operasyon ay nagkakahalaga ng US$2.8 bilyon, kung saan 50% ay pag-aari ng punong ehekutibo nito na si Rihanna.[84]

Mga parangal

[baguhin | baguhin ang wikitext]

Pinangalanan ang Fenty Beauty sa listahan ng Time Magazine ng 25 pinakamahusay na imbensyon ng 2017.[85][86][87] Binanggit ng Time ang 40 hanay ng mga lilim ng mga foundation ng Fenty Beauty na mabilis na naubos.[88][89] Nanalo rin ang Fenty Beauty ng gantimpalang WWD Beauty Inc. award noong 2017 para sa paglulunsad ng taon sa sektor ng prestihiyo. Noong 2018, nanalo rin ang Fenty Beauty ng parangal na WWD Beauty Digital Innovator of the Year.[90]

Mga sanggunian

[baguhin | baguhin ang wikitext]
  1. ↑ Sharkey, Linda (8 Agosto 2014). "Rihanna trademarks her name for use on a clothing empire". The Independent (sa wikang Ingles). Inarkibo mula sa orihinal noong 19 Pebrero 2018. Nakuha noong 5 Enero 2023.
  2. ↑ Conti, Samantha; Naughton, Julie (20 Pebrero 2013). "MAC Joins Forces With Rihanna". Women's Wear Daily (sa wikang Ingles). Inarkibo mula sa orihinal noong 28 Marso 2018. Nakuha noong 5 Enero 2023.
  3. ↑ Univer, Eden (26 Setyembre 2013). "Rihanna's New MAC Line Hit Stores Today, and It's Already Flying off the Shelves". Teen Vogue (sa wikang Ingles). Inarkibo mula sa orihinal noong 28 Marso 2018. Nakuha noong 5 Enero 2023.
  4. ↑ 4.0 4.1 4.2 4.3 Born, Pete (14 Abril 2016). "LVMH Signs Rihanna to Create a Makeup Brand". Women's Wear Daily (sa wikang Ingles). Inarkibo mula sa orihinal noong 28 Marso 2018. Nakuha noong 5 Enero 2023.
  5. ↑ "Rihanna Rogue perfume ad restricted due to 'sexually suggestive' image". The Guardian. June 4, 2014. Inarkibo mula sa orihinal noong March 27, 2018. Nakuha noong March 26, 2018.
  6. ↑ Bayley, Leanne (November 13, 2014). "Rihanna unveils her first ever men's scent: Rogue Man". Glamour UK. Inarkibo mula sa orihinal noong April 5, 2019. Nakuha noong March 26, 2018.
  7. ↑ Friedman, Vanessa (6 Setyembre 2017). "Is It New York Fashion Week? Or Is It Rihanna Inc.?". The New York Times (sa wikang Ingles). ISSN 0362-4331. Inarkibo mula sa orihinal noong 28 Marso 2018. Nakuha noong 5 Enero 2023.
  8. ↑ "Home". Kendo (sa wikang Ingles). Inarkibo mula sa orihinal noong 15 Marso 2018. Nakuha noong 5 Enero 2023.
  9. ↑ "Fenty Beauty by Rihanna – About". Fenty Beauty (sa wikang Ingles). Inarkibo mula sa orihinal noong 16 Abril 2018. Nakuha noong 7 Mayo 2024.
  10. ↑ Bach, Natasha (8 Setyembre 2017). "Rihanna's New Fenty Beauty Line at Sephora Expands Her Business Empire". Fortune (sa wikang Ingles). Inarkibo mula sa orihinal noong 27 Marso 2018. Nakuha noong 7 Mayo 2024.
  11. ↑ Scott, Ellen (21 Disyembre 2017). "Where to buy Rihanna's Fenty Beauty in time for Christmas". Metro. UK. Inarkibo mula sa orihinal noong 26 Marso 2018. Nakuha noong 26 Marso 2018.
  12. ↑ "Rihanna confirms Fenty Beauty products are heading to a Boots stores near you". Daily Mirror (sa wikang Ingles). 3 Mayo 2019. Inarkibo mula sa orihinal noong 4 May 2019. Nakuha noong 9 Pebrero 2025.
  13. ↑ "Rihanna Launches Fenty Beauty, a Global Makeup Brand, in 17 Countries". PR Newswire (Pahayag para sa midya) (sa wikang Ingles). Inarkibo mula sa orihinal noong 15 May 2022. Nakuha noong 9 Pebrero 2025.
  14. ↑ Loeb, Walter. "Sephora: Department Stores Cannot Stop Its Global Growth". Forbes. Inarkibo mula sa orihinal noong 17 Abril 2018. Nakuha noong 9 Pebrero 2025.
  15. ↑ Blaec, Jagger (19 Setyembre 2017). "Fenty Beauty Is Winning Because Rihanna Delivered What Black Women Have Been Asking For". BET. Inarkibo mula sa orihinal noong 31 Marso 2018. Nakuha noong 9 Pebrero 2025.
  16. ↑ Turner, Krissy (15 Setyembre 2017). "I've been wearing Fenty Beauty by Rihanna for three months, and here's what I think". The Telegraph. ISSN 0307-1235. Inarkibo mula sa orihinal noong 27 Marso 2018. Nakuha noong 9 Pebrero 2025.
  17. ↑ Moreau, Camille (6 Setyembre 2017). "Pourquoi la ligne de maquillage Fenty Beauty de Rihanna fait-elle l'unanimité?" ["Why there's unanimity for Rihanna's makeup line Fenty Beauty"]. L'Express (sa wikang Pranses). Inarkibo mula sa orihinal noong 27 Marso 2018. Nakuha noong 9 Pebrero 2025.
  18. ↑ Thévenot, Juliette (21 Setyembre 2017). "Fenty Beauty : voici pourquoi la marque de Rihanna cartonne" ["Fenty Beauty: here's why Rihanna's line is a hit"]. Le Nouvel Observateur (sa wikang Pranses). Inarkibo mula sa orihinal noong 27 Marso 2018. Nakuha noong 9 Pebrero 2025.
  19. ↑ Barretto, Jennifer (6 Setyembre 2017). "The Beauty Beat: Fenty Beauty is almost here". Gulf News. Inarkibo mula sa orihinal noong 18 Abril 2018. Nakuha noong 9 Pebrero 2025.
  20. ↑ Cruel, Jessica (21 Marso 2018). "'Nude' Is No Longer One Shade Fits All". Glamour. Inarkibo mula sa orihinal noong 25 Marso 2018. Nakuha noong 9 Pebrero 2025.
  21. ↑ "Fenty Beauty by Rihanna llega a España" [Fenty Beauty by Rihanna arrives in Spain]. Elle (Es) (sa wikang Kastila). 8 Setyembre 2017. Inarkibo mula sa orihinal noong 27 Marso 2018. Nakuha noong 9 Pebrero 2025.
  22. ↑ Karsen, Shira (8 Setyembre 2017). "The Complete Guide to Rihanna's Fenty Beauty". Billboard (sa wikang Ingles). Nakuha noong 9 Pebrero 2025.
  23. ↑ Saltzman, Steph (15 Oktubre 2018). "See Every Product From Rihanna's Debut Fenty Beauty Collection". Fashionista (sa wikang Ingles). Nakuha noong 9 Pebrero 2025.
  24. ↑ Brucculieri, Julia (13 Marso 2018). "13 Women-Run Beauty Brands You Need To Know About". HuffPost. Inarkibo mula sa orihinal noong 25 Marso 2018. Nakuha noong 9 Pebrero 2025.
  25. ↑ Tarlayan, Gina (2 Marso 2018). "Pourquoi on est toutes fans du Stunna Lip Paint de Fenty Beauty ?" ["Why everyone's a fan of Fenty Beauty's Stunna Lip Paint"]. Cosmopolitan.fr (sa wikang Pranses). Inarkibo mula sa orihinal noong 27 Marso 2018. Nakuha noong 9 Pebrero 2025.
  26. ↑ Fasanella, Kaleigh (9 Nobyembre 2017). "Fenty Beauty Just Revealed Its New Stunna Lip Paint and We're SHOOK". Allure. Inarkibo mula sa orihinal noong 27 Marso 2018. Nakuha noong 9 Pebrero 2025.
  27. ↑ Miranda, Leticia (December 22, 2017). "Here's Why Rihanna Is The Perfect Person To Sell You Red Lipstick". BuzzFeed. Inarkibo mula sa orihinal noong February 21, 2018. Nakuha noong March 28, 2018.
  28. ↑ "We Tried Fenty Beauty's New Black Lipstick and It's Perfect for Halloween". Allure. 21 Setyembre 2018. Inarkibo mula sa orihinal noong 14 Disyembre 2018. Nakuha noong 9 Pebrero 2025.
  29. ↑ News Desk (27 Pebrero 2018). "Fenty Beauty launches limited edition product for Rihanna's birthday". The Jakarta Post. Inarkibo mula sa orihinal noong 27 Marso 2018. Nakuha noong 14 Pebrero 2025.
  30. ↑ Fields, Jackie (23 Marso 2018). "How It's Done: Rihanna's Glimmering Gold Highlighter". People (sa wikang Ingles). Inarkibo mula sa orihinal noong 28 Marso 2018. Nakuha noong 14 Pebrero 2025.
  31. ↑ Weiner, Zoë (21 Pebrero 2018). "Fenty Beauty Wished Rihanna a Happy Birthday With a New Product For You". Teen Vogue (sa wikang Ingles). Inarkibo mula sa orihinal noong 27 Marso 2018. Nakuha noong 14 Pebrero 2025.
  32. ↑ Jones, Sarah (20 Mayo 2018). "Every product in Rihanna's Fenty Beauty Beach Please collection". The Independent (sa wikang Ingles). Nakuha noong 14 Pebrero 2025.
  33. ↑ Shunatona, Brooke (27 Marso 2018). "Rihanna Rubbing Her New Body Lava on Her Shoulder Is the Hottest Thing You'll See All Day". Cosmopolitan (sa wikang Ingles). Inarkibo mula sa orihinal noong 29 Marso 2018. Nakuha noong 14 Pebrero 2025.
  34. ↑ Rosenstein, Jenna (14 Mayo 2018). "See Every Single Product In Rihanna's Fenty Beauty Beach Please Collection". Harper's Bazaar (sa wikang Ingles). Nakuha noong 14 Pebrero 2025.
  35. ↑ Augustin, Camille (7 Abril 2018). "Rihanna's Fenty Beauty To Make Monetary Waves in Saudi Arabia". Vibe (sa wikang Ingles). Inarkibo mula sa orihinal noong 18 Abril 2018. Nakuha noong 14 Pebrero 2025.
  36. ↑ Rosenstein, Jenna (11 Hulyo 2018). "We Put Rihanna's Fenty Beauty Moroccan Spice Collection To The Test". Harper's Bazaar (sa wikang Ingles). Nakuha noong 15 Pebrero 2025.
  37. ↑ "Fenty Beauty's Chill Owt Holiday Collection Is Finally Available". Allure (sa wikang Ingles). 5 Oktubre 2018. Inarkibo mula sa orihinal noong 15 Disyembre 2018. Nakuha noong 15 Pebrero 2025.
  38. ↑ Penrose, Nerisha (3 Oktubre 2018). "Here's the First Look at Fenty Beauty's #CHILLOWT Holiday Collection". Elle. Inarkibo mula sa orihinal noong 3 Enero 2019. Nakuha noong 15 Pebrero 2025.
  39. ↑ James, Danielle (17 Oktubre 2018). "Rihanna Shows Us How To Use Her New Holiday Collection". MadameNoire (sa wikang Ingles). Inarkibo mula sa orihinal noong 4 Enero 2019. Nakuha noong 15 Pebrero 2025.
  40. ↑ Metzger, Chloe (2 Enero 2019). "OMG: Fenty Beauty Is Launching a New Concealer With 50 Freaking Shades". Cosmopolitan (sa wikang Ingles). Inarkibo mula sa orihinal noong 9 Enero 2019. Nakuha noong 15 Pebrero 2025.
  41. ↑ "Fenty Is Expanding The Pro Filt'r Foundation Range – Here Are All 10 New Shades". Revelist.com (sa wikang Ingles). Inarkibo mula sa orihinal noong 10 Enero 2019. Nakuha noong 15 Pebrero 2025.
  42. ↑ Gerard, Bella (2 Enero 2019). "($200.00 per ounce)". Elite Daily (sa wikang Ingles). Inarkibo mula sa orihinal noong 9 Enero 2019. Nakuha noong 15 Pebrero 2025.
  43. ↑ "Rihanna Spent Two Years Developing Fenty Beauty's First Bronzer to Make it Inclusive Enough". Elle (sa wikang Ingles). 29 Marso 2019. Inarkibo mula sa orihinal noong 30 Marso 2019. Nakuha noong 15 Pebrero 2025.
  44. ↑ Ilchi, Layla (15 Hulyo 2020). "How Rihanna Built Her Fashion and Beauty Empire". WWD (sa wikang Ingles). Nakuha noong 15 Pebrero 2025.
  45. ↑ "Fenty Beauty is launching a hydrating foundation in 50 shades". Harper's Bazaar (sa wikang Ingles). 5 Agosto 2019. Nakuha noong 15 Pebrero 2025.
  46. ↑ Morris, Seren (18 Disyembre 2019). "Fenty Beauty Snap Shadows: How to Buy the Eight New Eye Shadow Palettes". Newsweek (sa wikang Ingles). Nakuha noong 15 Pebrero 2025.
  47. ↑ "PSA: Fenty Beauty is launching 8 mini eyeshadow palettes". Cosmopolitan (sa wikang Ingles). 19 Disyembre 2019. Nakuha noong 15 Pebrero 2025.
  48. ↑ "Fenty Beauty's Snap Shadows Are A Collection Of 8 Mix & Match Palettes Everyone Needs In Their Kits". Bustle (sa wikang Ingles). 18 Disyembre 2019. Nakuha noong 15 Pebrero 2025.
  49. ↑ Tsang, Jacqueline (18 Disyembre 2019). "Fenty Beauty's new, Snap Shadows eyeshadow palettes are coming to Hong Kong and we're already swooning". South China Morning Post (sa wikang Ingles). Nakuha noong 15 Pebrero 2025.
  50. ↑ Ware, Asia Milia (20 Abril 2020). "Fenty Beauty's Cream Products Are Finally Here". Teen Vogue (sa wikang Ingles). Nakuha noong 23 Marso 2025.
  51. ↑ Valenti, Lauren (30 Hulyo 2020). "Fenty Skin Is Finally Here—Here's Everything You Need to Know, According to Rihanna Herself". Vogue (sa wikang Ingles). Nakuha noong 23 Marso 2025.
  52. ↑ Rosenstein, Jenna (28 Hulyo 2020). "Rihanna's Fenty Skin Is Finally Here". Harper's Bazaar (sa wikang Ingles). Nakuha noong 23 Marso 2025.
  53. ↑ Kendo (31 Hulyo 2020). "Rihanna Launches Fenty Skin". PR Newswire (sa wikang Ingles). Nakuha noong 23 Marso 2025.
  54. ↑ Ware, Asia Milia (31 Marso 2020). "Fenty Skin Has an Official Launch Date". Teen Vogue (sa wikang Ingles). Nakuha noong 23 Marso 2025.
  55. ↑ Kendo (28 Disyembre 2020). "Fenty Skin Global Retail Launch". PR Newswire (sa wikang Ingles). Nakuha noong 23 Marso 2020.
  56. ↑ Aniftos, Rania (17 Pebrero 2022). "Rihanna Is 'Bout to Be in My Ulta Bag' As Fenty Beauty Hits the Shelves at Beauty Retailer". Billboard (sa wikang Ingles). Inarkibo mula sa orihinal noong 17 Pebrero 2022. Nakuha noong 23 Marso 2025.
  57. ↑ "Fenty Beauty And Fenty Skin Are Dropping In Africa". Yahoo News (sa wikang Ingles). 10 Mayo 2022. Inarkibo mula sa orihinal noong 10 Mayo 2022. Nakuha noong 23 Marso 2025.
  58. ↑ C, Widjojo (29 Agosto 2022). "Madison Beer Tapped as Fenty Beauty Ambassador". WWD (sa wikang Ingles). Inarkibo mula sa orihinal noong 3 Nobyembre 2023. Nakuha noong 23 Marso 2025.
  59. ↑ Pile, Tatiana (28 Setyembre 2023). "Fenty Beauty is coming to Ulta Beauty at Target". Glossy (sa wikang Ingles). Nakuha noong 23 Marso 2025.
  60. ↑ Ilchi, Layla (24 Oktubre 2017). "Fenty Beauty Earns Third Spot in Earned Media Value". Women's Wear Daily (sa wikang Ingles). Inarkibo mula sa orihinal noong 27 Marso 2018. Nakuha noong 18 Abril 2025.
  61. ↑ Thompson, Sonia (22 Nobyembre 2017). "Rihanna's Fenty Beauty Earned $72 Million and 132 Million YouTube Views in Just the First Month, Proving Inclusion Is Good for Business". Inc.com (sa wikang Ingles). Inarkibo mula sa orihinal noong 17 Pebrero 2018. Nakuha noong 18 Abril 2025.
  62. ↑ Goldstein, Jessica M. (September 14, 2017). "Rihanna is marketing her makeup to everyone – and it's paying off". ThinkProgress. Inarkibo mula sa orihinal noong March 30, 2018. Nakuha noong March 30, 2018.
  63. ↑ Morris, Khalah (December 26, 2017). "How Fenty Beauty Is Leading the Inclusion Conversation for Black Women". OkayAfrica. Inarkibo mula sa orihinal noong March 30, 2018. Nakuha noong March 30, 2018.
  64. ↑ Brown, Nikki (September 8, 2017). "7 Key Products You Need From Rihanna's Fenty Beauty Line". Essence. Inarkibo mula sa orihinal noong March 30, 2018. Nakuha noong March 30, 2018.
  65. ↑ Moscrop, Jade (6 Pebrero 2018). "All 90s kids will relate to the hilarious Fenty Beauty Super Bowl advert taking the internet by storm". Glamour UK (sa wikang Ingles). Inarkibo mula sa orihinal noong 7 Abril 2018. Nakuha noong 18 Abril 2025.
  66. ↑ Kalu, Comfort Nnana (3 Pebrero 2018). "Rihanna Releases New Fenty Beauty Super Bowl Ad With Some Controversy". The Source (sa wikang Ingles). Inarkibo mula sa orihinal noong 28 Marso 2018. Nakuha noong 18 Abril 2025.
  67. ↑ "Les secrets de... Fenty Beauty by Rihanna, la marque qui cartonne plus que jamais depuis le Super Bowl". Yahoo Style (sa wikang Ingles). 14 Pebrero 2023. Inarkibo mula sa orihinal noong 19 Mayo 2023. Nakuha noong 18 Abril 2025.
  68. ↑ Santoreneos, Anastasia (14 Pebrero 2023). "Rihanna's US$6 million payday from 3 second act". Forbes Australia (sa wikang Ingles). Inarkibo mula sa orihinal noong 11 Abril 2023. Nakuha noong 18 Abril 2025.
  69. ↑ Morris, Khalah (26 Disyembre 2017). "How Fenty Beauty Is Leading the Inclusion Conversation for Black Women". OkayAfrica. Inarkibo mula sa orihinal noong 30 Marso 2018. Nakuha noong 20 Abril 2025.
  70. ↑ Simmons, Shea (1 Setyembre 2017). "Who Are The Models in the Fenty Beauty Video? The Internet Is Obsessed with the Campaign's Diverse Stars". Bustle (sa wikang Ingles). Inarkibo mula sa orihinal noong 4 Agosto 2018. Nakuha noong 20 Abril 2025.
  71. ↑ Muller, Marissa G. (15 Marso 2018). "Fenty Beauty's Latest Ad Celebrates Men Wearing Lipstick". W Magazine (sa wikang Ingles). Inarkibo mula sa orihinal noong 25 Marso 2018. Nakuha noong 20 Abril 2025.
  72. ↑ Minton, Melissa (6 Marso 2018). "Daniel Kaluuya Wore Fenty Foundation on the Oscars Red Carpet". Teen Vogue (sa wikang Ingles). Inarkibo mula sa orihinal noong 28 Marso 2018. Nakuha noong 20 Abril 2025.
  73. ↑ 73.0 73.1 Ekall, Patricia (7 Marso 2018). "'Black Panther' Star Daniel Kaluuya Wore Fenty Beauty Foundation to the Oscars". HuffPost (sa wikang Ingles). Inarkibo mula sa orihinal noong 28 Marso 2018. Nakuha noong 20 Abril 2025.
  74. ↑ Gonzales, Erica (7 Marso 2018). "Black Panther's Daniel Kaluuya Wore Fenty Beauty to the Oscars and We're Shook". Harper's Bazaar (sa wikang Ingles). Inarkibo mula sa orihinal noong 28 Marso 2018. Nakuha noong 20 Abril 2025.
  75. ↑ Muller, Marissa G. (15 Marso 2018). "Fenty Beauty's Latest Ad Celebrates Men Wearing Lipstick". W Magazine (sa wikang Ingles). Inarkibo mula sa orihinal noong 25 Marso 2018. Nakuha noong 6 Mayo 2025.
  76. ↑ "Emira D'Spain Is The First Black Transgender Victoria's Secret Model". Essence. 4 Pebrero 2022. Inarkibo mula sa orihinal noong 11 Hunyo 2023. Nakuha noong 6 Mayo 2025.
  77. ↑ Brinkhurst-Cuff, Charlie (December 25, 2017). "Why 2017 was the year of the beauty mogul". The Guardian. Inarkibo mula sa orihinal noong March 26, 2018. Nakuha noong March 27, 2018.
  78. ↑ Mackenzie, Macaela (September 12, 2017). "Fenty Beauty's Foundation Just Called Out Some Major Beauty Bullshit". Allure. Inarkibo mula sa orihinal noong March 28, 2018. Nakuha noong March 27, 2018.
  79. ↑ Brinkhurst-Cuff, Charlie (25 Disyembre 2017). "Why 2017 was the year of the beauty mogul". The Guardian (sa wikang Ingles). Inarkibo mula sa orihinal noong 26 Marso 2018. Nakuha noong 6 Mayo 2025.
  80. ↑ "Sephora Is Bringing Shade to the Make-Up Industry". Fast Company. 6 Marso 2018. Inarkibo mula sa orihinal noong 28 Marso 2018. Nakuha noong 6 Mayo 2025.
  81. ↑ "LVMH Reports Fenty Beauty Revenues Hit 500 Million Euros in 2018". Snobette (sa wikang Ingles). 1 Pebrero 2019. Inarkibo mula sa orihinal noong 2 Pebrero 2019. Nakuha noong 6 Mayo 2025.
  82. ↑ "#LVMH remarks on incredible success of #FentyBeauty in 2018 that achieved 500 million euros in sales". Snobette (sa wikang Ingles). 1 Pebrero 2019. Inarkibo mula sa orihinal noong 28 Abril 2019. Nakuha noong 6 Mayo 2025.
  83. ↑ Robehmed, Natalie (4 Hunyo 2019). "How Rihanna Created A$600 Million Fortune—And Became The World's Richest Female Musician". Forbes (sa wikang Ingles). Inarkibo mula sa orihinal noong 4 Hunyo 2019. Nakuha noong 6 Mayo 2025.
  84. ↑ Berg, Madeline. "Fenty's Fortune: Rihanna Is Now Officially A Billionaire". Forbes (sa wikang Ingles). Inarkibo mula sa orihinal noong 4 Agosto 2021. Nakuha noong 6 Mayo 2025.
  85. ↑ Mandell, Janna (20 Nobyembre 2017). "Rihanna's Fenty Beauty Named One of Time Magazine's Best Inventions of 2017". Forbes (sa wikang Ingles). Inarkibo mula sa orihinal noong 27 Marso 2018. Nakuha noong 6 Mayo 2025.
  86. ↑ Hellyer, Isabelle (20 Nobyembre 2017). "fenty beauty named one of TIME's best inventions of 2017". i-D (sa wikang Ingles). Vice. Inarkibo mula sa orihinal noong 28 Marso 2018. Nakuha noong 6 Mayo 2025.
  87. ↑ Demopoulos, Alaina (7 Disyembre 2017). "Fenty Beauty Was Just Named 1 of Time's Best Inventions of 2017". POPSUGAR Beauty (sa wikang Ingles). Inarkibo mula sa orihinal noong 27 Marso 2018. Nakuha noong 6 Mayo 2025.
  88. ↑ Dirshe, Siraad (17 Nobyembre 2017). "Fenty Beauty Was Named One of TIME's 25 Best Inventions of 2017". Essence (sa wikang Ingles). Inarkibo mula sa orihinal noong 27 Marso 2018. Nakuha noong 6 Mayo 2025.
  89. ↑ Darville, Jordan (16 Nobyembre 2017). "Rihanna's Fenty Beauty is one of Time's best inventions of 2017". The Fader (sa wikang Ingles). Inarkibo mula sa orihinal noong 27 Marso 2018. Nakuha noong 6 Mayo 2025.
  90. ↑ Tietjen, Alexa (13 Disyembre 2018). "WWD Beauty Inc Awards: Fenty Beauty Wins Digital Innovator of the Year". WWD (sa wikang Ingles). Nakuha noong 6 Mayo 2025.

Panlabas na kawing

[baguhin | baguhin ang wikitext]
Nagmula sa "https://tl.wikipedia.org/w/index.php?title=Fenty_Beauty&oldid=2160786"