Forecasting

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang forecasting ay ang pagtataya ng kalagayan ng isang bagay sa hinaharap. Ito ay malawakang ginagamit mula sa simpleng pang araw-araw na gawain katulad ng pag estima sa trapiko, hanggang sa mas komplikadong aplikasyon sa mga operasyon ng mga kompanya. Hindi man kapansin-pansin ang ordinaryong paggamit ng forecasting, hindi maikukubli ang malaking parte nito sa paggawa ng simple o mabigat na desisyon na nakakaapekto sa ating pagkilos.

Teknik sa Forecasting[baguhin | baguhin ang batayan]

Ang forecasting ay gumagamit ng kaalaman mula sa nakaraan upang maintindihan ang hinaharap. Sa iba’t ibang clase ng pinagkukunan ng basehan ng isang forecast, ay mayroong karampatang teknik ng forecasting. Kaugnay dito, ang pagkakaiba-iba rin ng mga pattern na ipinapakita ng lumang datos, ay nakakaapekto rin sa pagbibigay ng depinisyon sa bawat teknik ng forecasting.

1. Judgmental Forecast – Ang teknik na ito ay ang pinakaginagamit na teknik sa ordinaryong pamumuhay. Ito ay hindi gumagamit ng numero bilang datos. Ang pinakabasehan ng teknik na ito ay ang “common sense” o “stocked knowledge”, kaya naman madali at mabilis itong gamitin.

2. Time Series Forecast – Ito ay gumagamit ng nakaraang datos na numero bilang basehan sa hinaharap. Ipinapalagay ng teknik na ito na ang mangyayari sa hinaharap ay katulad ng nangyari sa nakaraan. Ginagamit ang teknik na ito sa pamamagitan ng pag kuha ng mga lumang datos at pag kuha ng pattern na sinusunod nito. Ang nakuhang pattern ay gagamitin sa pag-forecast, sa ilalim ng palagay na ang kalagayan sa hinaharap ay susunod din sa nakuhang pattern.

3. Associative Forecast – Ito ay gumagamit ng pag-aaral ng mga bagay na maaaring makaapekto sa ineestimang kalagayan. Ang basehan ng teknik na ito ay ang mga bagay na napatunayang mayroong epekto sa ineestimang kalagayan. Ang pag-forecast ay ginagawa sa pamamagitan ng pagtukoy sa relasyon ng mga nakakaapektong bagay sa ineestimang kalagayan at pagbuo ng equation ukol dito.