Funimation

Mula sa Wikipediang Tagalog, ang malayang ensiklopedya
(Idinirekta mula sa Funimation Entertainment)
Tumalon sa: nabigasyon, hanapin
Funimation
Uri Pribado
Sabsidyari ng Group 1200 Media[1]
Genre Anime
Hapones/Asyanong Sinehan
Banyagang libangan
etc.
Itinatag Mayo 9, 1994 bilang Funimation Productions[2]
(Mga) nagtatag Gen Fukunaga
Cindy Fukunaga
Punong tanggapan Flower Mound, Texas, Estados Unidos
Lugar ng paglilingkod Hilagang Amerika
Mga mahahalagang tao Gen Fukunaga Pangulo/CEO
Mike DuBoise EVP/CCO
Industriya Multimedyang libangan
May-hawak Independente (1994-2005, 2011-2013)
Navarre Corporation (2005-2011)
Group 1200 Media (2013-kasalukuyan)
Mga sangay Giant Ape Media
GameSamba
Websayt funimation.com

Ang Funimation (sinusulat bilang FUNimation) ay isang estasyon ng telebisyon at kompanyang Amerikano na namamahagi ng mga anime at pelikulang Silangang Asyano na nakabase sa Flower Mound, Texas. Ang istudyo ay naging pinakamalaking tagapamahagi ng anime at ibang mga banyagang palabas sa Hilagang Amerika hanggang sa nakahabol ang ibang mga kompanya, tulad ng Sentai Filmworks. Ang kanilang pinakasikat na seryeng palabas ay ang Dragon Ball Z na ginawa ng Toei Animation, kung saan nagkaroon ng matagumpay na pagpapalabas sa block ng Cartoon Network na Toonami mula 1998 hanggang 2003, at muling ipinalabas sa DVD at Blu-ray nang ilang beses. Nagsimula ang Funimation noong Mayo 9, 1994 na itinatag ni Gen Fukunaga at ang kanyang asawa na si Cindy bilang Funimation Productions, kung saan pino-pondohan ito ni Daniel Cocanougher at ng kanyang pamilya, na naging mamumuhunan ng kompanya. Ibinenta ang Funimation sa Navarre Corporation noong Mayo 11, 2005 at pinalitan ang pangalan ng kompanya bilang Funimation Entertainment. Noong Abril 2011, ibinenta ng Navarre ang Funimation sa isang grupo ng mga mamumuhunan kabilang na si Fukunaga sa halagang $24 milyon.[3] Sa parehong taon, ang tatak ng kompanya na bola, bituin at bughaw na baras ay tinanggal mula sa logo at pinalitan ang pangalan bilang Funimation.[4] Noong Mayo 2013, isinama ng Funimation ang lahat ng kanilang dibisyon sa ilalim ng bagong kompanya na Group 1200 Media. Ang Funimation ay ang pinagsamang salitang Ingles na "fun" at "animation".

Kasaysayan[baguhin | baguhin ang batayan]

Itinatag ang kompanya noong Mayo 9, 1994 ng isang negosyanteng Hapones na si Gen Fukunaga.[5] Ang tito ni Fukunaga ay isa sa mga tagagawa ng sikat na seryeng anime na Dragon Ball; nilapitan niya si Gen tungkol sa pagdala ng serye sa Amerika. Pinalagay niya na kung gagawa ng isang kompanyang produksyon si Fukunaga at kumita ng sapat na pera, lilisensyahan ng Toei Animation ang kanilang karapatan para palabasin ang palabas. Nakipagkita si Fukunaga kay Daniel Cocanougher kung saan ang kanyang pamilya ay nagmamay-ari ng isang mill sa Decatur, Texas at kinumbinsi ang pamilya ni Cocanougher na ibenta ang kanilang negosyo at magsilbing mamumuhunan para sa kanyang kompanya. Ang kompanya ay orihinal na tinatag sa Silicon Valley, California bilang Funimation Productions noong 1994, pero sa bandang huli lumipat din sa Flower Mound, Texas, malapit sa Fort Worth.[6] Nakipagtulungan din sila sa ibang mga kompanya tungkol sa Dragon Ball, katulad ng BLT Productions, Saban Entertainment at Pioneer. Noong 1998, pagkatapos mabigo ng dalawang beses na dalhin ang Dragon Ball na prankisa sa mga manunood ng Estados Unidos, nakahanap naman ito ng tagumpay sa block ng Cartoon Network na Toonami, at mabilis na nakilala ang Dragon Ball sa loob ng Estados Unidos katulad din ng ibang lugar. Dito nagsimulang maglisensya ng ibang anime ang Funimation sa U.S.

Pagbili ng Navarre Corporation[baguhin | baguhin ang batayan]

Noong Mayo 11, 2005, binili ang Funimation ng Navarre Corporation, na ngayo'y wala na, sa halagang US$100.4 milyon at 1.8 milyong shares ng ari-arian ng Navarre. Bilang parte ng pagbili, ang presidenteng si Fukunaga ay ibinaba mula sa posisyong ulo ng kompanya, patungo sa posisyong CEO, at pinalitan ang pangalan ng kompanya mula Funimation Productions patungong Funimation Entertainment.[7][8]

Noong 2007, lumipat ang Funimation mula North Richland Hills, Texas patungong Flower Mound; dinoble ng pasilidad ang espasyong maaaring magamit ng kompanya, na noo'y nakikihati lamang sa ibang mga nangungupahan.[9] Lumipat ang Funimation sa Lakeside Business District na merong sampung taong pangungupahan.[10]

Pagbili ng Geneon at mga lisensyang ADV[baguhin | baguhin ang batayan]

Ayon sa isang panayam noong Pebrero 2008 sa CEO ng Navarre Corporation na si Cary Deacon, ang Funimation ay nasa maagang estado ng pakikipagsundo para makakuha ng mga titulo na lisensyado ng Amerikanong debisyon ng Geneon, na itinigil ang lahat ng kanilang operasyon noong Disyembre 2007.[11] Noong Hulyo 2008, kinumpirma ng Funimation na nakakuha sila ng karapatan na ipamahagi ang ilang mga titulo na ginawa ng Geneon, kabilang na ang mga hindi nila natapos pagkatapos nilang itigil ang kanilang operasyon.[12]

Sa Anime Expo noong 2008, inanunsyo ng Funimation na nakakuha sila ng 30 titulo mula sa katalogong Sojitz na dating nakalisensya sa ADV Films.[13]

Noong 2009, ang Funimation ay nakakuha ng karapatan mula sa Toei Animation na ipalabas ang ilan nitong mga seryeng anime online sa pamamagitan ng Funimation website, at Hulu.[14]

Pagbenta ng Navarre, pagsasama ng Nico Nico at ang pagkaka-ayos sa pamamahagi[baguhin | baguhin ang batayan]

Sa unang kwartel ng 2010, ini-uri ng Navarre Corporation ang Funimation bilang isang "operasyong diskuwento" at sinimulang ihanda ang kompanya para ibenta. Nagpalabas ng isang pahayag ang Navarre noong Abril 2011 na kinukumpirma na ibinenta na nila ang Funimation sa isang grupo ng mga mamumuhunan, kasama ang orihinal na may-ari na si Gen Fukunaga, sa halagang $24 milyon.[3] Ipinagkwentuhan nga na binenta ang Funimation sa mababang halaga (kung saan orihinal itong binili sa halagang $100 milyon ng pera at $15 milyon ng ari-arian noong 2005) kase gusto ng Navarre na mamahagi ng mga gamit na may relasyon sa kanilang produkto, kaso ayaw nila sila'ng gumagawa. Ipinagpatuloy ng Navarre ang pamamahagi ng mga titulo ng Funimation hanggang 2013, kung saan nagsarado ang kompanya.

Noong Oktubre 14, 2011, inanunsyo ng Funimation ang isang permanenteng pagsasama sa Niconico, ang wikang Ingles na bersyon ng Nico Nico Douga, upang mabuo ang tatak na 'Funico' para sa paglisensya sa anime na pang-stream at home video release. Simula sa puntong ito, lahat ng titulong ipinapalabas ng Niconico ay nakuha na ng Funimation.[15]

Noong Hunyo 22, 2015, Ang Funimation at ang Universal Pictures Home Entertainment ay nag-anunsyo ng higit sa isang taong pagsasa-ayos na mamahagi ng home video. Pinapayagan ng pagsasa-ayos ang UPHE na mamahala sa pamamahagi at pagbebenta ng mga titulo ng Funimation.[16] Sisimulan ng Universal na mamahagi ng mga titulo ng Funimation sa Oktubre.[17]

Mga legal na aksyon[baguhin | baguhin ang batayan]

Paghinto sa pamimirata[baguhin | baguhin ang batayan]

Noong 2005, ang kagawarang legal ng Funimation ay naging agresibo na maprotektahan ang mga lisensyadong ari-arian ng kompanya, at nagsimulang magpadala ng mga "cease and desist" (C&D) letters sa mga sites na nagbibigay ng mga links sa mga fansubs ng kanilang mga titulo. Ang ganitong kilos ay pareho sa ginawa ng ngayo'y wala na, na ADV Films noon sa ilang mga sikat na torrent sites.

Ang kagawarang legal ng Funimation ay nagpadala ng mga C&D letters para sa mga seryeng hindi pa inanunsyong lisensyado, tulad ng Tsubasa: Reservoir Chronicle, Black Cat, at SoltyRei, kabilang na ang ilan sa mga sikat na seryeng sinabi sa sulat.[18] Nagpakita pa ang Funimation ng maraming lisenya noong Oktubre 6, 2006 pagkatapos nitong magpadala ng mga sulat sa mga torrent sites na nagdedemanda na ang pamamahagi ng mga seryeng xxxHolic, Mushishi, Ragnarok the Animation, at iba pang serye ay iligal.[19]

Mga sanggunian[baguhin | baguhin ang batayan]

  1. http://www.animenewsnetwork.com/news/2013-05-10/funimation-consolidates-divisions-under-group-1200-media-name
  2. "20 Years of the Best in Anime". http://www.funimation.com/20th/. 
  3. 3.0 3.1 "Navarre Corporation Announces Sale Of FUNimation Entertainment". GLOBE NEWSWIRE. 2011-04-04. http://www.tradershuddle.com/20110404196448/globenewswire/Navarre-Corporation-Announces-Sale-of-FUNimation-Entertainment.html. Hinango noong 2011-04-04. 
  4. "Navarre Sells Anime Studio FUNimation". Asia Pacific Arts. 2011-04-08. http://asiapacificarts.usc.edu/article@apa?navarre_sells_anime_studio_funimation_16622.aspx. 
  5. "Interview with Gen Fukunaga, Part 1". ICv2. 2004-11-01. http://www.icv2.com/articles/news/6036.html. Hinango noong 2008-02-08. 
  6. "Animerica October 1995 - Sailor Moon Dragon Ball TV Edit News & scans". Practicemakesawesome.com. 2012-05-13. http://www.practicemakesawesome.com/animerica-magazine-anime-3x3-eyes-sailor-moon-dragon-ball-tv-edit-volume-3-issue-10-october-1995/. Hinango noong 2012-08-13. 
  7. Navarre Corporation (2005-05-11). Navarre Corporation Acquires Funimation, and Provides Financial Update and Guidance. Pagpapalabas ng balita. Hinango noong 8 Hulyo 2006.
  8. ICv2 (2005-05-12). Navarre Completes Funimation Acquisition. Pagpapalabas ng balita. Hinango noong 8 Pebrero 2008.
  9. Wethe, David (2007-06-07). "Funimation moving headquarters to Flower Mound". Fort-Worth Star Telegram. http://www.accessmylibrary.com/coms2/summary_0286-30963771_ITM. Hinango noong 2007-06-07. 
  10. "FUNimation Entertainment scripts HQ move". Dallas Business Journal. 2007-06-08. http://www.flower-mound.com/econdev/articles/FUNimationEntertainmentscriptsHQmove.pdf. Hinango noong 2008-06-20. 
  11. "Navarre/FUNimation Interested in Some Geneon Titles". ICv2. 2008-02-08. http://www.icv2.com/articles/home/12043.html. Hinango noong 2008-02-08. 
  12. funimation.com (2008-07-03). FUNimation Entertainment and Geneon Entertainment Sign Exclusive Distribution Agreement for North America. Pagpapalabas ng balita. Hinango noong 3 Hulyo 2008.
  13. animenewsnetwork.com (2008-07-04). Funimation Picks Up Over 30 Former AD Vision Titles. Pagpapalabas ng balita. Hinango noong 4 Hulyo 2008.
  14. "Funimation Adds Toei's Air Master, Captain Harlock - News". Anime News Network. 2009-04-03. http://www.animenewsnetwork.com/news/2009-04-03/funimation-adds-toei-air-master-captain-harlock. Hinango noong 2012-08-13. 
  15. "Funimation, Niconico to Jointly License Anime". Anime News Network. 2011-10-14. http://www.animenewsnetwork.com/news/2011-10-14/funimation-niconico-to-jointly-license-anime. Hinango noong 2012-08-13. 
  16. "Funimation and Universal Pictures Home Entertainment Enter Into Multi-Year Distribution Agreement". PR Newswire. 2015-06-22. http://www.prnewswire.com/news-releases/funimation-and-universal-pictures-home-entertainment-enter-into-multi-year-distribution-agreement-300103173.html. Hinango noong 2015-06-22. 
  17. https://www.fandompost.com/2015/07/17/funimation-reveals-first-october-2015-anime-releases/
  18. "Funimation Enforces Intellectual Property Rights (ANN)". http://www.animenewsnetwork.com/article.php?id=7979. Hinango noong 2006-10-14. 
  19. "Funimation Sends out Cease & Desist Letters For Multiple Anime (ANN)". http://www.animenewsnetwork.com/article.php?id=9625. Hinango noong 2006-10-14.