Holly Hunter

Holly Hunter
Si Hunter noong 2015 San Diego Comic-Con
Kapanganakan	(1958-03-20) 20 Marso 1958 Conyers, Georgia, U.S.
Edukasyon	Carnegie Mellon University (BFA)
Trabaho	Aktres
Aktibong taon	1981–kasalukuyan
Asawa	Janusz Kamiński (k. 1995; d. 2001)
Kinakasama	Gordon MacDonald (2001-kasalukuyan)
Anak	2
Parangal	Full list

Si Holly Hunter ay ipinanganak noong Marso 20, 1958. Sya ay isang Amerikanang artista. Nanalo si Hunter ng Academy Award para sa Best Actress para sa kanyang pagganap bilang Ada McGrath sa 1993 drama film na The Piano. Nakakuha siya ng tatlong karagdagang nominasyon ng Academy Award para sa Broadcast News noong 1987, The Firm noong 1993, at Thirteen noong 2003. Nanalo siya ng dalawang Primetime Emmy Awards para sa Outstanding Lead Actress sa Limited Series or Movie para sa mga pelikula sa telebisyon na Roe vs. Wade noong 1989 at The Positively True Adventures of the Alleged Texas Cheerleader-Murdering Mom noong 1993. Nag-bida din siya sa TNT drama series na Saving Grace noong 2007 hanggang 2010.

Ang iba pang mga papel ni Hunter sa pelikula ay kinabibilangan ng Raising Arizona noong 1987, Always noong 1989, Miss Firecracker noong 1989, Home for the Holidays noong 1995, Crash noong 1996, O Brother, Where Art Thou? noong 2000, The Incredibles noong 2004 at ang sumunod nitong Incredibles 2 noong 2018, Batman v Superman: Dawn of Justice noong 2016, at The Big Sick noong 2017, na ang huli ay nakapagbigay sa kanya ng nominasyon ng Screen Actors Guild Award para sa Namumukod-tanging Pagganap ng Isang Babaeng Aktor sa Isang Pansuportang Tungkulin .