Humero
(Idinirekta mula sa Humerus)
- Huwag itong ikalito kay Homero, isang Griyegong manunula.
Ang humero o humerus (mula sa Latin: humerus, umerus o pang-itaas na bisig, balikat; Gotiko: ams o "balikat"; Griyego: ōmos) ay ang mahabang buto ng braso o pang-unahang sanga na nagmumula sa balikat hanggang sa siko.[1]
Sa anatomiya, ito ang nagdurugtong sa paypay o iskapula at sa radyus, at binubuo ng tatlong mga seksiyon:
- Pang-itaas na sanga ng humero - binubuo ng isang mabilog na ulo, isang makitid na leeg, at dalawang maiikling mga "proseso" o mga tuberosidad (mga usli o mga butong nakausli).
- Katawan ng humero - hugis silindriko ito sa pang-itaas na bahagi, at mas parang balimbing o tila prisma sa ibaba.
- Pang-ibabang sanga ng humero - binubuo ng isang may tapyas na kondilo (bilog na bugkol sa dulong sugpungan ng buto) na humuhugpong na kasama ang radyus.
Mga sanggunian
[baguhin | baguhin ang wikitext]
Ang lathalaing ito na tungkol sa Anatomiya at Tao ay isang usbong. Makatutulong ka sa Wikipedia sa pagpapalawig nito.