Jeremiah Curtin

Jeremiah Curtin.

―archived photo, Bureau of American Ethnology

Si Jeremiah Curtin (Setyembre 6, 1835 – Disyembre 14, 1906) ay isang Amerikanong etnograpo, folklorista, at tagasalin. Si Curtin ay may patuloy na interes sa mga wika at nakakaalam ng ilan. Mula 1883 hanggang 1891 siya ay nagtatrabaho sa Kawanihan ng Amerikanong Etnolohiya bilang isang mananaliksik na lumalabas na nagdodokumento ng mga kaugalian at mitolohiya ng iba't ibang tribong Katutubong Amerikano.

Siya at ang kaniyang asawa, si Alma Cardell Curtin, ay naglakbay nang malawakan, nangongolekta ng impormasyong etnolohikal, mula sa mga Modoc ng Pasipikong Hilagang-kanluran hanggang sa mga Buryat ng Siberia.

Gumawa sila ng ilang mga paglalakbay sa Irlanda, bumisita sa Kapuluang Aran, at, sa tulong ng mga interpreter, nangolekta ng mga alamat sa timog-kanluran ng Munster at iba pang mga rehiyong nagsasalita ng Gaelic. Pinagsama-sama ni Curtin ang isa sa mga unang tumpak na koleksyon ng Irish folk material, at naging mahalagang pinanggalingan para sa W. B. Yeats. Kilala si Curtin sa ilang koleksoyon ng mga kwentong-bayang Irlandes.

Isinalin din niya sa Ingles ang Quo Vadis ni Henryk Sienkiewicz at iba pang mga nobela at kuwento ng Polako.

Buhay

Ipinanganak sa Detroit, Michigan, sa mga magulang na Irlandes, ginugol ni Curtin ang kaniyang maagang buhay sa bukid ng pamilya sa ngayon ay Greendale, Wisconsin at kalaunan ay nag-aral sa Harvard College, sa kabila ng kagustuhan ng kanyang mga magulang na siya pumunta sa isang Katolikong kolehiyo. Habang naroon siya ay nag-aral sa ilalim ng folkloristang si Francis James Child. Nagtapos si Curtin sa Harvard noong 1863. Pagkatapos ay lumipat si Curtin sa New York kung saan nagbasa siya ng batas, at nagtrabaho para sa US Sanitary Commission habang nagsasalin at nagtuturo ng Aleman.

Noong 1864 nagpunta siya sa Rusya, kung saan nagsilbi siya bilang kalihim ni Cassius M. Clay, Ministro sa korte ng Russia. Sa kaniyang panahon sa Russia, naging kaibigan ni Curtin si Konstantin Pobedonostsev, propesor ng batas sa Moscow State University . Bumisita din siya sa Czechoslovakia at sa Caucaso, at nag-aral ng mga wikang Slavic. Habang patuloy na pinagbubuti ang kanyang mga kasanayan sa wikang Ruso, nag-aral din siya ng Tseko, Polako, Bohemio, Litwanyo, Leton, Ungaro, at Turko. Bumalik si Curtin sa Estados Unidos noong 1868 para sa isang maikling pagbisita. Ipinagpalagay ni Clay na sa panahong ito ay gumawa si Curtin ng ilang komento kay William H. Seward na nagdulot kay Clay ng appointment bilang Kalihim ng Digmaan. Tinukoy ni Clay si Curtin bilang isang "Heswitang Irlandes".