Katheryn Winnick

Katheryn Winnick
Si Winnick noong 2023
Kapanganakan	(1977-12-17) 17 Disyembre 1977 Etobicoke, Ontario, Canada
Mamamayan	Canada United States
Edukasyon	York University
Trabaho	Aktres
Aktibong taon	1999–kasalukuyan

Si Katheryn Winnick ay ipinanganak noong Disyembre 17, 1977. </link> Siya ay isang aktres mula sa bansang Canada. Kilala siya sa kaniyang mga pag-ganap bilang bida sa serye sa telebisyon na Vikings noong 2013 hanggang 2020, Wu Assassins noong 2019, at Big Sky noong 2020 hanggang 2023, at sa kaniyang paulit-ulit na papel sa serye sa telebisyon na may pamagat na Bones noong 2010 hanggang 2011. Nag-bida din siya sa mga pelikulang Amusement noong 2008, Choose noong 2010, A Glimpse Inside the Mind of Charles Swan III noong 2012, The Art of the Steal noong 2013, Polar noong 2019, at sa The Marksman noong 2021.

Maagang Buhay

Si Winnick ay isinilang sa Etobicoke, Ontario. Siya ay may lahing Ukrainian. Nagsasalita siya ng Ukrainian bilang kaniyang unang wika. Nagsimula siyang magsalita ng wikang Ingles noong siya ay walong-taong gulang na. Nagsimula siyang magsanay sa martial arts sa edad na pito, at nakuha ang kaniyang unang itim na sinturon noong 13 taong gulang. Sa edad na 21, nakapagsimula siya ng tatlong paaralan ng Taekwondo. Nagturo siya ng Taekwondo at pagtatanggol sa sarili sa mga aktor habang tinatapos ang kaniyang digri sa kinesyolohiya sa Pamantasang York sa Toronto. Nag-aral din si Winnick at isang alumna ng William Esper Studio.

Nagsimulang kumilos si Winnick bilang isang batang babae sa kanyang pamayanan sa Toronto. Naging taga-pagtanghal siya ng mga dula noong siya ay nasa mataas na paaralan at nagwagi ng libreng pag-aaral para sa drama at pag-tatanghal habang nag-aaral sa Richview Collegiate Institute.