Lenovo

Lenovo Group Limited

Logo since 2015
Headquarters in Haidian District, Beijing
Pangalang lokal	联想集团有限公司
Romanisado	Liánxiǎng Jítuán Yǒuxiàn Gōngsī
Uri	Public
Nagnenegosyo bilang	Padron:Sehk
Industriya	Computer hardware Electronics
Itinatag	1 Nobyembre 1984 (1984-11-01) (as Legend 联想) Beijing
Nagtatag	Liu Chuanzhi Danny Lui
Punong-tanggapan	Hong Kong (main headquarters) Beijing, China (operational headquarters) Morrisville, North Carolina, United States (operational headquarters)
Pinaglilingkuran	Worldwide
Pangunahing tauhan	Yang Yuanqing (Chairman and CEO)
Produkto	Personal computers smartphones servers supercomputers peripherals printers televisions scanners storage devices
Kita	US$71.618 billion (2022)
Kita sa operasyon	US$3.081 billion (2022)
Netong kita	US$2.145 billion (2022)
Kabuuang pag-aari	US$44.51 billion (2022)
Kabuuang equity	US$5.395 billion (2022)
Dami ng empleyado	~75000 (2022)
Subsidiyariyo	Motorola Mobility Medion

Ang Lenovo Group Limited, malimit na pinaikli bilang Lenovo (/ləˈnoʊvoʊ/ lə-NOH-voh, Chinese: 联想; pinyin: Liánxiǎng), ay isang Amerikanong Tsinong multinasyunal na teknolohikal na kumpanya na nakatutok at dalubhasa sa pagdisenyo, pagmamanupaktura, at pagkalakal ng elektronikong pamimilihin (consumer electronics), kompyuter, software, solusyong pang-negosyo (business solutions), at mga kaugnay na serbisyo. Kasama sa mga produktong gawa ng kumpanya ay mga desktop na kompyuter, laptop, tabletang kompyuter (tablets), smartphone, istasyon ng mga kompyuter (workstation), online server, superkompyuter, elektronikong imbakan ng impormasyon (electronic storage devices), software para sa pangangasiwa ng impormasyong teknolohiya (IT management software), at telebisyong makabago (Smart TVs). Ang mga pinakakilalang tatak ng kumpanya ay laptop kompyuter na IBM ThinkPad, ang IdeaPad, Yoga, at tatak Legion na laptop kompyuter, at tiyaka mga uri ng IdeaCentre at ThinkCentre na desktop kompyuter. Mula noong 2021, ang Lenovo ay ang pinakamalaking kumpanya sa mundo na nagtitinda ng personal na kompyuter sa bilang ng benta ng unit.

Itinatag ang Lenovo sa Beijing noong ika-1 ng Nobyembre 1984 bilang Legend, ng isang grupo ng mga inhinyero na kabilang si Danny Lui. Sa simula’y nakatutok lamang sa mga telebisyon, ang kumpanya ay gumalaw tungo sa pagmamanupaktura at pagkalakal ng mga kompyuter. Lumaki’t nanguna ang Lenovo sa merkado ng Tsina at kumita ng halos US$30 milyon nang maging pampubliko ang kanilang stock (initial public offering) sa Hong Kong Stock Exchange. Mula noong dekada nobenta, ang Lenovo ay lalong pinarami ang kanilang mga produkto mula sa personal na kompyuter lamang at binili’t nakuha ang ilang mga korporasyon. Kasama sa mga pinakakilala at litaw ay ang pag-isahin ang karamihan ng mga kompyuter ng kumpayang IBM at ang kanilang negosyong x86-based server na kompyuter prosesor, pati na rin ang paglikha nila ng sariling smartphone.