Pagganyak
Ang pagganyak, pag-uudyok o motibasyon ang dahilan kung bakit nagsisimula, nagpapatuloy, o nagtatapos ng isang kilos ang mga tao at hayop. Ang mga estado ng pagganyak ay karaniwang nauunawaan bilang mga puwersa na tumatakbo sa loob ng isang indibiduwal upang lumikha ng disposisyon tungo sa isang kilos na naka-direkta sa isang layunin. Madalas na sinasabi na ang iba’t ibang mga puwersang pangkaisipan ay nakikipag-kompetensya sa isa't isa, kung saan naman ang pinakamakapangyarihang estado ay nagtatakda ng kilos.[1] Ibig sabihin nito, maari tayong magkaroon ng pagganyak na gawin ang isang kilos bagama’t di naman talagang nating gagawin. Ang paradigmatikong estado ng kaisipan na nagbibigay ng pagganyak ay ang pagnanasa. Ngunit ang iba’t ibang estado, tulad ng paniniwala o intensyon, ay maaari ring magbigay ng pagganyak. Ang motibasyon ay nagmula sa salita na “motibo”, kung saan tinutukoy nito ang mga pangangailangan, pagnanasa, kagustuhan, at hinihimok ng isang tao. Ito ang proseso ng pagmotibasyon ng mga indibiduwal na kumilos upang makamit ang isang layunin. Ang mga sikolohiyang elemento na nagtutulak sa mga kilos ng tao sa konteksto ng trabaho ay ang pagnanasa para sa pera.
Maraming iba’t ibang nakikipagkumpitensyang mga teorya ay inilatag tungkol sa nilalaman ng mga estadong pagganyak. Ang mga ito ay kilala bilang mga “content theory” (teorya ng nilalaman) at nilalayon niyang ilarawan ang mga layunin na nagmomotibasyon sa mga tao.
Kahulugan[baguhin | baguhin ang wikitext]
Karaniwang nangangahulugan ang katawagang "motibasyon" bilang kung ano ang nagpapaliwanag kung bakit ang tao o hayop ay nagkukusa, nagpapatuloy, o tinatapos ang isang partikular na ugali sa isang partikular na panahon.[2][3][4][5]
Mga sanggunian[baguhin | baguhin ang wikitext]
- ↑ Wasserman T, Wasserman L (2020). "Motivation: State, Trait, or Both". Motivation, Effort, and the Neural Network Model (sa Ingles). pp. 93–101. doi:10.1007/978-3-030-58724-6_8. ISBN 978-3-030-58724-6. S2CID 229258237.
- ↑ Kazdin AE, pat. (2000). "Motivation: an overview". Encyclopedia of Psychology (sa Ingles). American Psychological Association. ISBN 978-1-55798-187-5. Inarkibo mula sa orihinal noong 2021-05-13. Nakuha noong 2021-05-13.
- ↑ "Motivation and Motivation Theory". Encyclopedia of Management (sa Ingles). Inarkibo mula sa orihinal noong 2021-04-29. Nakuha noong 2021-05-13.
- ↑ Graham S. "Motivation". Encyclopedia of Education (sa Ingles). Inarkibo mula sa orihinal noong 2021-05-13. Nakuha noong 2021-05-13.
- ↑ Filipp SH. "Motivation". Encyclopedia of Aging (sa Ingles). Inarkibo mula sa orihinal noong 2021-05-13. Nakuha noong 2021-05-13.