Pagpaparami

Para sa ibang gamit, tingnan ang Pagpaparami (paglilinaw).

Ang pagpaparami o reproduksyon ay ang prosesong biyolohikal kung saan nalalalang o nalilikha ang bagong indibidwal na mga organismo. Isang pundamental na kasangkapang-katangian ng lahat ng nalalamang buhay ang reproduksyon; umiiral ang bawat indibidwal bilang resulta o kinalabasan ng reproduksyon. Malawakang pinangkat ang nakikilalang mga metodo ng reproduksyon sa dalawang pangunahing tipo o uri: ang seksuwal at ang aseksuwal.

Sa reproduksyong aseksuwal, maaaring makalikha o makagawa ng supling o anak ang isang indibidwal na hindi kinakailangan ang tulong ng isa pang indibidwal ng uri o espesyeng iyon. Isang halimbawa ng reproduksyong aseksuwal ang dibisyon o paghahati ng isang selula ng bakterya upang maging dalawang anak na selula. Subalit hindi limitado o para lamang sa mga organismong uniselular o organismong may iisang selula ang reproduksyong aseksuwal. Karamihan sa mga halaman ang may kakayahan o abilidad na makapagsupling sa pamamagitan ng paraang aseksuwal.

Nangangailangan ang reproduksyong seksuwal ng tulong ng dalawang mga indibiduwal, karaniwang isa ng bawat isang kasarian o seks. Karaniwang halimbawa ng reproduksyong seksuwal ang normal na reproduksyong pantao o reproduksyong humano.

Tingnan din

• Sistemang reproduktibo

Mga sanggunian

Ang lathalaing ito na tungkol sa Tao at Soolohiya ay isang usbong. Makatutulong ka sa Wikipedia sa pagpapalawig nito.