Wikang Gales

Ang wikang Gales o wikang Welsh (Cymraeg o y Gymraeg, bigkas [kəmˈrɑːɨɡ] at [ə ɡəmˈrɑːɨɡ]), ay isang wikang kasapi sa Britonikong sanga ng mga wikang Seltiko (o Selta, mula sa Kastilang Celta) na katutuubong sinasalita sa Gales, sa Inglatera ng ilang mga taong nasa hangganan ng Gales (Welsh Marches) at sa maliit na pamayanang Gales sa Arhentinang nasa Lambak ng Chubut sa Arhentinong Patagonia. May mga nagwiwika ng Gales sa buong mundo, partikular na ang nasa Dakilang Britanya, Estados Unidos, Kanada, Australya, at Bagong Selanda.