Pagdidiyeta

Mula sa Wikipediang Tagalog, ang malayang ensiklopedya
Tumalon sa: nabigasyon, hanapin

Ang pagdidiyeta ay ang kasanayan sa pagkain na isinasaayos at pinamamahala upang bawasan, panatalihin o dagdagan ang bigat ng katawan. Sa ibang salita, ito ang sinadyang pagpigil o kontrol sa diyeta. Kadalasan ginagamit ng mga taong labis ang timbang o napakataba ang pagdidiyeta na sinasamahan minsan ng ehersisyong pisikal upang mabawasan ang timbang. May mga tao na sinusunod ang isang diyeta upang madaragdagan ang timbang (kadalasan sa anyo ng kalamnan). Ginagamit din ang pagdidiyeta upang mapanatili ang tamang timbang ng katawan.

Nauuri ang mga diyeta na nagsusulong sa pagpapayat sa: mababang-taba, mababang-carbohydrate, mababang-calorie, masyadong mababang calorie at pagdidiyeta na nababagay sa pangyayari.[1] Napag-alaman sa isang pasusuring meta ng anim na wala-piling kontroladong pagsubok na walang pagkakaiba sa pagitan ng mababang-calorie, mababang-carbohydrate, at mababang-taba na mga diyeta na kasama ang isang 2-4 kilogramo na bawas sa timbang sa loob ng 12-18 na buwan sa lahat ng mga pag-aaral.[1] Sa dalawang taon, lahat ng mga diyeta na binabawasan ng calorie ay nagdudulot ng parehong pagbawas sa timbang kahit na di isaalang-alang ang pagbibigay-diin sa mga macronutrient.[2] Sa pangkalahatan, ang pinaka-epektibong diyeta ay pagbabawas ng pagkonsumo ng calorie.[3]

Mga sanggunian[baguhin | baguhin ang batayan]