Palasyo ng Versailles

Palasyo ng Versailles
Château de Versailles (Pranses)
Patsada ng hardin at mga puwente; Bulwagan ng Mga Salamin
Pangkalahatang impormasyon
Estilong arkitektural	Klasikalismo at Baroko
Kinaroroonan	Versailles, Pransiya
Sinimulan	1661 (1661)
May-ari	Pamahalaan ng Pransiya
Websayt
en.chateauversailles.fr
Pandaigdigang Pamanang Pook ng UNESCO
Official name	Chateau and Park of Versailles
Pamantayan	Kultural: i, ii, vi
Sanggunian	83
Inscription	1979 (ika-3 sesyon)
Lugar	1,070 ha
Sona ng buffer	9,467 ha

Kaalamang Estadistika ng Palasyo ng Versailles
Laki ng sahig	51,210 m2
Bilang ng mga bintana	2,153
Bilang ng mga silid	700
Mga hagdan	67
Mga pinta sa koleksiyon ng museo	6,123
Mga guhit sa koleksiyon ng museo	1,500
Mga ukit sa koleksiyon ng museo	15,034
Mga lilok sa koleksiyon ng museo	2,102
Mga piraso ng muwebles at objets d’art	5,210
Mga sanggunian: Official site of the Chateau de Versailles

Ang Palasyo ng Versailles (iba pang tawag: Bersayles) ( /vɛərˈsaɪ,_vɜːrˈsaɪ/ vair-SY-,_-vur-SY; Pranses: Château de Versailles; Palais et parc de Versailles ([ʃɑto d(ə) vɛʁsɑj]  ( pakinggan)) ay isang dating tirahang pangmaharlika na inatasan ni Haring Luis XIV sa Versailles, 19 kilometro (12 mi) ang layo mula sa kanluran ng Paris, Pransiya.

Pag-aari ng Republika ng Pransiya ang palasyo at mula 1995 ay pinamamahalaan, sa ilalim ng pamamatnubay ng Ministeryo ng Kultura ng Pransiya, ng Pampublikong Establisimyento ng Palasyo, Museo at Pambansang Pag-aari ng Versailles. Halos 15,000,000 katao ang bumibisita sa palasyo, liwasan, o mga hardin ng Versailles bawat taon, kaya isa ito sa mga pinakasikat na atraksyong panturista sa mundo.

Nang itinayo ang château (kastilyo), ang Versailles ay isang pamayanang lalawiganin ngunit ngayon, ito ay isa nang labas na bayan ng Paris, ilang dalawampung kilometro sa labas ng kabisera ng Pransiya. Ang korte ng Versailles ay ang sentro kapangyarihang pampolitika ng Pransiya mula 1682 nang si Louis XIV ay lumipat mula sa Paris hanggang ang pamilyang maharlika ay napilitang bumalik sa kabisera noong oktubre 1789 sa simula ng Himagsikang Pranses. Ang Versailles ay naging kilala hindi lamang isang gusali ngunit isang simbolo ng pamamaraang ganap na monarkiya ng Rehimeng Luma.

Itinalagang Pandaigdigang Pamanang Pook ng UNESCO ang palasyo at liwasan noong 1979 dahil sa kahalagahan ng mga ito bilang sentro ng kapangyarihan, sining, at agham sa Pransiya noong ika-17 at ika-18 siglo. Inilagay ng Ministeryo ng Kultura ng Pransiya ang palasyo at mga hardin at ilan sa mga pangalawahing istraktura nito sa kanilang talaan ng mga bantayog na may kahalagahan sa kultura.