Palazzo dei Normanni
Ang Palazzo dei Normanni (Palasyong Normando) o ang Maharlikang Palasyo ng Palermo ay isang palasyo sa Palermo, Italya. Ito ang luklukan ng mga Hari ng Sicilia panahon ng pamumuno ng mga Normando at matapos ay nagsilbi bilang pangunahing luklukan ng mga sumunod na pinuno ng Sicilia. Mula noong 1946 ito ay ang luklukan ng Asambleang Rehiyonal ng Sicilia. Ang gusali ay ang pinakalumang maharlikang tirahan sa Europa; at ang pribadong tirahan ng mga pinuno ng Kaharian ng Sicilia at ang imperyal na luklukan nina nina Fereico II at Conrado IV.
Kasaysayan
[baguhin | baguhin ang wikitext]
Ang Palasyong Normando ay itinayo sa pinakamataas na punto ng lungsod, sa itaas ng isang estrukturang Puniko na natuklasan noong 1984 sa ilalim ng mga Bulwagan ng Duke ng Montalto. Noong panahon ng pamamahala ng mga Arabe, ang pinakamaagang sentro ng gusali ay lumitaw sa pagitan ng mga ilog na Kemonia at Papireto, na dinisenyo na may mga katangiang pandepensa na tipikal ng mga kuta. Ginamit din ang gusaling ito noong panahon ng Romanong Bisantino.
Kasunod ng pananakop ng mga Normando noong 1072, nagtayo ang mga Normando ng isang bagong gusali na binubuo ng isang kastilyo, na may tungkulin bilang maharlikang tirahan at sentrong administratibo. Noong 1130, pagkatapos ng koronasyon ni Roger II ng Altavilla—ang unang haring Normando ng Sicilia—itinayo ang Kapilya Palatina, na naging simbolo ng kultural at Kristiyanong relihiyon ng mga Normando.