Pangako Sa 'Yo

Pangako Sa 'Yo
Pangako Sa 'Yo
Uri	Drama, Romance
Gumawa	ABS-CBN
Pinangungunahan ni/nina	Kristine Hermosa; Jericho Rosales
Kompositor ng tema	Rey Valera
Bansang pinagmulan	Pilipinas
Bilang ng kabanata	40 kabanata
Paggawa
Oras ng pagpapalabas	30 minuto
Pagsasahimpapawid
Orihinal na himpilan	ABS-CBN
Orihinal na pagsasapahimpapawid	13 Nobyembre 2000 –; 20 Setyembre 2002
Website
	Opisyal

Ang Pangako Sa 'Yo ay isang palabas sa telebisyon sa Pilipinas. Ipinalabas ito sa ABS-CBN mula 2000 hanggang 2002. Pinagbibidahan ito nina Kristine Hermosa at Jericho Rosales.

Nagsimula ang teleserye sa pag-iibigan nina Amor (Eula Valdez) at Eduardo (Tonton Guttierez). Tutol ang ina ni Eduardo na si Benita (Liza Lorena) dahil kasambahay noon si Amor, at sa halip, nais niyang ipakasal ang anak sa anak ng Gobernador ng Punta Verde na anak rin sa labas na si Madam Claudia (Jean Garcia) dahil sa interes pampolitika. Si Diego (Jestoni Alarcon), na may lihim na pag-hanga kay Amor, ay pinakiusapan ng ina na paghiwalayin ang dalawa. Nang balak gahasain ni Diego ang babaeng pinakamamahal niya, napagkamalan ng kapatid na may relasyon ang dalawa, at nagpasyang magpakasal kay Claudia. Umalis si Amor sa Hacienda Buenavista, na noo'y nagdadalantao, upang bumalik sa tambakan ng basura kasama ang kanyang ina na si Chayong. Nang mabasa niya sa lumang dyaryo na kasal na sina Eduardo't Claudia, nangako si Amor na gaganti sa kanila.

Pagkatapos magluwal ng isang sanggol na pinangalanang Maria Amor Powers Buenavista, nagtrabaho sa bar si Amor, kasama ang kaibigang si Lourdes (Amy Austria). Dito, nabihag niya ang puso ng isang mayamang Amerikano, nang maglaon ay sinama siya pabalik sa Amerika, iniwan ang anak at sariling ina sa tambakan. Gayunman, nagpapadala pa rin ng pera si Amor sa kanyang naiwan sa Pilipinas.

Abusado ang napangasawa ni Amor. Nang may nangyaring sakuna sa tambakan, hindi pinayagan ni James Powers si Amor na makabalik ng Pilipinas dahil sa pag-aakalang patay na ang kanyang naiwang mahal sa buhay. Gumanti siya sa pang-aabuso ng asawa nang hindi niya ito ipinagamot nang magka-stroke si Mr. Powers. Dahil dito, namana ni Amor ang lahat ng perang naiwan ng asawa.

May dalawang anak sina Eduardo at Claudia: sina Angelo at Lia. Tinutuligsa ni Angelo (Jericho Rosales) ang kanyang ama, samantala si Lia (Jodi Sta. Maria) ay isang mabait na dalaga. Ngayon, Gobernador na ng Punta Verde si Eduardo, at si Claudia ay naging kilala sa pagiging "Reyna ng mga Sugarol".

Magkagayunpaman, nakaligtas ang anak ni Amor sa sakunang nangyari sa tambakan, at inampon siya ng mag-asawang Magaspac: Isko (Cris Daluz) at Belen (Eva Darren). Ang mag-asawa ay meron nang isang anak, si Caloy (Jay Manalo). Nakita nila ang mga larawang iginuhit ni Eduardo kay Amor, na may lagdang "Ynamorata". Nakalagay ito sa tabi ng sanggol o yun naka-pangalan ito sa purseras, at nagpasya ang mag-asawa na ipangalan ang sanggol na Ynamorata, o Yna. Dumating din kalaunan ang bunso, si Flerida (Hazel Ann Mendoza).

Nagsisi si Benita na ipinakasal niya ang anak sa isang napakasamang babae. Sa mga huli niyang sandali, inamin niya na pakana niya ang paghiwalayin sina Eduardo at Amor, pero nalagutan na siya ng hininga bago siya makapagpaliwanag. Dumadalaw si Benita sa mga panaginip ng ngayo'y dalaga nang si Yna (Kristine Hermosa) para pagsisihan ang kanyang mga pagkakamali.

Naaksidenteng nagkakilala sina Yna at Eduardo. Kinagabihan, nanaginip muli si Yna: pinapakita ni Benita sa dalaga ang mga pagkakamaling nagawa niya sa kanyang pamilya. Dahil dito, nagpasya si Yna na maging kasambahay sa Hacienda Buenavista.

Nahulog ang mga loob nina Angelo at Yna, kahit tutol si Claudia sa nasabing relasyon. At dahil mababa ang tingin ni Claudia sa mga kasambahay, ginawa niyang impyerno ang buhay ng mga kasambahay, kabilang na si Yna sa loob ng mansiyon ng mga Buenavista.

Bumalik na si Amor sa Pilipinas bilang si Amor Powers, kilala sa mundo ng pagnenegosyo, naghahanda para sa kanyang paghihiganti sa mga Buenavista, lalo na kina Claudia at Eduardo. Ang pinakahihintay na pangyayari ay ang pag-siwalat ng katotohanan na si Yna ay ang nawawalang anak ni Amor.

Gayunman, mas kumplikado pa ang sumunod na pangyayari: dahil nalaman na si Eduardo ang tunay na ama ni Yna, magkapatid silang dalawa sa ama ni Angelo. Sa kalaunan, hindi si Eduardo ang ama ng binata; nung una, si Simon (John Arcilla) ang pinaghihinalaan, ngunit ang lumalabas na tunay na ama ng binata ay si Diego (siya'y ampon ng mga Buenavista at hindi talaga sila magkapatid ni Eduardo), na nakabuntis ng isang babaeng namatay sa pagkakapanganak na si Thelma.

Lumalabas din na babae ang iniluwal na sanggol ni Claudia o yun anak nilang dalawa ni Simon. Pinagpalit ng ama nito ang mga bata, sapagkat naniniwala siyang lalake ang magiging tagapagmana ng kanyang kayamanan. Maria Amor Powers (Dianne dela Fuente) ang pangalan ng sanggol, na pinalaki ni Lola Puring Zalameda (Anita Linda), kaya napaniwala siya na anak ito ni Amor. Datapwat, Clarissa ang totoo nitong pangalan, at napapaniwalang ito ang totoong anak nina Eduardo at Amor, kasama na si Claudia. Pinatay ni Claudia si Clarissa sa pamamagitan ng pag baril sa ulo upang makaganti sa kanyang karibal na si Amor. Nadurog ang kanyang loob nang malamang si Clarissa o mas nakilalang Maria Amor ang kanyang totoong anak. Nang dumating siya sa kasal nina Yna at Angelo, humihingi na ito ng pagpapatawad sa lahat dahil nakita niya ang kaluluwa ng anak. Nabilanggo si Claudia, at kasama nito ang abo ng anak, malayo sa dating buhay.

Sa huli, nagsama sina Eduardo at Amor, nagsama ng masaya si Yna at Angelo.

Mga gumanap

Jericho Rosales - Angelo Buenavista
Kristine Hermosa - Ynamorata Macaspac/ Maria Amor De Jesus Buenavista

Pamilya Macaspac

Cris Daluz† - Francisco "Isko" Macaspac† (kinilalang ama ni Yna)
Eva Darren - Belen Macaspac (kinilalang ina ni Yna)
Jay Manalo - Caloy Macaspac† (nakakatandang kapatid ni Yna)
Nikka Valencia - Julieta Macaspac (asawa ni Caloy)
Hazel Ann Mendoza - Flerida Macaspac (nakababatang kapatid ni Yna)

Pamilya de Jesus/Powers

Eula Valdez - Amor Powers/ Amor De Jesus Buenavista (tunay na ina ni Yna)
Perla Bautista - Chayong de Jesus (ina ni Amor)

Pamilya Buenavista

Liza Lorena - Doña Benita Buenavista† (ina nina Diego at Eduardo)
Tonton Gutierrez - Gov. Eduardo Buenavista
Jestoni Alarcon - Diego Buenavista (ampon anak ni Donya Benita)
Jean Garcia - Claudia Zalameda Buenavista / Claudia Barcial
Amy Austria - Lourdes Magbanua Buenavista (asawa ni Diego)
Jodi Sta. Maria - Lia Buenavista Mobido (bunsong kapatid ni Yna sa ama pero ai Angelo ang kinikilala niya kapatid)

Iba pang mga karakter

Carlo Muñoz - Mark† (kanang-kamay ni Eduardo)
Luis Alandy - David (kaibigan ni Yna)
Vanessa del Bianco - Bea Blanca Vejerano /Electrika Powers
Patrick Garcia - Jonathan (napangasawa ni Lia)
Dianne dela Fuente - Maria Amor/ Clarissa (tunay na anak nina Claudia at Simon)
John Arcilla - Simon Barcial (tunay na ama ni Maria Amor/ Clarissa pero hindi na ito nakilala pa sa huli)
Evangeline Pascual - Betty Mae Versailles
Anita Linda - Lola Puring (kinakilalang lola ni Maria Amor/ Clarissa)
Dennis Trillo - Ruel
Alfred Vargas - Dyno Zuryete
Onemig Bondoc - Errol