Patricia Clarkson

Patricia Clarkson
Kapanganakan	29 Disyembre 1959 New Orleans (Orleans Parish, Louisiana, Estados Unidos ng Amerika)
Mamamayan	Estados Unidos ng Amerika
Nagtapos	Pamantasang Fordham Yale School of Drama
Trabaho	artista, artista sa teatro, artista sa telebisyon, artista sa pelikula
Magulang	Jackie Clarkson

Si Patricia Davies Clarkson ay isinilang noong Disyembre 29, 1959. Siya ay isang Amerikanang artista. Siya ay nag-bida sa maraming pelikula bilang pangunahin at pangalawang aktres. Kasama sa kaniyang mga parangal ang Golden Globe Award at tatlong Primetime Emmy Awards, bilang karagdagan sa kaniyang mga nominasyon ang isang Academy Award at isang Tony Award.

Siya ay isinilang at lumaki sa New Orleans sa isang politikong ina at tagapangasiwa naman ng paaralan ang kaniyang ama, nakakuha si Clarkson ng digri sa drama mula sa Fordham University bago pumasok sa Yale School of Drama, kung saan nagtapos siya ng Master of Fine Arts. Ginawa niya ang kaniyang feature film debut sa mob drama ni Brian De Palma na The Untouchables noong 1987, sinundan ito ng isa pang pelikula bilang pangalawang artista sa The Dead Pool noong 1988 ni Clint Eastwood. Pagkatapos lumitaw sa mga maliliit na tungkulin sa kalagitnaan ng taong 1990s, nakakuha siya ng atensyon para sa kanyang pagganap tungkol sa isang artistang lulong sa droga sa independiyenteng drama na High Art noong 1998. Lumabas siya sa maraming pansuportang tungkulin sa mga pelikulang gaya ng The Green Mile noong 1999, The Pledge noong 2001, Far from Heaven noong 2002, at Dogville noong 2003.

Nagkamit siya ng karagdagang pagbubunyi noong 2003 para sa kaniyang mga pagtatanghal sa mga pelikulang drama na The Station Agent, nakapagbigay ito sa kaniya ng nominasyon bilang Screen Actors Guild Award, at Pieces of April, kung saan siya ay hinirang para sa isang Golden Globe at isang Academy Award bilang pangalawang aktres. Si Clarkson ay lumabas din bilang isang panauhing artista sa HBO series na Six Feet Under mula 2002 hanggang 2005, at nagwagi ng dalawang Primetime Emmy Awards para sa kaniyang pag-ganap. Ang iba pang mga pagkilala ay kinabibilangan ng Good Night, and Good Luck noong 2005, Lars and the Real Girl noong 2007, at Elegy noong 2008. Lumabas din siya sa Vicky Cristina Barcelona ni Woody Allen noong 2008, at Whatever Works noong 2009.