Pierre Trudeau
| Pierre Trudeau | |
|---|---|
.jpg) | |
| Kapanganakan | Joseph Philippe Pierre Yves Elliott Trudeau 18 Oktubre 1919 |
| Kamatayan | 28 Setyembre 2000 |
| Libingan | St-Rémi-de-Napierville Cemetery |
| Pagkamamamayan | Canada |
| Alma mater | London School of Economics |
| Hanapbuhay | politiko, abogado, peryodista, hukom, diyarista, memoirist |
| Asawa | Margaret Trudeau (4 Marso 1971–18 Abril 1984) |
| Anak | Justin Trudeau, Alexandre Trudeau, Michel Trudeau |
| Mga magulang |
|
Lagda | |
Si Joseph Philippe Pierre Yves Elliott Trudeau, PC CH CC QC FRSC ( /truːˈdoʊ/; Pagbigkas sa Pranses: [tʁydo]; Oktubre 18, 1919 – Setyembre 28, 2000), higit na kilala bilang Pierre Trudeau o Pierre Elliott Trudeau, ay ang ika-15 Punong Ministro ng Canada mula Abril 20, 1968 hanggang Hunyo 4, 1979, at muli mula Marso 3, 1980, hanggang Hunyo 30, 1984.
Nagsimula ang karera ni Trudeau sa pulitika bilang abogado, intelektuwal, at aktibista sa Quebec. Noong mga 1960 pinasok niya ang pederal na pulitika nang siya'y sumapi sa Liberal Party ng Canada. Hinirang siya ni Lester B. Pearson bilang Kalihim sa Parlamento at nang maglaon naging Ministro ng Katarungan. Pinagpiyestahan ng midya si Trudeau at tinawag itong "Trudeaumania". Nagsimula siyang pamunuan ang mga Liberal noong 1968. Sa huling bahagi ng dekada '60 hanggang kalagitnaan ng dekada '80, nangibabaw ang kaniyang personalidad sa larangan ng pulitika, isang bagay na hindi pa nasaksihan sa bansa, na naging sanhi ng maaalab at naghahating reaksiyon sa buong bansa. "Reason before passion" (Kadahilanan bago silakbo ng damdamin) ang kaniyang motto.[1] Nagretiro siya sa pulitika noong 1984, at humalili sa kaniya bilang punong ministro si John Turner. Ang kaniyang panganay na anak na si Justin Trudeau ay ang nakatakdang susunod na Punong Ministro, kasunod ng halalan noong 2015.