Pista ng Pelikula sa Cannes
Ang Cannes Film Festival o Pista ng Pelikula sa Cannes ay isa sa mga pinakamatandang pista ng pelikula sa buong mundo.[1] Taunang ginaganap sa Cannes, Pransya, tampok dito ang mga bagong pelikula ng lahat ng uri, kabilang ang mga dokumentaryo. Itinatag noong 1946, ang piyestang eksklusibo sa mga inimbitahan ay ginaganap taun-taon, karaniwang tuwing Mayo, sa Palais des Festivals et des Congrès.[2] Pormal na kinilala ng FIAPF ang piyesta noong 1951.[3] Itinuturing ang Cannes bilang isa sa "Malalaking Tatlo" na piyesta ng pelikula sa Europa, kasama ang Pista ng Pelikula sa Venicia at Internasyunal na Pista ng Pelikula sa Berlin, gayundin bilang isa sa “Big Five” na pandaigdigang piyesta ng pelikula, kasama ang Venice, Berlin, Pista ng Peikula sa Toronto, at Pista ng Pelikula ng Sundance..[4][5][6][7]
Nagmula ang Pista ng Pelikula sa Cannes noong 1938 nang itatag ni Jean Zay, ang Ministro ng Pambansang Edukasyon ng Pransya, sa mungkahi ng mataas na opisyal at historyador na si Philippe Erlanger at mamamahayag na pampelikula na si Robert Favre Le Bret, ang isang pandaigdigang piyesta ng pelikula. Sinuportahan ito ng Estados Unidos at Reyno Unido. Noong Mayo 31, 1939, napili ang lungsod ng Cannes bilang lokasyon ng piyesta sa halip na Biarritz, at nilagdaan ng bulwagan ng lungsod at ng pamahalaang Pranses ang opisyal na sertipiko ng pagkakatatag ng Pandaigdigang Piyesta ng Pelikula, na pinangalanang Le Festival International du Film.[8]
Karaniwang iniuugnay ang pagkakatatag ng piyesta sa hangarin ng Pransya na makipagkumpitensya sa Pista ng Pelikula sa Venicia, na noon ay nag-iisang pandaigdigang piyesta ng pelikula at nagpakita ng pagkiling sa pasismo.[9] Noong 1937, nakialam si Benito Mussolini upang matiyak na hindi mananalo ang pelikulang Pranses na pasipista na La Grande Illusion.[10]
Nagkaroon din ng mga kontrobersiya ang pista. Ilang kontrobersiya hinggil sa kasarian at seksuwalidad ang pumaligid sa Pista ng Pelikula sa Cannes. Kabilang dito ang "Heelgate", kung saan maraming babaeng dumalo sa isang premiere (unang pagpapalabas) sa red carpet (pulang alpombra) noong 2015 ang pinagbawalang pumasok dahil nakasuot sila ng mga sapatos na patag ang suwelas sa halip na mataas na takong.[11] Dahil sa insidente, ilang babaeng tanyag na personalidad ang nagsuot ng mga sapatos na patag ang suwelas o kaya naman ay hindi nagsuot ng sapatos sa iba pang premiere sa red carpet bilang pagpapakita ng pakikiisa at protesta.[12]
Mga sanggunian
[baguhin | baguhin ang wikitext]- ↑ Adlakha, Peter Debruge, Owen Gleiberman, Guy Lodge, Jessica Kiang, Murtada Elfadl, Siddhant (2025-05-25). "Best of Cannes: Critics Pick 17 Must-See Movies From the 2025 Festival". Variety (sa wikang Ingles). Nakuha noong 2025-05-25.
{{cite web}}: CS1 maint: multiple names: authors list (link) - ↑ "Presentation of the Palais". palaisdesfestivals.com (sa wikang Ingles). Inarkibo mula sa orihinal noong 20 Hunyo 2017. Nakuha noong 31 Mayo 2017.
- ↑ Moeran, Brian; Jesper, Strandgaard Pedersen (2011). Negotiating Values in the Creative Industries: Fairs, Festivals and Competitive Events (sa wikang Ingles). Cambridge: Cambridge University Press. p. 173. ISBN 978-1-107-00450-4. Inarkibo mula sa orihinal noong 8 Oktubre 2021. Nakuha noong 30 Oktubre 2020.
- ↑ Scott Roxborough (16 February 2020). "Berlin Rebooted: Festival Shuffles Lineup, Aims for Recharged Market" (sa wikang Ingles). The Hollywood Reporter. Inarkibo mula sa orihinal noong 8 Marso 2021. Nakuha noong 26 Abril 2020.
- ↑ Anderson, Ariston (24 Hulyo 2014). "Venice: David Gordon Green's 'Manglehorn,' Abel Ferrara's 'Pasolini' in Competition Lineup". The Hollywood Reporter (sa wikang Ingles). Inarkibo mula sa orihinal noong 18 Pebrero 2016. Nakuha noong 9 Setyembre 2018.
- ↑ "Addio, Lido: Last Postcards from the Venice Film Festival". Time. Inarkibo mula sa orihinal noong 20 Setyembre 2014. Nakuha noong 9 Setyembre 2018.
- ↑ Chan, F. (1 Hunyo 2011). "The international film festival and the making of a national cinema". Screen (sa wikang Ingles). 52 (2): 253–260. doi:10.1093/screen/hjr012.
- ↑ "History of the Cannes Film Festival". City of Cannes (sa wikang Ingles). Inarkibo mula sa orihinal noong 6 Nobyembre 2019. Nakuha noong 15 Marso 2020.
- ↑ "First Cannes Film Festival". history.com (sa wikang Ingles). Inarkibo mula sa orihinal noong 27 Disyembre 2013.
- ↑ Giorgi, Liana; Sassatelli, Monica; Delanty, Gerard (2011). Festivals and the Cultural Public Sphere (sa wikang Ingles). Abingdon-on-Thames: Routledge. ISBN 978-0-415-58730-3. Inarkibo mula sa orihinal noong 27 Agosto 2021. Nakuha noong 30 Oktubre 2020.
- ↑ "Heelgate and beyond: 13 controversial Cannes moments". The Telegraph (sa wikang Ingles). 9 Mayo 2016. ISSN 0307-1235. Inarkibo mula sa orihinal noong 20 March 2021. Nakuha noong 5 Mayo 2018.
- ↑ "Controversy at Cannes: When the festival made news for all the wrong reasons". hindustantimes.com. 16 May 2017. Inarkibo mula sa orihinal noong 20 March 2021. Nakuha noong 5 May 2018.